ಕಿಚ್ಚ ಸುದೀಪ್ ನಟನೆ ಬಗ್ಗೆ ತೆಲುಗು ನಟ ನಾಗಾರ್ಜುನ್ ಹೇಳಿದ್ದೇನು?

ಶಿವಣ್ಣ ಬಳಿ ನಾಗಾರ್ಜುನ ಹೇಳಿದ್ದೇನು?

ತೆಲುಗಿನ ಖ್ಯಾತ ನಟ ನಾಗಾರ್ಜುನ, ಸುದೀಪ್ ನಟನೆ ನೋಡಿ, ಶಿವಣ್ಣ ಬಳಿ ಇಷ್ಟು ಅದ್ಭುತವಾಗಿ ನಟಿಸುತ್ತಾರೆ ಎಂದು ಹೇಳಿದ್ದರಂತೆ. ಸುದೀಪ್ ನಟನೆಯ ''ಈಗ'' ಸಿನಿಮಾ ನೋಡಿ ಫಿದಾ ಆಗಿದ್ದ ನಾಗಾರ್ಜುನ, ಶಿವರಾಜ್ ಕುಮಾರ್ ಬಳಿ ಹೇಳಿಕೊಂಡಿದ್ದ ಮಾತನ್ನು ಹ್ಯಾಟ್ರಿಕ್ ಹೀರೋ ಬಹಿರಂಗ ಪಡಿಸಿದ್ದಾರೆ.

ನಾಗಾರ್ಜುನ ಮಾತು ಕೇಳಿ ತುಂಬಾ ಹೆಮ್ಮೆಯಾಯಿತು

'ನಾಗಾರ್ಜುನ ಹೇಳಿದ್ದು ಕೇಳಿ ತುಂಬಾ ಖುಷಿ ಆಯ್ತು. ಮತ್ತೊಬ್ಬ ದೊಡ್ಡ ಹೀರೋ ಹೀಗೆ ಹೇಳಿದಾಗ ತುಂಬಾ ಖುಷಿ ಆಗುತ್ತೆ. ಅದನ್ನು ಕೇಳಿ ತುಂಬಾ ಹೆಮ್ಮೆ ಆಯ್ತು. ನಮ್ಮ ಕನ್ನಡದ ನಟನ ಬಗ್ಗೆ ಮತ್ತೊಂದು ಭಾಷೆಯ ಹೀರೋ ಮಾತಾಡ್ತಾರೆ ಎಂದರೆ ಅದಕ್ಕಿಂತ ಸಂತೋಷ ಇನ್ನೇನು ಬೇಕು' ಎಂದು ಶಿವಣ್ಣ ಹೇಳಿದ್ದಾರೆ.

ಇದು ಪ್ರಾರಂಭ ಅಷ್ಟೆ

ಇನ್ನು ಸುದೀಪ್ ಬಗ್ಗೆ ಮಾತನಾಡಿದ ಶಿವರಾಜ್ ಕುಮಾರ್, ಇದು ಪ್ರಾರಂಭ ಅಂತ ತಿಳಿದುಕೊಳ್ಳಿ, ಇನ್ನು ಸಾಕಷ್ಟು ವರ್ಷಗಳಿವೆ. ನಾನು 125ನೇ ಸಿನಿಮಾ ಮಾಡುತ್ತಿದ್ರು ಇದೇ ನನ್ನ ಮೊದಲ ಸಿನಿಮಾ ಅಂತ ಅಂದುಕೊಂಡು ಮಾಡುತ್ತೇನೆ' ಎಂದಿದ್ದಾರೆ.

ತುಂಬಾ ಅಚ್ಚುಕಟ್ಟಾಗಿ ಕೆಲಸ ಮಾಡುತ್ತಾರೆ

'ಯಾವದೇ ಒಂದು ಕೆಲಸ ಮಾಡಿದ್ರು ತುಂಬಾ ಆಸಕ್ತಿಯಿಂದ ಮಾಡುತ್ತೀರಿ, ಕ್ರಿಕೆಟ್ ಪಂದ್ಯ ಆಯೋಜನೆ ಮಾಡಿದ್ರು ಅಷ್ಟು ಅಚ್ಚುಕಟ್ಟಾಗಿ ಮಾಡುತ್ತೀರಿ. ಹಾಗಾಗಿ ನಾವು ನಿಮಗೆ ಬೆಂಬಲ ನೀಡುತ್ತೀವಿ. ನಾನು ಸುದೀಪ್ ಒಟ್ಟಿಗೆ ನಟನೆ ಮಾಡಿದ್ದೀವಿ. ಮತ್ತೆ ನಾವಿಬ್ಬರು ಸಿನಿಮಾ ಮಾಡಬೇಕು' ಎಂದು ಶಿವಣ್ಣ ಹೇಳಿದ್ದಾರೆ.