ನನಗೆ ಸಿಗರೇಟ್ ಬಿಡಕ್ಕಾಗಲ್ಲ; ನಟ ರಜನಿಕಾಂತ್

By Rajendra

| Updated: Monday, December 17, 2012, 13:05 [IST]

ಸಿಗರೇಟನ್ನು ಮೇಲಕ್ಕೆ ಎಸೆದು ಲಬಕ್ ಎಂದು ತುಟಿಗೆ ಇಟ್ಟುಕೊಳ್ಳುವುದು ಸೂಪರ್ ಸ್ಟಾರ್ ರಜನಿಕಾಂತ್ ಅವರ ಜನಪ್ರಿಯ ಸ್ಟೈಲ್ ಗಳಲ್ಲಿ ಒಂದು. ಈ ಒಂದು ಸ್ಟೈಲ್ ಗಾಗಿ ಅಭಿಮಾನಿಗಳು ಕಾಯುತ್ತಿರುತ್ತಾರೆ. ಇನ್ನೂ ಯವಾಗ ಗುರು ಸಿಗರೇಟ್ ಸ್ಟೈಲ್ ಬರುವುದು ಎಂದು ಕಾಯುತ್ತಿರುತ್ತಾರೆ.

ಸಿನಿಮಾ ರಂಗಕ್ಕೆ ಬರುವುದಕ್ಕೂ ಹಿಂದಿನಿಂದಲೂ ರಜನಿಕಾಂತ್ ಈ ಸ್ಟೈಲ್ ಮಾಡುತ್ತಿದ್ದರು. ಬೆಳ್ಳಿತೆರೆಗೆ ಅಡಿಯಿಟ್ಟ ಮೇಲೆ ಈ ಸ್ಟೈಲ್ ಜಗದ್ವಿಖ್ಯಾತವಾಯಿತು. ಈಗ ಸಿಗರೇಟ್ ಬಗ್ಗೆ ತಮ್ಮ ನಿಲುವನ್ನು ಪ್ರಕಟಿಸಿದ್ದಾರೆ. ಈ ಸಿಗರೇಟ್ ನಿಂದ ನನ್ನ ಹೆಲ್ತ್ ಸಿಕ್ಕಾಪಟ್ಟೆ ಹಾಳಾಯಿತು ಎಂದಿದ್ದಾರೆ.

ಆದರೂ ನಾನು ಅದನ್ನು ಬಿಡಲು ಸಾಧ್ಯವಾಗುತ್ತಿಲ್ಲ. ನನಗೇನೋ ಸಿಗರೇಟ್ ಚಟ ಬಿಡಲು ಸಾಧ್ಯವಾಗುತ್ತಿಲ್ಲ. ಆದರೆ ನೀವಂತೂ ಹಾಗೆ ದಯವಿಟ್ಟ ಮಾಡಬೇಡಿ ಎಂದು ತಮ್ಮ ಅಭಿಮಾನಿಗಳಿಗೆ ಕಿವಿಮಾತನ್ನು ಹೇಳಿದ್ದಾರೆ. ತಾನು ಕಿಡ್ನಿ ತೊಂದರೆಯಿಂದ ಬಳಲಿ ಆಸ್ಪತ್ರೆ ಪಾಲಾಗಿದ್ದೆ. ಇಂದು ಬದುಕು ಬಂದಿದ್ದೇನೆ ಎಂದರೆ ಅದು ದೇವರ ಆಶೀರ್ವಾದ ಮತ್ತು ಅಭಿಮಾನಿಗಳ ಪ್ರಾರ್ಥನೆಯ ಫಲ ಎಂದಿದ್ದಾರೆ.

ತಾವು ಯಾವುದೇ ರಾಜಕೀಯ ಪಕ್ಷಕ್ಕೆ ಸೇರುವ ಉದ್ದೇಶವಿಲ್ಲ. ಹಾಗೆಯೇ ನಾನೊಬ್ಬ ಪರಿಣಾಮಕಾರಿ ನಾಯಕ ಎನ್ನಿಸಿಕೊಳ್ಳಲು ಸಾಧ್ಯವಿಲ್ಲ. ಹಾಗಾಗಿ ತಾನು ಯಾವುದೇ ರಾಜಕೀಯ ಪಕ್ಷವನ್ನು ಕಟ್ಟುವ ಗೋಜಿಗೂ ಹೋಗುತ್ತಿಲ್ಲ. ನನಗೆ ಒಳ್ಳೆಯ ಜೀವನಾಧಾರಕ್ಕೆ ಅವಕಾಶಕೊಟ್ಟ ಅಭಿಮಾನಿಗಳಿಗೆ ಧನ್ಯವಾದಗಳು ಎಂದಿದ್ದಾರೆ. (ಏಜೆನ್ಸೀಸ್)

English summary

Super Star Rajinikanth said his illness had been caused by smoking, but admitted he was unable to give it up. "I haven't quit smoking, but you should do so" he said.

Monday, December 17, 2012, 13:05