ಯಶ್ ಗೆ ಮಾತು ಕೊಟ್ಟ ತಮಿಳು ನಟ ವಿಶಾಲ್

ಕೆಜಿಎಫ್ ಬಗ್ಗೆ ಖುಷಿ ಇದೆ

'ಕನ್ನಡ ಸಿನಿಮಾ ಭಾರತದ್ಯಾಂತ ಬಿಡುಗಡೆಯಾಗುತ್ತಿರುವುದು ಖುಷಿ ನೀಡಿದೆ. ಯಶ್ ನನ್ನ ಸಹೋದರ. ಸಹೋದರನ ಚಿತ್ರದ ಟ್ರೈಲರ್ ಬಿಡುಗಡೆಗೆ ನಾನು ಬಂದಿರುವುದು ಸಂತಸ ನೀಡಿದೆ. ಕೆಜಿಎಫ್ ಚಿತ್ರಕ್ಕೆ ಭಾಷೆಯ ಗಡಿಯಿಲ್ಲ. ತಮಿಳು, ತೆಲುಗು, ಮಲಯಾಳಂ, ಹಿಂದಿ ಯಾವುದೇ ಭಾಷೆಯಲ್ಲೂ ಬಂದರೂ ಸಿನಿಮಾವನ್ನ ಸ್ವಾಗತ ಮಾಡ್ತಾರೆ. ಯಾಕಂದ್ರೆ, ಅದರಲ್ಲಿ ಕಂಟೆಂಟ್ ಅಷ್ಟು ಮುಖ್ಯವಾಗಿದೆ' ಎಂದು ವಿಶ್ವಾಸ ವ್ಯಲ್ತಪಡಿಸಿದರು.

ಕನ್ನಡ ಸಿನಿಮಾಗಳು ಹೆಚ್ಚು ಬರಲಿದೆ

'ತಮಿಳುನಾಡಿನಲ್ಲಿ ಕನ್ನಡ ಸಿನಿಮಾಗಳಿಗೆ ಹೆಚ್ಚು ಸ್ಕ್ರೀನ್ ಸಿಗಲ್ಲ ಎಂಬ ಆರೋಪ ಇದೆ. ಅದಕ್ಕೆ ಕೆಲವು ಕಾರಣಗಳು, ನಿಯಮಗಳು ಇದೆ. ಬಹುಶಃ ಕೆಜಿಎಫ್ ಸಿನಿಮಾ ಈ ಕಟ್ಟುಪಾಡು, ನಿಯಮಗಳನ್ನ ಬ್ರೇಕ್ ಮಾಡಲಿದೆ ಎಂಬ ವಿಶ್ವಾಸ ಇದೆ. ಇಲ್ಲಿಂದ ಕನ್ನಡ ಸಿನಿಮಾಗಳ ಹೆಚ್ಚು ಬಿಡುಗಡೆಯಾಗಲಿದೆ ಎಂಬ ನಂಬಿಕೆ ಇದೆ' ಎಂದು ವಿಶಾಲ್ ಹೇಳಿದರು.

ತಮಿಳುನಾಡಲ್ಲಿ ದೊಡ್ಡ ರಿಲೀಸ್

ಇನ್ನು ತಮಿಳುನಾಡಿನಲ್ಲಿ ರಿಲೀಸ್ ಮಾಡುವುದರ ಬಗ್ಗೆ ಮಾತನಾಡಿದ ವಿಶಾಲ್ 'ಯಶ್ ಅವರ ವೃತ್ತಿ ಜೀವನದಲ್ಲಿ ಇದೊಂದು ಅತ್ಯುತ್ತಮ ಸಿನಿಮಾವಾಗಲಿದೆ. ಮತ್ತು ತಮಿಳುನಾಡಿನಲ್ಲೂ ದೊಡ್ಡ ರಿಲೀಸ್ ಆಗಲಿದೆ ಎಂದು ನಾನು ಮಾತು ನೀಡುತ್ತೀದ್ದೇನೆ' ಎಂದು ವಿಶಾಲ್ ತಿಳಿಸಿದರು.

ವಿಶಾಲ್ ಹಂಚಿಕೆಯಲ್ಲಿ ರಿಲೀಸ್

ಕೆಜಿಎಫ್ ಸಿನಿಮಾವನ್ನ ತಮಿಳುನಾಡಿನಲ್ಲಿ ವಿಶಾಲ್ ಫ್ಯಾಕ್ಟರಿ ಅಡಿ ಸ್ವತಃ ವಿಶಾಲ್ ರಿಲೀಸ್ ಮಾಡುತ್ತಿದ್ದಾರೆ. ಡಿಸೆಂಬರ್ 21 ರಂದು ವರ್ಲ್ಡ್ ವೈಡ್ ಯಶ್ ಮೇನಿಯಾ ಆರಂಭವಾಗಲಿದೆ. ಇನ್ನುಳಿದಂತೆ ಯಶ್, ಶ್ರೀನಿಧಿ ಶೆಟ್ಟಿ, ಅಚ್ಯುತ್ ಕುಮಾರ್, ಬಿ ಸುರೇಶ್, ಅಯ್ಯಪ್ಪ ಸೇರಿದಂತೆ ಹಲವರು ಅಭಿನಯಿಸಿದ್ದಾರೆ. ಭುವನ್ ಗೌಡ ಕ್ಯಾಮೆರಾ ವರ್ಕ್, ರವಿಬಸ್ರೂರು ಮ್ಯೂಸಿಕ್ ಚಿತ್ರಕ್ಕೆ ಸಾಥ್ ನೀಡಿದೆ.