ಮುಖಪುಟ

ಸಿನಿ ಸಮಾಚಾರ

ವಿಭಿನ್ನ ಪೋಸ್ಟರ್ ಗಳ ಮೂಲಕ ಭಾರಿ ಸುದ್ದಿ ಮಾಡುತ್ತಿರುವ ತಮಿಳು ಚಿತ್ರ 'ರೆಮೋ' ಚಿತ್ರದಿಂದ ಮತ್ತೊಂದು ಹಾಟ್ ನ್ಯೂಸ್ ಹೊರಬಿದ್ದಿದೆ. ಮೊನ್ನೆ-ಮೊನ್ನೆ 'ಸಿರಿಕ್ಕಾದೆ' ಎಂಬ ವಿಶೇಷ ಪ್ರೊಮೋಷನಲ್ ವಿಡಿಯೋ ರಿಲೀಸ್ ಮಾಡಿದ ಚಿತ್ರತಂಡ ಇದೀಗ ಆಡಿಯೋ ಬಿಡುಗಡೆಗೆ ದಿನ ಗೊತ್ತು ಮಾಡಿದೆ.

ಸದ್ಯಕ್ಕೆ ಕಾಲಿವುಡ್ ನಲ್ಲಿ ಲೀಡಿಂಗ್ ನಲ್ಲಿರುವ ಕಾಮಿಡಿ ನಟ ಕಮ್ ಹೀರೋ ಶಿವಕಾರ್ತಿಕೇಯನ್ ಮತ್ತು ಮುದ್ದು ಮುಖದ ನಟಿ ಕೀರ್ತಿ ಸುರೇಶ್ ಜುಗಲ್ ಬಂದಿಯಲ್ಲಿ ಮೂಡಿಬರುತ್ತಿರುವ 'ರೆಮೋ' ಚಿತ್ರದ ಆಡಿಯೋ ಸೆಪ್ಟೆಂಬರ್ 5 ರಂದು ಗ್ರ್ಯಾಂಡ್ ಆಗಿ ತೆರೆ ಕಾಣುತ್ತಿದೆ.[ಆನ್ ಲೈನ್ ಲೀಕ್ ತಡೆಯಲು 'ರೆಮೋ' ಫಸ್ಟ್ ಶೋ ತಮಿಳುನಾಡಿನಲ್ಲಿ ಮಾತ್ರ]

ಚೆನ್ನೈನಲ್ಲಿ ಅದ್ಧೂರಿ ಸಮಾರಂಭ ಮಾಡುವ ಮೂಲಕ ಈ ಚಿತ್ರದ ಆಡಿಯೋ ಬಿಡುಗಡೆ ಮಾಡಲು, ಚಿತ್ರದ ನಿರ್ಮಾಣ ತಂಡ 24AM ಸ್ಟುಡಿಯೋ ನಿರ್ಧರಿಸಿದೆ.

ಇನ್ನು ಅದೇ ದಿನದಂದು ಅನಿರುದ್ಧ್ ರವಿಚಂದರ್ ಮ್ಯೂಸಿಕ್ ಕಂಪೋಸ್ ಮಾಡಿರುವ 'ಸಿರಿಕ್ಕಾದೆ' ಇಂಗ್ಲೀಷ್ ವರ್ಷನ್ 'ಕಮ್ ಕ್ಲೋಸರ್' ಪ್ರೊಮೋಷನ್ ವಿಡಿಯೋ ಕೂಡ ಬಿಡುಗಡೆ ಆಗುತ್ತಿದೆ. ನಾಳೆ ಬಿಡುಗಡೆ ಆಗಬೇಕಿದ್ದ ಈ ವಿಡಿಯೋ ಸಾಂಗ್ ಕೆಲವು ಕಾರಣಗಳಿಂದ ಮುಂದಕ್ಕೆ ಹೋಗಿದೆ.[ಸಂಗೀತ ಪ್ರಿಯರನ್ನು ಸಮ್ಮೋಹನಗೊಳಿಸಲು ಸಜ್ಜಾದ ಅನಿರುದ್ಧ್ ರವಿಚಂದರ್]

ಇನ್ನು 'ರೆಮೋ' ಚಿತ್ರದ ಫಸ್ಟ್ ಕಾಪಿ ನೋಡಿದ ನಿರ್ಮಾಪಕ ಆರ್.ಡಿ ರಾಜಾ ಅವರು ನಿರ್ದೇಶಕ ಬಾಕ್ಕಿಯರಾಜ್ ಅವರನ್ನು ಸಿಕ್ಕಾಪಟ್ಟೆ ಹೊಗಳಿದ್ದಾರೆ. ಮೊದಲ ನಿರ್ದೇಶನವಾದರೂ ಕೂಡ, ತುಂಬಾ ಚೆನ್ನಾಗಿ ಸಿನಿಮಾ ಮೂಡಿಬಂದಿದೆ.

ಆದ್ದರಿಂದ ನಿಮ್ಮ ಮುಂದಿನ ಸಿನಿಮಾ ಕೂಡ 24AM ಸ್ಟುಡಿಯೋ ಬ್ಯಾನರ್ ಅಡಿಯಲ್ಲೇ ಮೂಡಿಬರಲಿದೆ ಎಂದು ಈಗಲೇ ನಿರ್ಮಾಪಕ ಆರ್.ಡಿ ರಾಜಾ ಅವರು ಟ್ವಿಟ್ಟರ್ ಮೂಲಕ ಘೋಷಿಸಿದ್ದಾರೆ.