ಸೌತ್ ಬಾಕ್ಸ್ ಆಫೀಸ್ ನಲ್ಲಿ ದಾಖಲೆ ನಿರ್ಮಿಸಿದ ಸೈರಾ ನರಸಿಂಹ ರೆಡ್ಡಿ

ಎರಡು ದಿನದಲ್ಲಿ ನೂರು ಕೋಟಿ

ಮೊದಲ ದಿನ 85 ರಿಂದ 92 ಕೋಟಿ ಬಾಚಿಕೊಂಡಿದ್ದ ಸೈರಾ ಸಿನಿಮಾ ಎರಡನೇ ದಿನ ನೂರು ಕೋಟಿ ಗಳಿಸಿದೆ. ಈ ಮೂಲಕ ಚಿರಂಜೀವಿ ಸಿನಿಮಾ ಮೊದಲ ಬಾರಿಗೆ ನೂರು ಕೋಟಿ ಕ್ಲಬ್ ಸೇರಿದೆ. ಚಿತ್ರ ವಿಶ್ಲೇಷಕ ರಮೇಶ್ ಬಾಲ ಇದನ್ನ ಅಧಿಕೃತವಾಗಿ ತಿಳಿಸಿದ್ದಾರೆ. ತೆಲುಗು, ತಮಿಳು, ಹಿಂದಿ, ಕನ್ನಡ ಹಾಗೂ ಮಲಯಾಳಂ ಭಾಷೆಯಲ್ಲಿ ಈ ಸಿನಿಮಾ ಬಿಡುಗಡೆಯಾಗಿತ್ತು.

ತೆಲುಗು ರಾಜ್ಯದಲ್ಲಿ 50 ಕೋಟಿ

ಸೈರಾ ಸಿನಿಮಾ ಆಂಧ್ರ ಪ್ರದೇಶ ಮತ್ತು ತೆಲಂಗಾಣ ರಾಜ್ಯಗಳಲ್ಲಿಯೇ ಮೂರು ದಿನಕ್ಕೆ 55 ಕೋಟಿಗೂ ಅಧಿಕ ಹಣ ಗಳಿಸಿದೆಯಂತೆ. ಉಳಿದಂತೆ ತಮಿಳುನಾಡು, ಕರ್ನಾಟಕ, ಮುಂಬೈ ಹಾಗೂ ದೇಶಾದ್ಯಂತ ಕೂಡ ಒಳ್ಳೆಯ ಬಿಸಿನೆಸ್ ಮಾಡಿದೆ.

ಮೂರನೇ ದಿನ 20 ಕೋಟಿ.!

ಮೊದಲ ಎರಡು ದಿನದಲ್ಲಿ ಭರ್ಜರಿ ಗಳಿಕೆ ಕಂಡಿದ್ದ ಸೈರಾ ಸಿನಿಮಾ ಮೂರನೇ ದಿನವೂ ಗೆಲುವಿನ ನಾಗಲೋಟ ಮುಂದುವರಿಸಿದೆ. ಭಾರತದಲ್ಲಿ ಸೈರಾ ಸಿನಿಮಾ ಮೂರನೇ ದಿನ 20 ಕೋಟಿ ಗಳಿಕೆ ಕಂಡಿದೆಯಂತೆ. ಹಾಗ್ನೋಡಿದ್ರೆ, ಮೂರು ದಿನದಲ್ಲಿ ಒಟ್ಟಾರೆ ಕಲೆಕ್ಷನ್ 133 ಕೋಟಿ ದಾಟಿದ್ದು, ನೆಟ್ ಕಲೆಕ್ಷನ್ 97 ಕೋಟಿ ಎಂದು ಹೇಳಲಾಗುತ್ತಿದೆ.

ಚಿರು ವೃತ್ತಿ ಜೀವನದಲ್ಲಿ ದಿ ಬೆಸ್ಟ್?

ಚಿರಂಜೀವಿ ವೃತ್ತಿ ಜೀವನದಲ್ಲಿ ಅತಿ ಹೆಚ್ಚು ಗಳಿಕೆ ಕಂಡ ಸಿನಿಮಾಗಳ ಪೈಕಿ ಸೈರಾ ಮೊದಲ ಸ್ಥಾನ ಪಡೆದುಕೊಂಡಿದೆ ಎಂದು ಹೇಳಲಾಗುತ್ತಿದೆ. ದಕ್ಷಿಣ ಭಾರತ ಹಾಗೂ ತೆಲುಗು ಸಿನಿಮಾ ಲೋಕದಲ್ಲಿ ಹಲವು ದಾಖಲೆ ಬರೆದಿರುವ ಸೈರಾ, ಕಲೆಕ್ಷನ್ ನಲ್ಲಿ ದೊಡ್ಡ ಚಿತ್ರಗಳ ದಾಖಲೆಯನ್ನ ಹಿಂದಿಕ್ಕುವ ಸೂಚನೆ ನೀಡಿದೆ.

ಅದ್ಧೂರಿ ಪಾರ್ಟಿ ಮಾಡಿದ ಮೆಗಾ ಹೀರೋಸ್

ಸೈರಾ ಸಿನಿಮಾ ಸೂಪರ್ ಹಿಟ್ ಆದ ಹಿನ್ನೆಲೆ ಮೆಗಾಸ್ಟಾರ್ ಕುಟುಂಬದ ಹೀರೋಗಳು ಅದ್ಧೂರಿ ಪಾರ್ಟಿ ಆಯೋಜನೆ ಮಾಡಿದ್ದರು. ಚಿರಂಜೀವಿ, ರಾಮ್ ಚರಣ್ ತೇಜ, ಅಲ್ಲು ಅರ್ಜುನ್, ಅಲ್ಲು ಸಿರೀಶ್, ಸಾಯಿ ಧರಮ್ ತೇಜ, ವರುಣ್ ತೇಜ, ಅಖಿಲ್ ಅಕ್ಕಿನೇನಿ, ಶ್ರೀಕಾಂತ್ ಭಾಗವಹಿಸಿದ್ದರು.