'ತರ್ಲೆ ವಿಲೇಜ್' ನಿರ್ದೇಶಕರ ಹೊಸ ಚಿತ್ರ 'ಗೆಂಡೆತಿಮ್ಮ'

ಪಡ್ಡೆ ಹುಡುಗರಿಗೆ ರಸದೌತಣ ನೀಡಿದ್ದ 'ತರ್ಲೆ ವಿಲೇಜ್' ಚಿತ್ರ ತಕ್ಕಮಟ್ಟಿಗೆ ಯಶಸ್ಸು ಕಾಣುತ್ತಿದ್ದಂತೆಯೇ, ನಿರ್ದೇಶಕ ಕೆ.ಎಂ.ರಘು ಹೊಸ ಪ್ರಾಜೆಕ್ಟ್ ಗೆ ಕೈ ಹಾಕಿದ್ದಾರೆ. ಅದೇ 'ಗೆಂಡೆತಿಮ್ಮ'.

'ಗೆಂಡೆತಿಮ್ಮ'... ಈ ಶೀರ್ಷಿಕೆ ಕೇಳಿದ ಕೂಡಲೆ ನಿಮಗೆ ಲೋಕೇಶ್ ಅಭಿನಯದ 1978ರಲ್ಲಿ ತೆರೆಕಂಡ 'ಪರಸಂಗದ ಗೆಂಡೆತಿಮ್ಮ' ಚಿತ್ರ ನೆನಪಿಗೆ ಬರಬಹುದು. ಆದ್ರೆ ಆ ಚಿತ್ರಕ್ಕೂ ಈ ಚಿತ್ರಕ್ಕೂ ಯಾವುದೇ ಸಂಬಂಧ ಇಲ್ಲ. ಅದರ ಮುಂದುವರಿದ ಭಾಗವೂ ಅಲ್ಲ ಎಂಬ ಸ್ಪಷ್ಟನೆಯನ್ನ ನಿರ್ದೇಶಕ ಕೆ.ಎಂ.ರಘು ನೀಡಿದ್ದಾರೆ.[ವಿಮರ್ಶೆ: 'ತರ್ಲೆ ವಿಲೇಜ್' ಅಲ್ಲ, 'ಪೋಲಿ' ವಿಲೇಜ್!]

ಹಾಗ್ನೋಡಿದ್ರೆ, ಹಾಸನದ ಹಳ್ಳಿಯೊಂದರಲ್ಲಿ ನಡೆದ ನೈಜ ಘಟನಾಧರಿತ ಚಿತ್ರ 'ಗೆಂಡೆತಿಮ್ಮ'. ಈ ಚಿತ್ರಕ್ಕೆ ರಮೇಶ್ ಕಶ್ಯಪ್ ಬಂಡವಾಳ ಹೂಡುತ್ತಿದ್ದಾರೆ. ಕಥೆ-ಚಿತ್ರಕಥೆ-ಸಂಭಾಷಣೆ-ನಿರ್ದೇಶನದ ಹೊಣೆಯನ್ನ ಕೆ.ಎಂ.ರಘು ಹೊತ್ತಿದ್ದಾರೆ.

'ಗೆಂಡೆತಿಮ್ಮ' ಚಿತ್ರಕ್ಕಿನ್ನೂ ತಾರೆಯರ ಆಯ್ಕೆ ಪ್ರಕ್ರಿಯೆ ನಡೆದಿಲ್ಲ. ಎಲ್ಲವೂ ಫೈನಲ್ ಆದ ಬಳಿಕ 'ಗೆಂಡೆತಿಮ್ಮ' ಸೆಟ್ಟೇರಲಿದೆ.