ಗಣೇಶ್ - ಸುನಿ ಹೊಸ ಸಿನಿಮಾಗೆ ಟೈಟಲ್ 'ಸಖತ್ತಾಗಿದೆ'

ನಟ ಗಣೇಶ್ ಮತ್ತೆ ಸುನಿ ಜೊತೆಗೆ ಸಿನಿಮಾ ಮಾಡುತ್ತಿದ್ದಾರೆ. 'ಚಮಕ್' ನಂತರ ಮತ್ತೆ ಈ ಜೋಡಿ ಒಂದಾಗಿದೆ. ಇದೀಗ ಸಿನಿಮಾದ ಟೈಟಲ್ ನಿಗದಿಯಾಗಿದೆ.

ಗಣೇಶ್ ಹಾಗೂ ಸುನಿ ಕಾಂಬಿನೇಶನ್ ಹೊಸ ಸಿನಿಮಾದ ಹೆಸರು 'ಸಖತ್'. ಹೌದು, 'ಸಖತ್' ಎನ್ನುವ ಟೈಟಲ್ ಅನ್ನು ಸುನಿ ತಮ್ಮ ಹೊಸ ಸಿನಿಮಾಗೆ ಇಟ್ಟಿದ್ದಾರೆ. ಸಿನಿಮಾದ ಟೈಟಲ್ ಕೇಳಿದರೆನೇ ಇದೊಂದು ಪಕ್ಕಾ ಮನರಂಜನೆ ತುಂಬಿರುವ ಸಿನಿಮಾ ಎನ್ನುವುದು ತಿಳಿಯುತ್ತದೆ.

ಸಿನಿಮಾದ ಪೂಜಾ ಕಾರ್ಯಕ್ರಮ ಇತ್ತೀಚಿಗಷ್ಟೆ ನಡೆದಿದ್ದು, ಚಿತ್ರತಂಡ ಅದರಲ್ಲಿ ಭಾಗಿಯಾಗಿದೆ. ಇತ್ತೀಚಿಗಷ್ಟೆ ಸಿನಿಮಾಗೆ ನಾಯಕಿ ಆಯ್ಕೆ ಕೂಡ ಆಗಿದೆ. ಸುರಭಿ ಸಿನಿಮಾದ ನಾಯಕಿಯಾಗಿದ್ದಾರೆ. ಈಗಾಗಲೇ ತಮಿಳು ತೆಲುಗು ಸಿನಿಮಾ ಮಾಡಿರುವ ಸುರಭಿಗೆ ಕನ್ನಡದಲ್ಲಿ ಇದು ಮೊದಲ ಸಿನಿಮಾವಾಗಿದೆ.

ಈ ಹೊಸ ಸಿನಿಮಾವನ್ನು ಸುಪ್ರೀತ್ ನಿರ್ಮಾಣ ಮಾಡುತ್ತಿದ್ದಾರೆ. ಈ ಹಿಂದೆ 'ಭರಾಟೆ' ಸಿನಿಮಾವನ್ನು ಸುಪ್ರೀತ್ ನಿರ್ಮಾಣ ಮಾಡಿದ್ದರು.

ಸುನಿ ನಿರ್ದೇಶನದ 'ಅವತಾರ ಪುರುಷ' ಸಿನಿಮಾದ ಕೆಲಸಗಳು ನಡೆಯುತ್ತಿದೆ. ಈ ಸಿನಿಮಾದ ನಂತರ 'ಸಖತ್' ಸಿನಿಮಾ ಬಿಡುಗಡೆ ಆಗಲಿದೆ.