ಕೆಜಿಎಫ್ 2 ಬಗ್ಗೆ ತೆಲುಗು ಡಬ್ಬಿಂಗ್ ಕಲಾವಿದೆ ಬಿಚ್ಚಿಟ್ಟ ಥ್ರಿಲ್ಲಿಂಗ್ ವಿಷಯ

ರಾಕಿ ಭಾಯ್ ತಾಯಿ ಪಾತ್ರಕ್ಕೆ ಕಂಠದಾನ

ಸಿನಿಮಾದಲ್ಲಿ ರಾಕಿ ಭಾಯ್ ತಾಯಿಯ ಪಾತ್ರದಲ್ಲಿ ಅರ್ಚನಾ ಜೋಯಿಸ್ ನಟಿಸಿದ್ದಾರೆ. ಈ ಪಾತ್ರಕ್ಕೆ ತೆಲುಗಿನಲ್ಲಿ ಅಮಲಾ ನಾಯ್ಡು ಡಬ್ಬಿಂಗ್ ಮಾಡಿದ್ದರು. ಚಾಪ್ಟರ್ 1 ರಲ್ಲಿ ಕಂಠದಾನ ಮಾಡಿದ್ದ ಅಮಲಾ, ಚಾಪ್ಟರ್ 2ರಲ್ಲೂ ಡಬ್ಬಿಂಗ್ ಮಾಡಿ ಮುಗಿಸಿದ್ದಾರೆ. ಡಬ್ಬಿಂಗ್ ವೇಳೆ ಚಾಪ್ಟರ್ 2 ದೃಶ್ಯಗಳನ್ನು ನೋಡಿದ ಅಮಲಾ ಬಹಳ ಥ್ರಿಲ್ ಆಗಿದ್ದಾರಂತೆ.

ಚಾಪ್ಟರ್ 1 ಮೀರಿಸುವಂತಿದೆ ಚಾಪ್ಟರ್ 2

ಚಾಪ್ಟರ್ 1ರಲ್ಲಿ ಕಂಡಿದ್ದ ಯಶಸ್ಸನ್ನು ಮೀರಿ ಚಾಪ್ಟರ್ 2 ಸಿನಿಮಾ ಗಳಿಸುತ್ತದೆ ಎಂದು ಡಬ್ಬಿಂಗ್ ಕಲಾವಿದೆ ಅಮಲಾ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ''ಚಾಪ್ಟರ್ 2 ಬಹಳ ಚೆನ್ನಾಗಿ ಮೂಡಿಬಂದಿದೆ. ಚಾಪ್ಟರ್ 1 ಮೀರಿಸುತ್ತದೆ. ಚಿತ್ರಕ್ಕೆ ಕಂಟೆಂಟ್ ಹೀರೋ. ಅದಕ್ಕೆ ತಕ್ಕಂತೆ ಕಲಾವಿದರು ನಟಿಸಿದ್ದಾರೆ. ಆ ನಟನೆಗೆ ಸೂಕ್ತ ಸಂಭಾಷಣೆ ಹಾಗೂ ಇದೆಲ್ಲದರ ನಿರೀಕ್ಷೆಯಂತೆ ಸಕ್ಸಸ್ ಪಡೆಯುವ ಶಕ್ತಿ ಆ ಚಿತ್ರಕ್ಕಿದೆ'' ಎಂದಿದ್ದಾರೆ.

ತಾಯಿ-ಮಗನ ಬಾಂಧವ್ಯ ವಾಹ್ ಎನ್ನುವಂತಿದೆ

''ಮೊದಲ ಭಾಗಕ್ಕಿಂತ ಹೆಚ್ಚಿನ ಭಾವನಾತ್ಮಕ ದೃಶ್ಯಗಳು ನೋಡಬಹುದು. ರಾಕಿ ಭಾಯ್ ಬಾಲ್ಯದ ನೆನಪುಗಳು ಆಗಾಗ ಬರ್ತಾನೆ ಇರುತ್ತದೆ. ಆ ಸೀನ್‌ಗಳು ಚಿತ್ರಕ್ಕೆ ಶಕ್ತಿಯುತವಾಗಿದೆ. ತಾಯಿ-ಮಗನ ದೃಶ್ಯಗಳು ಬಂದಾದ ಪ್ರೇಕ್ಷಕರಲ್ಲಿ ಆ ರೋಮಾಂಚನ ಹೆಚ್ಚು ಮಾಡುತ್ತದೆ. ಚಾಪ್ಟರ್ 2 ಅತ್ಯದ್ಭುತವಾಗಿ ಬರಲಿದೆ'' ಎಂದು ಅಮಲಾ ಹೇಳಿದ್ದಾರೆ.

Recommended Video

ಬಿಡುಗಡೆಯಾಯ್ತು ಉಮಾಪತಿ ಮತ್ತು ಅರುಣಾಕುಮಾರಿ ವಾಟ್ಸಾಪ್ ಮೆಸೇಜ್ | Filmibeat Kannada

ಕೆಜಿಎಫ್ ದೊಡ್ಡ ಖ್ಯಾತಿ ತಂದುಕೊಡ್ತು

''ಕೆಜಿಎಫ್ ಸಿನಿಮಾಗೂ ಮೊದಲು ಬಹಳಷ್ಟು ಚಿತ್ರಗಳಲ್ಲಿ ನಾನು ಡಬ್ಬಿಂಗ್ ಮಾಡಿದ್ದೇನೆ. ಆದರೆ ಈ ಸಿನಿಮಾ ಸ್ವಲ್ಪ ವಿಶೇಷವಾಗಿ ಗುರುತು ತಂದು ಕೊಡ್ತು. ರಾಕಿ ಭಾಯ್ ತಾಯಿ ಪಾತ್ರಕ್ಕೆ ಡಬ್ಬಿಂಗ್ ಮಾಡಿದ್ದು ಅಮಲಾ ಅವರೇ ಎಂದು ಹೇಳುವಷ್ಟು ಖ್ಯಾತಿ ಸಿಕ್ತು. ಡಬ್ಬಿಂಗ್ ಮಾಡುವ ವೇಳೆ ಈ ಸಿನಿಮಾ ಇಷ್ಟು ದೊಡ್ಡ ಸಕ್ಸಸ್ ಕೊಡುತ್ತೆ ಎಂಬ ನಿರೀಕ್ಷೆ ಇರಲಿಲ್ಲ. ಆದರೆ ಬಹಳ ಖುಷಿ ಕೊಟ್ಟಿದೆ'' ಎಂದು ಅಮಲಾ ಹೇಳಿಕೊಂಡಿದ್ದಾರೆ.