ಬೆಂಗಳೂರಿನಲ್ಲಿ ಮುಂಜಾನೆ 3 ಗಂಟೆಗೆ 'ಸೈರಾ' ಮೊದಲ ಶೋ

ಊರ್ವಶಿ ಚಿತ್ರಮಂದಿರದಲ್ಲಿ ಸೈರಾ

ಲಾಲ್ ಬಾಗ್ ಬಳಿಯಿರುವ ಊರ್ವಶಿ ಚಿತ್ರಮಂದಿರದಲ್ಲಿ ಸೈರಾ ನರಸಿಂಹ ರೆಡ್ಡಿ ಸಿನಿಮಾ ರಿಲೀಸ್ ಆಗುತ್ತಿದೆ. ಸದ್ಯ ಎರಡು ಶೋಗಳಿಗೆ ಮಾತ್ರ ಬುಕ್ಕಿಂಗ್ ಓಪನ್ ಆಗಿದ್ದು ಮೊದಲ ಶೋ ಮುಂಜಾನೆ 3.05 ನಿಮಿಷಕ್ಕೆ ಇದೆ. ನಂತರ ಎರಡನೇ ಶೋ 7 ಗಂಟೆಗೆ ಇದೆ. ಟಿಕೆಟ್ ಬೆಲೆ 500, 400, 300 ರೂಪಾಯಿ ನಿಗದಿಯಾಗಿದೆ.

ಶಂಕರ್ ನಾಗ್ ಚಿತ್ರಮಂದಿರದಲ್ಲಿ ಸೈರಾ

ಎಂಜಿ ರಸ್ತೆಯಲ್ಲಿರುವ ಶಂಕರ್ ನಾಗ್‌ ಚಿತ್ರಮಂದಿರದಲ್ಲಿ ಮುಂಜಾನೆ 3.30ಕ್ಕೆ ಮೊದಲ ಶೋ ಇದೆ. ಮೊದಲ ದಿನ ಒಟ್ಟು ಐದು ಶೋಗಳು ಈ ಚಿತ್ರಮಂದಿರದಲ್ಲಿ ಪ್ರದರ್ಶನವಾಗಲಿದೆ. ಇಲ್ಲಿ ಟಿಕೆಟ್ ಬೆಲೆ ಗರಿಷ್ಠ 1200 ರೂಪಾಯಿವರೆಗೂ ಇದೆ.

ಮಿಡ್ ನೈಟ್ ಶೋ ಬೇಡ ಎಂದಿದ್ದ ಸುದೀಪ್

ಈ ಹಿಂದೆ ಸುದೀಪ್ ನಟನೆಯ ಪೈಲ್ವಾನ್ ಸಿನಿಮಾ ತೆರೆಕಂಡಿತ್ತು. ಆ ಸಮಯದಲ್ಲಿ ಮಿಡ್ ಶೋ ಆಯೋಜನೆ ಮಾಡಿ ಎಂದು ಅಭಿಮಾನಿಗಳು ಒತ್ತಾಯಿಸಿದರು. ಆದರೆ, ಇದಕ್ಕೆ ಸ್ವತಃ ಸುದೀಪ್ ಅವರೇ ಒಪ್ಪಲಿಲ್ಲ. ಮಧ್ಯರಾತ್ರಿ ಶೋ ಮಾಡುವುದರಿಂದ ಕೆಲವು ಸಮಸ್ಯೆಗಳು ಎದುರಾಗಬಹುದು. ಹಾಗಾಗಿ, ಬೇಡ. ಏಳು ಗಂಟೆಗೆ ಶೋ ಮಾಡಬಹುದು ಎಂದಿದ್ದರು.

ಕನ್ನಡ ಚಿತ್ರಗಳು ಅಪರೂಪ

ಚಕ್ರವರ್ತಿ, ಹೆಬ್ಬುಲಿ ಬಂದಾಗ ರಾಜ್ಯದಲ್ಲಿ ಮಿಡ್ ನೈಟ್ ಶೋಗಳು ಪ್ರದರ್ಶನ ಕಂಡಿದ್ದವು. ಆದರೆ, ಇತ್ತೀಚಿನ ದಿನಗಳಲ್ಲಿ ಸ್ಟಾರ್ ನಟರ ಚಿತ್ರಗಳು ಕೂಡ ಮಿಡ್ ನೈಟ್ ಅಥವಾ ಮುಂಜಾನೆ ಶೋಗಳನ್ನ ಕಡಿಮೆ ಮಾಡಿವೆ. ಬೆಳಿಗ್ಗೆ 5, 6, 7 ಗಂಟೆಗೆ ಮೊದಲ ಶೋ ಆರಂಭಿಸುತ್ತಿದೆ.