ಹೊಸಪೇಟೆಯಲ್ಲಿ ಅಬ್ಬರಿಸಲಿದೆ 'ಟಗರು' ಚಿತ್ರದ ಹಾಡುಗಳು

ಹೊಸಪೇಟೆಯಲ್ಲಿ ಶಿವಣ್ಣ ಮತ್ತು ಟೀಂ

ಶಿವರಾಜ್ ಕುಮಾರ್ ಅಭಿನಯದ 'ಟಗರು' ಚಿತ್ರದ ಹಾಡುಗಳನ್ನ ಹೊಸಪೇಟೆಯಲ್ಲಿ ಬಿಡುಗಡೆ ಮಾಡಲು ಚಿತ್ರತಂಡ ನಿರ್ಧಾರ ಮಾಡಿದೆ. ಹೊಸಪೇಟೆಯ 'ವಿ ಎನ್ ಸಿ' ಕಾಲೇಜು ಮೈದಾನದಲ್ಲಿ ಇದೇ ತಿಂಗಳ (ಡಿಸೆಂಬರ್) 23 ರಂದು ಚಿತ್ರದ ಹಾಡುಗಳ ಬಿಡುಗಡೆ ಸಮಾರಂಭ ಅದ್ಧೂರಿಯಾಗಿ ನಡೆಯಲಿದೆ.

ವೇದಿಕೆ ಮೇಲೆ ಅಭಿಮಾನಿಗಳಿಗಾಗಿ ಶಿವಣ್ಣ ಡ್ಯಾನ್ಸ್

ಹೊಸಪೇಟೆಯಲ್ಲಿ ಇದೇ ಮೊದಲ ಬಾರಿಗೆ ಶಿವಣ್ಣ ಅಭಿನಯದ ಚಿತ್ರದ ಹಾಡುಗಳನ್ನ ಬಿಡುಗಡೆ ಮಾಡಲಾಗುತ್ತಿದೆ. ಅದ್ಧೂರಿ ಆಡಿಯೋ ಸಮಾರಂಭದಲ್ಲಿ ಶಿವರಾಜ್ ಕುಮಾರ್, ಮಾನ್ವಿತಾ ಹರೀಶ್ ಇನ್ನೂ ಅನೇಕ ಕಲಾವಿದರು ಡ್ಯಾನ್ಸ್ ಮಾಡಲಿದ್ದಾರೆ.

ಪವರ್ ಸ್ಟಾರ್-ರೋರಿಂಗ್ ಸ್ಟಾರ್

ಇತ್ತಿಚೆಗಷ್ಟೇ ಒಂದೇ ಸಿನಿಮಾದಲ್ಲಿ ಅಭಿನಯಿಸಿ ಪ್ರೇಕ್ಷಕರನ್ನ ಇಂಪ್ರೇಸ್ ಮಾಡಿರುವ ರೋರಿಂಗ್ ಸ್ಟಾರ್ ಶ್ರೀ ಮುರಳಿ ಹಾಗೂ ಶಿವರಾಜ್ ಕುಮಾರ್ 'ಟಗರು' ಆಡಿಯೋ ರಿಲೀಸ್ ಸ್ಟೇಜ್ ಮೇಲೆ ಕಾಣಿಸಿಕೊಳ್ಳಲಿದ್ದಾರೆ. ಇವರಿಬ್ಬರ ಜೊತೆಯಲ್ಲಿ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಕೂಡ ಸಮಾರಂಭದಲ್ಲಿ ಭಾಗಿಯಾಗಲಿದ್ದಾರೆ.

ಅಪ್ಪು ಸಂಸ್ಥೆಯಲ್ಲಿ 'ಟಗರು' ಹಾಡುಗಳ ಬಿಡುಗಡೆ

'ಟಗರು' ಟೀಸರ್ ಬಿಡುಗಡೆ ಸಮಾರಂಭದಲ್ಲಿ ಹೇಳಿರುವಂತೆಯೇ 'ಪಿ ಆರ್ ಕೆ' ಆಡಿಯೋ ಕಂಪನಿಯಲ್ಲೇ 'ಟಗರು' ಸಿನಿಮಾದ ಹಾಡುಗಳು ಬಿಡುಗಡೆ ಆಗುತ್ತಿದೆ. ಚಿತ್ರಕ್ಕೆ 'ಗೋಧಿಬಣ್ಣ ಸಾದಾರಣ ಮೈಕಟ್ಟು' ಸಿನಿಮಾ ಖ್ಯಾತಿಯ ಚರಣ್ ರಾಜ್ ಸಂಗೀತ ನಿರ್ದೇಶನ ಮಾಡಿದ್ದಾರೆ. ಐದು ಹಾಡುಗಳು ಮತ್ತು ಮೂರು ಬಿಟ್ ಸಾಂಗ್ ಗಳನ್ನ ಅಭಿಮಾನಿಗಳು 'ಟಗರು' ಆಲ್ಬಂ ನಲ್ಲಿ ನಿರೀಕ್ಷೆ ಮಾಡಬಹುದು.

ಅಭಿಮಾನಿಯಿಂದ ಅಭಿಮಾನಿಗಾಗಿ ಚಿತ್ರ

ಶಿವಣ್ಣನ ಅಭಿಮಾನಿ ಹಾಗೂ ನಿರ್ಮಾಪಕ ಆಗಿರುವ ಕೆ ಪಿ ಶ್ರೀಕಾಂತ್ ನಿರ್ಮಾಣದ ಸಿನಿಮಾ 'ಟಗರು'. ದುನಿಯಾ ಸೂರಿ ನಿರ್ದೇಶನ ಮಾಡಿದ್ದು ಶಿವರಾಜ್ ಕುಮಾರ್ ಜೊತೆಯಲ್ಲಿ ವಸಿಷ್ಠ, ಮಾನ್ವಿತಾ ಹರೀಶ್, ಜಾಕಿ ಭಾವನಾ, ಧನಂಜಯ್ ಹೀಗೆ ಇನ್ನೂ ಅನೇಕರು ಅಭಿನಯಿಸಿರುವ ಚಿತ್ರ. ಚಿತ್ರೀಕರಣ ಕಂಪ್ಲೀಟ್ ಮಾಡಿರುವ ಟಗರು ಟೀಂ ಸಂಕ್ರಾಂತಿಯ ಸುಗ್ಗಿ ಸಂಭ್ರಮಕ್ಕೆ ಪ್ರೇಕ್ಷಕರ ಎದುರು ಬರಲಿದೆ.