ವೋಟರ್ ಐಡಿಯಲ್ಲಿ ಎಡವಟ್ಟು: 'ದುರ್ಗಾವತಿ'ಯಾದ ಸನ್ನಿ ಲಿಯೋನ್

ಮತದಾರರ ಪಟ್ಟಿಯಲ್ಲಿ ಸನ್ನಿ ಹಾಟ್ ಫೋಟೋ

ಉತ್ತರ ಪ್ರದೇಶದ ಮತದಾರರ ಪಟ್ಟಿಯಲ್ಲಿ ಸನ್ನಿ ಲಿಯೋನ್ ರ ಹಾಟ್ ಫೋಟೋ ಮುದ್ರಣಗೊಂಡಿದೆ. ವೋಟರ್ ಲಿಸ್ಟ್ ನಲ್ಲಿ ದುರ್ಗಾವತಿ ಸಿಂಗ್ ಎಂಬ ಮಹಿಳೆಯ ಫೋಟೋ ಬದಲಾಗಿ ಸನ್ನಿ ಲಿಯೋನ್ ಭಾವಚಿತ್ರ ತೋರಿಸುತ್ತಿದೆ.

ವೋಟರ್ ಲಿಸ್ಟ್ ನಲ್ಲಿ ಆನೆ, ಜಿಂಕೆ

ಮತದಾರರ ಪಟ್ಟಿಯಲ್ಲಿ ಜನರ ಭಾವಚಿತ್ರ ಬದಲಾಗಿ ಪ್ರಾಣಿಗಳ ಫೋಟೋ ಹಾಕಲಾಗಿದೆ. ಕುನ್ವರ್ ಅಂಕುರ್ ಸಿಂಗ್ ಗೆ ಜಿಂಕೆಯ ಫೋಟೋ ಹಾಕಲಾಗಿದ್ದು, ಕುನ್ವರ್ ಗೌರವ್ ಸಿಂಗ್ ಗೆ ಪಾರಿವಾಳದ ಫೋಟೋ ಪ್ರಿಂಟ್ ಮಾಡಲಾಗಿದೆ. ಇನ್ನೂ ಮಾಜಿ ಸಚಿವ ನಾರದ್ ರೈ ಹೆಸರಿನ ಮುಂದೆ ಆನೆಯ ಚಿತ್ರ ಇದೆ.

ತಡವಾಗಿ ಬೆಳಕಿಗೆ ಬಂದಿದೆ

ಚುನಾವಣೆ ಸಮೀಪಿಸುತ್ತಿದ್ದಂತೆಯೇ, ಮತದಾರರ ಪಟ್ಟಿ ಪರಿಶೀಲನೆ ನಡೆಸುತ್ತಿದ್ದ ವೇಳೆ ಈ ಪ್ರಕರಣ ಬೆಳಕಿಗೆ ಬಂದಿದೆ. ವೋಟರ್ ಲಿಸ್ಟ್ ನಲ್ಲಿ ಮಾಹಿತಿ ಸರಿಯಾಗಿದ್ದು, ಫೋಟೋಗಳು ಮಾತ್ರ ಸಮಸ್ಯೆ ತಂದಿವೆ. ಇದಕ್ಕೆಲ್ಲ ಡೇಟಾ ಆಪರೇಟರ್ ಕಾರಣ ಎನ್ನಲಾಗಿದೆ.

ಎಫ್.ಐ.ಆರ್ ದಾಖಲು

ಸದ್ಯ ಡೇಟಾ ಆಪರೇಟರ್ ವಿರುದ್ಧ ಎಫ್.ಐ.ಆರ್ ದಾಖಲಾಗಿದ್ದು, ಪೊಲೀಸರು ತನಿಖೆ ಆರಂಭಿಸಿದ್ದಾರೆ. ಆದಷ್ಟು ಬೇಗ ತಪ್ಪುಗಳನ್ನು ಸರಿ ಮಾಡುತ್ತೇವೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.