ಯಶ್ ಕೆ ಜಿ ಎಫ್ ಸಿನಿಮಾ ತಡವಾಗಿದ್ದಕ್ಕೆ ಇಲ್ಲಿದೆ ಅಸಲಿ ಕಾರಣ

ಇನ್ನೂ ಬಾಕಿ ಇದೆ 'ಕೆ ಜಿ ಎಫ್' ಚಿತ್ರೀಕರಣ

ಎಲ್ಲವೂ ಅಂದು ಕೊಂಡಂತೆ ಆಗಿದ್ದರೆ 'ಕೆ ಜಿ ಎಫ್' ಸಿನಿಮಾದ ಚಿತ್ರೀಕರಣ ಈಗಾಗಲೇ ಮುಗಿದು ಚಾಪ್ಟರ್2 ಶೂಟಿಂಗ್ ಪ್ರಾರಂಭ ಆಗಬೇಕಿತ್ತು. ಆದರೆ 'ಕೆ ಜಿ ಎಫ್' ಚಾಪ್ಟರ್ 1 ನದ್ದೇ ಶೇಕಡ 20% ರಷ್ಟು ಚಿತ್ರೀಕರಣ ಬಾಕಿ ಇದೆ.

ಚಿತ್ರೀಕರಣ ತಡವಾಗಲು ಇದೆ ಕಾರಣ

ರಾಕಿಂಗ್ ಸ್ಟಾರ್ ಹುಟ್ಟುಹಬ್ಬದ ನಂತರ 'ಕೆ ಜಿ ಎಫ್' ಸಿನಿಮಾದ ಉಳಿದ ಭಾಗ ಚಿತ್ರೀಕರಣ ಶುರುವಾಗಬೇಕಿತ್ತು. ಆದರೆ ನಿರ್ದೇಶಕ ಪ್ರಶಾಂತ್ ನೀಲ್ ಅವರ ತಂದೆ ವಿಧಿವಶರಾದರು ಅದೇ ಕಾರಣದಿಂದ ಚಿತ್ರೀಕರಣ ಮಾಡಲು ಸಾಧ್ಯವಾಗಿಲ್ಲ.

ಚಿತ್ರೀಕರಣ ಆರಂಭ ಯಾವಾಗ

ಕಳೆದ ತಿಂಗಳಲ್ಲಿ ನಿರ್ದೇಶಕರ ತಂದೆ ತೀರಿಕೊಂಡ ಕಾರಣದಿಂದ ಚಿತ್ರೀಕರಣ ಶುರುವಾಗಿಲ್ಲ . ಮೂಲಗಳ ಪ್ರಕಾರ ಇದೇ ತಿಂಗಳಲ್ಲಿ ಶೂಟಿಂಗ್ ಆರಂಭ ಮಾಡಿ ಆದಷ್ಟು ಬೇಗ ಕುಂಬಳಕಾಯಿ ಹೊಡೆಯಲಿದ್ದಾರೆ.

ಸಿನಿಮಾ ಯಾವಾಗ ರಿಲೀಸ್

ಯಶ್ ಅಭಿಮಾನಿಗಳು ಮತ್ತು ಕನ್ನಡ ಸಿನಿಮಾ ಫ್ಯಾನ್ಸ್ ಎಲ್ಲರಿಗೂ ಕಾಡುತ್ತಿರುವ ಪ್ರಶ್ನೆ 'ಕೆ ಜಿ ಎಫ್' ಬಿಡುಗಡೆ ಆಗುವುದು ಯಾವಾಗ ಎನ್ನುವುದು. ಮೊದಲೇ ಚಿತ್ರತಂಡ ಹೇಳಿದಂತೆ ಸಿನಿಮಾಗಾಗಿ ಸಾಕಷ್ಟು ಸೆಟ್ ಗಳನ್ನ ಹಾಕಲಾಗಿದೆ. ಪೋಸ್ಟ್ ಪ್ರೊಡಕ್ಷನ್ ಕೆಲಸ ಹೆಚ್ಚು ಆದ್ದರಿಂದ ಎಲ್ಲವೂ ಫೈನಲ್ ಆದ ನಂತರವೇ ಚಿತ್ರತಂಡ ಅಧಿಕೃತವಾಗಿ ಘೋಷಣೆ ಮಾಡಲಿದೆ.