'ಜೋಡಿಹಕ್ಕಿ' ಜಾನಕಿ ಟೀಚರ್ ಬಳಿಕ ರಾಮಣ್ಣಗೆ ಅದೃಷ್ಟ ಖುಲಾಯಿಸಿತು

ಜೋಡಿಹಕ್ಕಿ ರಾಮಣ್ಣ ಈಗ ಹೀರೋ

ಜೋಡಿಹಕ್ಕಿ ಧಾರಾವಾಹಿಯ ನಟ ತಾಂಡವ ರಾಮ್ ಈಗ ಸಿನಿಮಾ ನಾಯಕರಾಗಿದ್ದಾರೆ. 'ಒಂದ್ ಕಥೆ ಹೇಳ್ಲಾ' ಚಿತ್ರದಲ್ಲಿ ತಾಂಡವ್ ರಾವ್ ಅಭಿನಯ ಮಾಡಿದ್ದು ಸಿನಿಮಾವನ್ನ ಗಿರೀಶ್ ನಿರ್ದೇಶನ ಮಾಡುತ್ತಿದ್ದಾರೆ.

ಒಂದು ಸಿನಿಮಾ ಐದು ಕಥೆ

'ಒಂದ್ ಕಥೆ ಹೇಳ್ಲಾ' ಸಿನಿಮಾ ಮೂಲಕ ನಿರ್ದೇಶಕ ಗಿರೀಶ್ ಐದು ಕಥೆಯನ್ನ ಜನರ ಮುಂದೆ ತರಲಿದ್ದಾರೆ. ಇದೊಂದು ವಿಭಿನ್ನ ಪ್ರಯತ್ನವಾಗಿದ್ದು ಗಿರೀಶ್ ಈ ಹಿಂದೆ 'ಅಟೆಂಪ್ಟ್ ಟು ಮರ್ಡರ್' ಚಿತ್ರದಲ್ಲಿ ಡೈರೆಕ್ಟರ್ ಟೀಂ ನಲ್ಲಿ ಕೆಲಸ ಮಾಡಿದ್ದಾರೆ.

ಕ್ರೌಂಡ್ ಫಂಡಿಂಗ್ ಸಿನಿಮಾ

ಒಂದ್ ಕಥೆ ಹೇಳ್ಲಾ ಕ್ರೌಂಡ್ ಫಂಡಿಂಗ್ ನಲ್ಲಿ ನಿರ್ಮಾಣ ಆಗುತ್ತಿರುವ ಚಿತ್ರ. ಈಗಾಗಲೇ ಟಾಕಿ ಪೋಷನ್ಸ್ ಕಂಪ್ಲೀಟ್ ಮಾಡಿರುವ ಚಿತ್ರತಂಡ ಒಂದು ಹಾಡನ್ನ ಮಾತ್ರ ಬಾಕಿ ಉಳಿಸಿಕೊಂಡಿದೆ.

ಬಹುತೇಕ ಹೊಸಬರು

ಗಿರೀಶ್ ಸಿನಿಮಾವನ್ನ ನಿರ್ದೇಶನ ಮಾಡಿದ್ರೆ ಭಕೇಶ್ ಸಂಗೀತ ಸಂಯೋಜನೆ ಮಾಡಿದ್ದಾರೆ. ಕೀರ್ತನ್ ಪೂಜಾರಿ ಕ್ಯಾಮೆರಾ ವರ್ಕ್ ಮಾಡಿದ್ದಾರೆ. ತಾಂಡವ್ ರಾಮ್ ಜೊತೆಯಲ್ಲಿ ಶಕ್ತಿ ಸೋಮಣ್ಣ, ಪ್ರತೀಕ್, ತಾರಾ ಸದಾಶಿವಯ್ಯ, ಪ್ರಿಯಾಂಕ ಇನ್ನೂ ಅನೇಕರು ಅಭಿನಯ ಮಾಡಿದ್ದಾರೆ. ಕರ್ನಾಟಕದ ಸುತ್ತಾ-ಮುತ್ತ ಸಿನಿಮಾದ ಚಿತ್ರೀಕರಣ ಮಾಡಲಾಗಿದೆ. ಮುಂದಿನ ತಿಂಗಳ ಅಂತ್ಯ ಒಂದ್ ಕಥೆ ಹೇಳ್ಲಾ ಚಿತ್ರದ ಟ್ರೇಲರ್ ಬಿಡುಗಡೆ ಆಗಲಿದ್ದು ಜುಲೈ ಅಂತ್ಯಕ್ಕೆ ಸಿನಿಮಾ ಬಿಡುಗಡೆ ಆಗಲಿದೆ.