ಅಂದು ವಿಜಯಲಲಿತಾ, ಇಂದು ತಮನ್ನಾ: ಜೋಕೆ.. ಇದು 'ಕೆಜಿಎಫ್' ಮಿಂಚು.!

ಹಳೇ ಹಾಡಿಗೆ ಹೊಸ ರೂಪ

1970 ರಲ್ಲಿ ತೆರೆಕಂಡ ಡಾ.ರಾಜ್ ಕುಮಾರ್ ಅಭಿನಯದ ಸೂಪರ್ ಡ್ಯೂಪರ್ ಹಿಟ್ 'ಪರೋಪಕಾರಿ' ಚಿತ್ರದ 'ಜೋಕೆ ನಾನು ಬಳ್ಳಿಯ ಮಿಂಚು...' ಹಾಡಿಗೆ ಇದೀಗ 'ಕೆ.ಜಿ.ಎಫ್' ಸಿನಿಮಾದಲ್ಲಿ ಹೊಸ ರೂಪ ನೀಡಲಾಗುತ್ತಿದೆ. 48 ವರ್ಷಗಳ ಬಳಿಕ 'ಜೋಕೆ ನಾನು ಬಳ್ಳಿಯ ಮಿಂಚು...' ಹಾಡನ್ನ ರೀಕ್ರಿಯೇಟ್ ಮಾಡಲಾಗುತ್ತಿದೆ.

ಯಶ್ ಜೊತೆಗೆ ಹೆಜ್ಜೆ ಹಾಕಲು ಓಡಿ ಬಂದ ತಮನ್ನಾ

ಅಂದು ವಿಜಯಲಲಿತಾ, ಇಂದು ತಮನ್ನಾ.!

ಅಂದು 'ಜೋಕೆ ನಾನು ಬಳ್ಳಿಯ ಮಿಂಚು...' ಎಂದು ವಿಜಯಲಲಿತಾ ಹೆಜ್ಜೆ ಹಾಕಿದ್ದರು. ಇಂದು ಅದೇ ಹಾಡಿಗೆ ಹಾಲು ಗಲ್ಲದ ಸುಂದರಿ ತಮನ್ನಾ ಬಳ್ಳಿಯಂತೆ ಬಳುಕಲಿದ್ದಾರೆ.

ರೀಮಿಕ್ಸ್ ವರ್ಷನ್

'ಕೆ.ಜಿ.ಎಫ್' ಚಿತ್ರಕ್ಕೆ ರವಿ ಬಸ್ರೂರ್ ಸಂಗೀತ ಸಂಯೋಜಿಸುತ್ತಿದ್ದಾರೆ. ಸದ್ಯ 'ಜೋಕೆ ನಾನು ಬಳ್ಳಿಯ ಮಿಂಚು...' ಹಾಡಿಗೆ ರೀಮಿಕ್ಸ್ ಮಾಡುವ ಪ್ಲಾನ್ ಚಿತ್ರತಂಡದ್ದು. ಇದೇ ಹಾಡಿಗೆ ಡ್ಯಾನ್ಸ್ ಮಾಡಲು ಕಾಜಲ್ ಅಗರ್ವಾಲ್, ರಾಯ್ ಲಕ್ಷ್ಮಿ, ನೋರಾ ಫತೇಹಿ ಜೊತೆಗೆ ಮಾತುಕತೆ ನಡೆಸಲಾಗಿದೆ ಎನ್ನಲಾಗಿತ್ತು. ಆದ್ರೀಗ, ತಮನ್ನಾ ಫೈನಲ್ ಆಗಿದ್ದಾರೆ.

ಯಶ್ ಜೊತೆ ತಮನ್ನಾ

ನಟಿ ತಮನ್ನಾ ಕನ್ನಡ ಹಾಡಿಗೆ ಕುಣಿಯುತ್ತಿರುವುದು ಇದೇ ಮೊದಲಲ್ಲ. ಈ ಹಿಂದೆ ನಿಖಿಲ್ ಕುಮಾರ್ ಅಭಿನಯದ ಚೊಚ್ಚಲ ಸಿನಿಮಾ 'ಜಾಗ್ವಾರ್' ಹಾಡೊಂದರಲ್ಲೂ ತಮನ್ನಾ ಸಖತ್ತಾಗಿ ಸ್ಪೆಪ್ ಹಾಕಿದ್ದರು. ಈಗ ಯಶ್ ಜೊತೆಗೆ ತೆರೆ ಹಂಚಿಕೊಳ್ಳುತ್ತಿದ್ದಾರೆ.