ಮುಖಪುಟ

ಸಿನಿ ಸಮಾಚಾರ

Recommended Video

ಜಯನಗರದಲ್ಲಿ ಇಂದು ನಡೆಯುತ್ತಿರುವ ಚುನಾವಣೆಗೆ ಮತದಾರದಿಂದ ಒಳ್ಳೆಯ ಪ್ರತಿಕ್ರಿಯೆ ಸಿಗುತ್ತಿದೆ. ಇನ್ನು ಜಯನಗರದ ಕ್ಷೇತ್ರದಲ್ಲಿ ಬರುವ ಕನ್ನಡ ಚಿತ್ರರಂಗದ ನಟ ನಟಿಯರು ಈಗಾಗಲೇ ವೋಟ್ ಮಾಡಿದ್ದಾರೆ.

ನಟಿ ತಾರಾ ಅನುರಾಧ ಜೆ ಪಿ ನಗರದಲ್ಲಿ ಇರುವ ಎ ವಿ ಎಜುಕೇಶನ್ ಸೊಸೈಟಿ ಯಲ್ಲಿ ಮತದಾನ ಮಾಡಿದರು. ಬಳಿಕ ಮಾಧ್ಯಮಗಳ ಜೊತೆಗೆ ಮಾತನಾಡಿರುವ ಅವರು ''ಮತದಾನ ಮಾಡುವುದು ಎಲ್ಲರ ಜವಾಬ್ದಾರಿ. ಕರ್ನಾಟಕದಲ್ಲಿ ಇದ್ದು ಇಲ್ಲಿನ ಪ್ರಜೆ ಆದ ಮೇಲೆ ವೋಟ್ ಮಾಡದೆ ಇದ್ದರೆ ಭಾರತೀಯರಾಗಿರಲು ಸಾಧ್ಯ ಇಲ್ಲ. ಹಾಗಾಗಿ ಪ್ರತಿಯೊಬ್ಬರು ವೋಟ್ ಮಾಡಿ'' ಎಂದರು.

ಜಯನಗರ ಚುನಾವಣೆ LIVE: ಸಾಹಿತಿ, ನಟ, ನಟಿಯರಿಂದ ಮತದಾನ

ನಟಿ ಮೇಘನಾ ರಾಜ್ ತಮ್ಮ ತಂದೆ ನಟ ಸುಂದರ್ ಹಾಗೂ ತಾಯಿ ಪ್ರಮಿಳಾ ಜೋಷಾಯಿ ಜೊತೆಗೆ ಬಂದು ಎ ವಿ ಎಜ್ಯುಕೇಶನ್ ಸೊಸೈಟಿ ಮತ ಹಾಕಿದರು. ವಿಶೇಷ ಅಂದರೆ, ಮದುವೆಯ ಬಳಿಕ ಮೇಘನಾ ಮೊದಲ ಬಾರಿಗೆ ಮತದಾನ ಮಾಡುತ್ತಿದ್ದಾರೆ.

ಉಳಿದಂತೆ, ಈಗಾಗಲೇ ಹಿರಿಯ ನಟಿ ಭಾರತಿ ವಿಷ್ಣುವರ್ಧನ್, ಹಿರಿಯ ನಟ ಉಮೇಶಣ್ಣ, ಹಿರಿಯ ಸಾಹಿತಿ ಮತ್ತು ನಿರ್ದೇಶಕರಾದ ಬರಗೂರು ರಾಮಚಂದ್ರಪ್ಪ ಹಾಗೂ ನಿರ್ಮಾಪಕ ಕೆ ಮಂಜು ಮತದಾನ ಮಾಡಿದ್ದಾರೆ.

ಅಂದಹಾಗೆ, ಜಯನಗರದ ಬಿಜಿಪಿ ಅಭ್ಯರ್ಥಿ ಹಾಗೂ ಹಾಲಿ ಶಾಸಕರಾಗಿದ್ದ ಬಿ.ಎನ್.ವಿಜಯಕುಮಾರ್ ಅವರ ನಿಧನದ ಹಿನ್ನಲೆಯಲ್ಲಿ ಇಂದು ಕ್ಷೇತ್ರದಲ್ಲಿ ಚುನಾವಣೆ ನಡೆಸಲಾಗುತ್ತಿದೆ.