'ದಿ ವಿಲನ್' ಆಡಿಯೋ ಬಗ್ಗೆ ಎಲ್ಲರಿಗೂ ಶಾಕ್ ಕೊಟ್ಟ ಪ್ರೇಮ್.!

ಬೆಂಗಳೂರಲ್ಲೇ ಆಡಿಯೋ ರಿಲೀಸ್

ಬಹುನಿರೀಕ್ಷೆಯ 'ದಿ ವಿಲನ್' ಚಿತ್ರದ ಆಡಿಯೋ ಆಗಸ್ಟ್ 19 ರಂದು ಭಾನುವಾರ ಬೆಂಗಳೂರಿನಲ್ಲೇ ನಡೆಯಲಿದೆ ಎಂದು ಸ್ವತಃ ಚಿತ್ರದ ನಿರ್ದೇಶಕ ಪ್ರೇಮ್ ಖಚಿತಪಡಿಸಿದ್ದಾರೆ. ಈ ಮೂಲಕ ದುಬೈನಲ್ಲಿ ಕಾರ್ಯಕ್ರಮವಿದ್ರೆ ನಾವು ಹೋಗಲು ಸಾಧ್ಯವಿಲ್ಲ ಎಂದುಕೊಂಡಿದ್ದ ಅಭಿಮಾನಿಗಳಿಗೆ ಖುಷಿ ನೀಡಿದೆ.

ಬೆಂಗಳೂರಲ್ಲಿ ಎಲ್ಲಿ.?

ಬೆಂಗಳೂರಿನ ಹೆಬ್ಬಾಳದ ಬಳಿಯಿರುವ ಮಾನ್ಯತಾ ಟೆಕ್ ಪಾರ್ಕ್ ನ 'ವೈಟ್ ಆರ್ಕೆಡ್'ನಲ್ಲಿ ಭಾನುವಾರ ಸಂಜೆ 6 ಗಂಟೆಗೆ 'ದಿ ವಿಲನ್' ಚಿತ್ರದ ಆಡಿಯೋ ರಿಲೀಸ್ ಕಾರ್ಯಕ್ರಮ ನಡೆಯಲಿದೆ. ಇದನ್ನ ಟ್ವಿಟ್ಟರ್ ನಲ್ಲಿ ಪ್ರೇಮ್ ಸ್ಪಷ್ಟಪಡಿಸಿದ್ದಾರೆ.

ದುಬೈ ಪ್ಲಾನ್ ಏನ್ ಆಯ್ತು.?

ಆದ್ರೆ, ದುಬೈನಲ್ಲಿ ಆಡಿಯೋ ಬಿಡುಗಡೆ ಮಾಡುವ ಪ್ಲಾನ್ ಏನ್ ಆಯ್ತು ಎಂಬುದರ ಬಗ್ಗೆ ಮಾಹಿತಿ ಸಿಕ್ಕಿಲ್ಲ. ಒಂದು ಮೂಲದ ಪ್ರಕಾರ 'ವಿಲನ್' ಚಿತ್ರದ ಆಡಿಯೋ ಎರಡು ಕಡೆ ರಿಲೀಸ್ ಮಾಡುವ ಸಾಧ್ಯತೆ ಇದ್ದು, ದುಬೈನಲ್ಲೂ ವಿಶೇಷ ಕಾರ್ಯಕ್ರಮ ಜರುಗಿಸುವ ಯೋಚನೆ ಇದೆ ಎನ್ನಲಾಗಿದೆ.

'ದಿ ವಿಲನ್' ಆಲ್ಬಂ ನಲ್ಲಿ ಸದ್ದು ಗದ್ದಲದ ಜೊತೆಗೆ ಮೆಲೋಡಿಗೂ ಜಾಗವಿದೆ

ಅತಿಥಿಗಳ ಪಟ್ಟಿ ದೊಡ್ಡದಿರಬಹುದು.!

ಭಾನುವಾರ ನಡೆಯಲಿರುವ 'ದಿ ವಿಲನ್' ಚಿತ್ರದ ಆಡಿಯೋ ಕಾರ್ಯಕ್ರಮಕ್ಕೆ ಯಾವೆಲ್ಲಾ ಅತಿಥಿಗಳು ಬರಲಿದ್ದಾರೆ ಎಂಬುದು ಸದ್ಯಕ್ಕೆ ಕುತೂಹಲ ಮೂಡಿಸಿದೆ. ಇಬ್ಬರು ಸೂಪರ್ ಸ್ಟಾರ್ ಗಳು ಒಟ್ಟಿಗೆ ಅಭಿನಯಿಸಿರುವುದ್ರಿಂದ ಗೆಸ್ಟ್ ಗಳ ಪಟ್ಟಿ ಕೂಡ ದೊಡ್ಡದಾಗಿಯೇ ಇರಲಿದೆ ಎಂಬ ನಿರೀಕ್ಷೆ ಇದೆ. ಕಾದುನೋಡೋಣ.