ಪ್ಯಾನ್ ಇಂಡಿಯಾಗೆ ತಲುಪುತ್ತಿದ್ದಾರೆ ಹಾಸ್ಯ ನಟ ಟೆನ್ನಿಸ್ ಕೃಷ್ಣ

'ಮಾರಮ್ಮನ್ ಡಿಸ್ಕೋ' (MD) ಎಂದ ಟೆನ್ನಿಸ್ ಕೃಷ್ಣ

'ಮಾರಮ್ಮನ್ ಡಿಸ್ಕೋ' ಆಲ್ಬಂ ಹಾಡಿನಲ್ಲಿ ಟೆನ್ನಿಸ್ ಕೃಷ್ಣ ನಟಿಸಿದ್ದಾರೆ. ಈ ಮೂಲಕ ಮೊದಲ ಬಾರಿಗೆ ಟೆನ್ನಿಸ್ ಕೃಷ್ಣ ಆಲ್ಬಂ ಹಾಡಿನಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಈ ಹಾಡು ಕನ್ನಡ, ಹಿಂದಿ, ತಮಿಳು, ತೆಲುಗು ಭಾಷೆಗಳಲ್ಲಿ ಬಿಡುಗಡೆ ಆಗುತ್ತಿದೆ. ಇದೇ ತಿಂಗಳ ಕೊನೆಯಲ್ಲಿ ಹಾಡು ಹೊರಬರುತ್ತಿದೆ. ಆಯಾ ಭಾಷೆಯ ಹಾಡನ್ನು ಅಲ್ಲಿಯ ಸ್ಟಾರ್ ಗಳಿಂದ ರಿಲೀಸ್ ಮಾಡಿಸುವ ಪ್ಲಾನ್ ಇದೆ.

ಆಯಾ ಭಾಷೆಗೆ ತಕ್ಕ ಕಲಾವಿದರು

ಈ ಹಾಡಿನ ಸಾಹಿತ್ಯ, ಸಂಗೀತ, ನಿರ್ದೇಶನ, ನಿರ್ಮಾಣ, ಗಾಯನ ಎಲ್ಲವನ್ನು ಆಲ್ ಓಕೆ ಮಾಡುತ್ತಿದ್ದಾರೆ. ಟೆನ್ನಿಸ್ ಕೃಷ್ಣ ಸೇರಿದಂತೆ ಕೆಲವು ನಟರು ಹಾಡಿನಲ್ಲಿ ಗೆಸ್ಟ್ ಅಪಿಯರೆನ್ಸ್ ಇರಲಿದೆ. ಆಯಾ ಭಾಷೆಗೆ ತಕ್ಕ ಕಲಾವಿದರು ಹಾಡಿನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಬೇರೆ ಭಾಷೆಯವರೂ ನಮ್ಮ ಹಾಡನ್ನು ಕೇಳುವ ಹಾಗೆ ಈ ಹಾಡು ಮಾಡಲಿದ್ದು, ಕನ್ನಡಿಗರು ಹೆಮ್ಮೆ ಪಡುವ ಹಾಡಾಗಲಿದೆ ಎನ್ನುವ ವಿಶ್ವಾಸ ಹೊಂದಿದ್ದಾರೆ ಆಲ್ ಓಕೆ

'ಡಿಸ್ಕೋ ಕೃಷ್ಣ' ಆಗಿ ರೀ ಲಾಂಚ್

ಟೆನ್ನಿಸ್ ಕೃಷ್ಣ ಹಾಡಿನ ಮೂಲಕ 'ಡಿಸ್ಕೋ ಕೃಷ್ಣ' ಅವತಾರದಲ್ಲಿ ರೀ ಲಾಂಚ್ ಆಗಲಿದ್ದಾರೆ. ಈಗಾಗಲೇ ಬಿಡುಗಡೆಯಾಗಿರುವ ಫಸ್ಟ್ ಲುಕ್ ಗೆ ಒಳ್ಳೆಯ ಪ್ರತಿಕ್ರಿಯೆ ಸಿಕ್ಕಿದೆ. 50 ವರ್ಷ ತುಂಬಿದ ಒಬ್ಬ ವ್ಯಕ್ತಿ ತನ್ನ ಮಾನಸಿಕ ಒತ್ತಡಗಳನ್ನೆಲ್ಲ ಸಹಿಸಿಕೊಂಡು ಈ ಹಾಡು ಹಾಡುತ್ತಾನೆ. ಹೀಗಾಗಿ, ಈ ಹಾಡು ನೋವಿನಲ್ಲಿರುವ, ಬೇಜಾರಿನಲ್ಲಿ ಇರುವವರಿಗೆ ಜೋಷ್ ನೀಡಲಿದೆಯಂತೆ.

ಹಾಡಿನ ಉದ್ದೇಶ ಏನು?

ತುಂಬ ಜನ ಪಾರ್ಟಿ ಮಾಡಲು ಕ್ಲಬ್ ಗೆ ಹೋಗಬೇಕು, ದುಡ್ಡು ಇರಬೇಕು, ಡ್ರಿಕ್ಸ್, ಹುಡುಗಿಯರು ಇರಬೇಕು ಎಂದುಕೊಳ್ಳುತ್ತಾರೆ. ಅದೆಲ್ಲ ಅಲ್ಲ. ಕುಣಿಯಲು, ಖುಷಿಯಾಗಿ ಇರಲು ನಶೆ ಬೇಕಾಗಿಲ್ಲ. ಗಣೇಶ ಕೂರಿಸಿದಾಗ ಮನ ಮಂದಿ ಕುಣಿಯುತ್ತಾರೆ. ಎಲ್ಲಿಬೇಕಾದರೂ ಮನಸ್ಸು ಪೂರ್ತಿಯಾಗಿ ಡ್ಯಾನ್ಸ್ ಮಾಡುವುದು ಮಾರಮ್ಮನ್ ಡಿಸ್ಕೋ.

ದೊಡ್ಡ ಬಜೆಟ್ ನಲ್ಲಿ ಹಾಡು ನಿರ್ಮಾಣ

ನಾಲ್ಕು ವರ್ಷದ ಹಿಂದೆ ಈ ಹಾಡು ಬರೆದಿದ್ದ ಆಲ್ ಓಕೆ ಹಾಡಿಗೆ ಟೆನ್ನಿಸ್ ಕೃಷ್ಣ ಅವರೇ ಸರಿ ಎಂದು ಈ ಪ್ರಾಜೆಕ್ಟ್ ಶುರು ಮಾಡಿದ್ದಾರೆ. ಟೆನ್ನಿಸ್ ಕೃಷ್ಣ ಕೂಡ ಖುಷಿಯಿಂದ ಹಾಡಿನಲ್ಲಿ ಭಾಗಿಯಾಗಿದ್ದಾರೆ. ಈಗಾಗಲೇ, 50% ಭಾಗ ಚಿತ್ರೀಕರಣ ಮುಗಿದಿದ್ದು, ದೊಡ್ಡ ಬಜೆಟ್ ನಲ್ಲಿ ಹಾಡಿನ ನಿರ್ಮಾಣ ಮಾಡಲಾಗಿದೆಯಂತೆ. ಕನ್ನಡದಲ್ಲಿ ಆಲ್ಬಂ ಹಾಡುಗಳಿಗೆ ಒಳ್ಳೆಯ ಬೇಡಿಕೆ ಬಂದಿದ್ದು, ಈ ಹಾಡು ದೊಡ್ಡ ಮಟ್ಟದಲ್ಲಿ ಇರಲಿದೆ ಎಂದರು ಆಲ್ ಓಕೆ.