ರಿಲೀಸ್ ಗೂ ಮುಂಚೆಯೇ ಸೌತ್ ಇಂಡಸ್ಟ್ರಿಯನ್ನ ಬೆಚ್ಚಿಬೀಳಿಸಿದ 'ದಿ ವಿಲನ್'

ಅತಿ ಹೆಚ್ಚು ಮೊತ್ತಕ್ಕೆ ಆಡಿಯೋ ಸೇಲ್

ಮೂಲಗಳ ಪ್ರಕಾರ ಪ್ರೇಮ್ ನಿರ್ದೇಶನ ಮಾಡಿರುವ 'ದಿ ವಿಲನ್' ಸಿನಿಮಾದ ಆಡಿಯೋ ರೈಟ್ಸ್ ದಾಖಲೆ ಮೊತ್ತಕ್ಕೆ ಸೇಲ್ ಆಗಿದೆ. ಆನಂದ್ ಆಡಿಯೋ ಕಂಪನಿಯವರು ಅತಿ ಹೆಚ್ಚು ಹಣ ನೀಡಿ ಆಡಿಯೋ ಹಕ್ಕು ಖರೀದಿಸಿದ್ದಾರಂತೆ. ಈ ವಿಷ್ಯವನ್ನ ಸ್ವತಃ ನಿರ್ದೇಶಕ ಪ್ರೇಮ್ ತಿಳಿಸಿದ್ದಾರೆ.

1 ಕೋಟಿಗೂ ಅಧಿಕ ಮೊತ್ತ.!

ಗಾಂಧಿನಗರದಲ್ಲಿ ಹರಿದಾಡುತ್ತಿರುವ ಸುದ್ದಿಗಳ ಪ್ರಕಾರ 1.8 ಕೋಟಿ ಕೊಟ್ಟು 'ದಿ ವಿಲನ್' ಆಡಿಯೋ ರೈಟ್ಸ್ ಖರೀದಿಸಿದ್ದಾರೆ ಎನ್ನಲಾಗುತ್ತಿದೆ. ಇದು ದಕ್ಷಿಣ ಭಾರತದಲ್ಲೇ ಹೆಚ್ಚು ಮೊತ್ತಕ್ಕೆ ಸೇಲ್ ಆಗಿರುವ ಸಿನಿಮಾ ಎಂಬ ಖ್ಯಾತಿಗೆ ವಿಲನ್ ಪಾತ್ರವಾಗಿದೆಯಂತೆ.

ಅರ್ಜುನ್ ಜನ್ಯ ಸಂಗೀತ

ಅಂದ್ಹಾಗೆ, 'ದಿ ವಿಲನ್' ಸಿನಿಮಾಗೆ ಮ್ಯುಸಿಕ್ ಕಂಪೋಸ್ ಮಾಡುತ್ತಿರುವುದು ಅರ್ಜುನ್ ಜನ್ಯ. ಸದ್ಯ, 'ದಿ ವಿಲನ್' ಮೋಷನ್ ಪೋಸ್ಟರ್ ನಲ್ಲಿ ಜನ್ಯ ಮ್ಯೂಸಿಕ್ ನೋಡಿ ಪ್ರೇಕ್ಷಕರು ಫುಲ್ ಥ್ರಿಲ್ ಆಗಿದ್ದಾರೆ.

6 ವರ್ಷದ ನಂತರ ಪ್ರೇಮ್ ನಿರ್ದೇಶನ

ಶಿವರಾಜ್ ಕುಮಾರ್ ಅಭಿನಯಿಸಿದ್ದ 100ನೇ ಸಿನಿಮಾ 'ಜೋಗಯ್ಯ' ನಂತರ ಪ್ರೇಮ್ ನಿರ್ದೇಶನ ಮಾಡುತ್ತಿದ್ದಾರೆ. ಸುಮಾರು 6 ವರ್ಷಗಳ ಅಂತರ. ಸುದೀಪ್, ಶಿವಣ್ಣ, ಆಮಿ ಜಾಕ್ಸನ್, ಶ್ರೀಕಾಂತ್, ಮಿಥುನ್ ಚಕ್ರವರ್ತಿ ಸೇರಿದಂತೆ ಹಲವರು ಅಭಿನಯಿಸಿದ್ದಾರೆ. ಬಹುತೇಕ ಚಿತ್ರೀಕರಣ ಮುಗಿಸಿರುವ ವಿಲನ್ ಇದೇ ವರ್ಷ ತೆರೆಗೆ ಬರುವ ತಯಾರಿಯಲ್ಲಿದೆ.