'ನಟ ಸಾರ್ವಭೌಮ'ದಲ್ಲಿ ಪುನೀತ್ ಬಳಸಿರೋ ಕ್ಯಾಮರಾ ಬೆಲೆ ಎಷ್ಟು ಗೊತ್ತೆ?

Recommended Video

'ನಟ ಸಾರ್ವಭೌಮ' ಸಿನಿಮಾದ ಬಿಡುಗಡೆಗೆ ಕೆಲವೇ ದಿನಗಳ ಬಾಕಿ ಇದೆ. ಸಿನಿಮಾದ ಟ್ರೇಲರ್ ಸತತ ಮೂರು ದಿನಗಳಿಂದ ಯೂ ಟ್ಯೂಬ್ ನಲ್ಲಿ ನಂಬರ್ ಒನ್ ಟ್ರೆಂಡಿಂಗ್ ನಲ್ಲಿದೆ.

ಅಂದಹಾಗೆ, ಸಿನಿಮಾದ ಪೋಸ್ಟರ್, ಟ್ರೇಲರ್ ನೋಡಿದರಿಗೆ ಪುನೀತ್ ಕ್ಯಾಮರಾ ಇಟ್ಟುಕೊಂಡಿರುವ ದೃಶ್ಯ ಕಾಣುತ್ತದೆ. ಇನ್ನು ಈ ದೈತ್ಯ ಕ್ಯಾಮರಾ ಯಾವುದು, ಅದರ ಬೆಲೆ ಎಷ್ಟು ಎಂಬ ಕುತೂಹಲ ಕೂಡ ಕೆಲವರಿಗೆ ಇರಬಹುದು.

ಪುನೀತ್ ಹಿಡಿದು ನಿಂತಿರುವ ಕ್ಯಾಮರಾ ಬೆಲೆ ಬರೋಬ್ಬರಿ 13 ಲಕ್ಷದ 56 ಸಾವಿರ ರೂಪಾಯಿ. ಇದು ಪ್ರತಿಷ್ಟಿತ Canon ಕಂಪನಿಯ ಕ್ಯಾಮರಾವಾಗಿದೆ. ಸಿನಿಮಾದ ಬಹುತೇಕ ದೃಶ್ಯಗಳಲ್ಲಿ ಪುನೀತ್ ಜೊತೆಗೆ ಈ ಕ್ಯಾಮರಾ ಇರಲಿದೆ.

ಇನ್ನು, 'ನಟ ಸಾರ್ವಭೌಮ' ಸಿನಿಮಾ ಫೆಬ್ರವರಿ 7 ರಂದು ರಾಜ್ಯಾದಂತ್ಯ ಬಿಡುಗಡೆಯಾಗಲಿದೆ. ಚಿತ್ರದಲ್ಲಿ ಅಪ್ಪು ಜೋಡಿಯಾಗಿ ರಚಿತಾ ರಾಮ್ ಹಾಗೂ ಅನುಪಮ ಪರಮೇಶ್ವರನ್ ನಟಿಸಿದ್ದಾರೆ. ಪವನ್ ಒಡೆಯರ್ ಚಿತ್ರದ ನಿರ್ದೇಶನ ಮಾಡಿದ್ದು, ರಾಕ್ ಲೈನ್ ವೆಂಕಟೇಶ್ ಬಂಡವಾಳ ಹಾಕಿದ್ದಾರೆ.