ಕನ್ನಡದಲ್ಲಿ ನೋಡಬಹುದಂತೆ 'ಸೈರಾ', ಆದ್ರೂ ಇಲ್ಲೊಂದು ಅನುಮಾನ.?

ನಾಲ್ಕು ಭಾಷೆಯಲ್ಲಿ 'ಸೈರಾ'

'ಸೈರಾ' ಸಿನಿಮಾ ತೆಲುಗು, ತಮಿಳು ಮತ್ತು ಮಲಯಾಳಂ ಭಾಷೆಯಲ್ಲಿ ಬರ್ತಿದೆ ಎಂದು ಎಲ್ಲರೂ ಅಂದುಕೊಂಡಿದ್ದರು. ಈಗ ಬಹಿರಂಗವಾಗಿರುವ ವಿಷ್ಯವೇನಪ್ಪಾ ಅಂದ್ರೆ, ಈ ಮೂರು ಭಾಷೆಯ ಜೊತೆಗೆ ಕನ್ನಡದಲ್ಲೂ ತೆರೆಕಾಣಲಿದೆ. ಈ ವಿಷ್ಯವನ್ನ ಖುದ್ದು ನಿರ್ಮಾಪಕ ರಾಮ್ ಚರಣ್ ತೇಜ ಅವರೇ ಸ್ಪಷ್ಟಪಡಿಸಿದ್ದಾರೆ. ಈ ಮೂಲಕ ಒಟ್ಟು ನಾಲ್ಕು ಭಾಷೆಗಳಲ್ಲಿ ಸೈರಾ ಸಿನಿಮಾ ಬಿಡುಗಡೆಯಾಗುತ್ತಿದೆ.

ಈ ಅನುಮಾನ ಬಗೆಹರಿಸಿ

'ಸೈರಾ' ಸಿನಿಮಾ ಒಟ್ಟು ನಾಲ್ಕು ಭಾಷೆಯಲ್ಲಿ ಬರ್ತಿದೆ. ಹಾಗಿದ್ರೆ, ಈಗ ಕನ್ನಡದಲ್ಲಿ ಬಿಡುಗಡೆಯಾದ್ರೆ, ಡಬ್ಬಿಂಗ್ ಸಿನಿಮಾ ಆಗುತ್ತಾ.? ಅಥವಾ ನೇರ ಸಿನಿಮಾ ಎನಿಸಿಕೊಳ್ಳುತ್ತಾ. ಒಂದು ವೇಳೆ ಕನ್ನಡದಲ್ಲಿ ಸೈರಾ ಸಿನಿಮಾ ಬಿಡುಗಡೆ ಮಾಡಿದ್ರೆ ಪ್ರೇಕ್ಷಕರು ಮತ್ತು ಡಬ್ಬಿಂಗ್ ವಿರೋಧಿಗಳು ಒಪ್ಪಿಕೊಳ್ತಾರಾ.?

ಸುದೀಪ್ ಒಬ್ಬರೇ ಕನ್ನಡದವರು

ಅಂದ್ಹಾಗೆ, ಈ ಚಿತ್ರದಲ್ಲಿ ಸುದೀಪ್ ಒಬ್ಬರೇ ಕನ್ನಡದವರು. ಇನ್ನುಳಿದಂತೆ ನಿರ್ದೇಶಕ, ನಿರ್ಮಾಪಕ, ತಂತ್ರಜ್ಞರು, ಕಲಾವಿದರು ಪೂರ್ತಿ ತೆಲುಗುದವರೇ. ಇದರ ಅರ್ಥ ಇದು ಪಕ್ಕಾ ತೆಲುಗು ಸಿನಿಮಾ. ಚಿರಂಜೀವಿ ನಾಯಕ, ಜಗಪತಿ ಬಾಬು, ಅಮಿತಾಬ್ ಬಚ್ಚನ್, ಸುದೀಪ್, ವಿಜಯ್ ಸೇತುಪತಿ, ನಯನತಾರ, ತಮನ್ನಾ ಸೇರಿದಂತೆ ಹಲವು ಕಾಣಿಸಿಕೊಂಡಿದ್ದಾರೆ.

ಕರ್ನಾಟಕದಲ್ಲಿ 'ಸೈರಾ' ಯಾವ ಭಾಷೆಯಲ್ಲಿ ತೆರೆಕಾಣುತ್ತೆ.?

ಒಂದು ವೇಳೆ ಕರ್ನಾಟಕದಲ್ಲಿ ಕನ್ನಡ ಭಾಷೆಯಲ್ಲಿ 'ಸೈರಾ' ಸಿನಿಮಾ ಬಿಡುಗಡೆಯಾಗುವುದಾದರೇ, ತೆಲುಗು ಭಾಷೆಯಲ್ಲಿ ಸೈರಾ ರಿಲೀಸ್ ಆಗಲ್ವಾ.? ಬರಿ, ಕನ್ನಡದಲ್ಲೇ ಆದ್ರೆ, ಆಗ ಕನ್ನಡ ಭಾಷೆಯಲ್ಲೇ ಸೈರಾ ಸಿನಿಮಾ ನೋಡುವಂತಾಗುತ್ತೆ. ಅಂದಾಜು ತೆಲುಗು ಆಡಿಯೆನ್ಸ್ ಬೆಂಗಳೂರಿನಲ್ಲಿ ಹೆಚ್ಚಾಗಿದ್ದಾರೆ. ಅವರೆಲ್ಲರೂ ಕನ್ನಡದಲ್ಲಿ ಸೈರಾ ನೋಡ್ತಾರಾ.? ಇಷ್ಟೆಲ್ಲಾ ಪ್ರಶ್ನೆಗಳಾಗಯೇ ಉಳಿದುಕೊಂಡಿದೆ. ಉತ್ತರ ಕಾದು ನೋಡಬೇಕಿದೆ ಅಷ್ಟೇ.