ಯಶ್ 'KGF' ಟೀಸರ್ ಖದರ್ ನೋಡಿ ಕರಗಿದ ತಮಿಳುನಾಡು ಪ್ರೇಕ್ಷಕರು

ತಮಿಳುನಾಡಿನ ಅಭಿಮಾನಿಗಳು

ತಮಿಳುನಾಡಿನಲ್ಲಿರುವ ಯಶ್ ಅಭಿಮಾನಿಗಳು ಯೂಟ್ಯೂಬ್ ನಲ್ಲಿ ಒಂದು ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಈ ವಿಡಿಯೋದಲ್ಲಿ ಅವರು 'ಕೆ.ಜಿ.ಎಫ್' ಸಿನಿಮಾದ ಬಗ್ಗೆ ಮಾತನಾಡಿದ್ದಾರೆ.

ಅಭಿಮಾನಿಗಳ ಮನವಿ

''ಅಣ್ಣ ನಾವು ತಮಿಳುನಾಡಿನಿಂದ ಮಾತನಾಡುತ್ತಿದ್ದೇವೆ. ನೀವು ಅಂದರೆ ನಮಗೆ ತುಂಬ ಇಷ್ಟ. ನೀವು ನಮಗೆ ಸ್ಫೂರ್ತಿ. ನಿಮ್ಮನ್ನು ಒಮ್ಮೆ ಭೇಟಿ ಮಾಡಬೇಕು ಎಂಬುದು ನಮ್ಮ ದೊಡ್ಡ ಆಸೆ ಆಗಿದೆ. ನಿಮ್ಮ 'ಕೆ.ಜಿ.ಎಫ್' ಸಿನಿಮಾಗಾಗಿ ನಾವು ಕಾಯುತ್ತಿದ್ದೇವೆ.'' ಎಂದು ತಮಿಳುನಾಡಿನ ಅಭಿಮಾನಿಗಳು ವಿಡಿಯೋ ಮೂಲಕ ತಮ್ಮ ಅಭಿಮಾನವನ್ನು ಹೇಳಿಕೊಂಡಿದ್ದಾರೆ.

ಟೀಸರ್ ರಿವ್ಯೂ

ಈಗಾಗಲೇ 'ಕೆ.ಜಿ.ಎಫ್' ಚಿತ್ರದ ಟೀಸರ್ ಅನ್ನು ಯೂಟ್ಯೂಬ್ ನಲ್ಲಿ ಅನೇಕ ವಿದೇಶಿಗರು ನೋಡಿ ಮೆಚ್ಚಿಕೊಂಡಿದ್ದಾರೆ. ವಿದೇಶದ ಸಾಕಷ್ಟು ಸಿನಿ ಪ್ರೇಮಿಗಳು ಟೀಸರ್ ನೋಡಿ ರಿವ್ಯೂ ಮಾಡಿದ್ದಾರೆ.

ಕೆ.ಜಿ.ಎಫ್ ಕ್ರೇಜ್

ಎಲ್ಲ ಕಡೆ 'ಕೆ.ಜಿ.ಎಫ್' ಕ್ರೇಜ್ ಸಿಕ್ಕಾಪಟ್ಟೆ ಜೋರಾಗಿದೆ. ಅಭಿಮಾನಿಗಳು ತಮ್ಮ ಕಾರ್, ಬೈಕ್, ಹೇರ್ ಕಟ್ ಎಲ್ಲದರ ಮೇಲೆ 'ಕೆ.ಜಿ.ಎಫ್' ಎಂದು ಬರೆಸಿಕೊಂಡು ಚಿತ್ರಕ್ಕಾಗಿ ಕಾತುರ ದಿಂದ ಕಾಯುತ್ತಿದ್ದಾರೆ.

ಎರಡುವರೆ ಮಿಲಿಯನ್

ಸದ್ಯ ಯೂಟ್ಯೂಬ್ 'ಕೆ.ಜಿ.ಎಫ್' ಚಿತ್ರದ ಟೀಸರ್ ಎರಡುವರೆ ಮಿಲಿಯನ್ ಹಿಟ್ಸ್ ಪಡೆದಿದೆ. ಕನ್ನಡ ಚಿತ್ರರಂಗದ ಇತಿಹಾಸದಲ್ಲಿ ಅತಿಹೆಚ್ಚು ನೋಡಲಾದ ಟೀಸರ್ ಗಳಲ್ಲಿ ಇದು ಕೂಡ ಒಂದಾಗಿದೆ.