ಅಂತು ಇಂತು 'ದಿ ವಿಲನ್' ಟೀಸರ್ ನೋಡೊ ಭಾಗ್ಯ ಸಿಕ್ತು

Recommended Video

ಈ ವರ್ಷದ ನಿರೀಕ್ಷಿತ ಸಿನಿಮಾಗಳಲ್ಲಿ ಒಂದಾದ 'ದಿ ವಿಲನ್' ಚಿತ್ರದ ಟೀಸರ್ ಬಿಡುಗಡೆ ಈಗ ಆಗುತ್ತೆ, ಆಗ ಆಗುತ್ತೆ ಅಂತ ಪ್ರೇಕ್ಷಕರು ಕಾದಿದ್ದೇ ಕಾದಿದ್ದು. ಆದರೆ ಟೀಸರ್ ನ ಮಾತ್ರ ನೋಡುವ ಅವಕಾಶ ಸಿಗಲೇ ಇಲ್ಲ.

ಸಾಕಷ್ಟು ದಿನಗಳಿಂದ ಕಾದಿದ್ದ ಅಭಿಮಾನಿಗಳಿಗೆ 'ದಿ ವಿಲನ್' ಟೀಸರ್ ರಿಲೀಸ್ ಆಗುವ ಡೇಟ್ ಪಕ್ಕಾ ಆಗಿದೆ. ಹೌದು ಆನಂದ್ ಆಡಿಯೋ 'ದಿ ವಿಲನ್' ಚಿತ್ರದ ಆಡಿಯೋ ಹಕ್ಕನ್ನು ಖರೀದಿ ಮಾಡಿದೆ.

ಜೂನ್ ಮೊದಲ ವಾರದಲ್ಲಿ ಶಿವರಾಜ್ ಕುಮಾರ್ ಹಾಗೂ ಕಿಚ್ಚ ಸುದೀಪ್ ಅಭಿನಯದ ದಿ ವಿಲನ್ ಸಿನಿಮಾದ ಟೀಸರ್ ಬಿಡುಗಡೆ ಆಗಲಿದೆ. ಅದಷ್ಟೇ ಅಲ್ಲದೆ ಚಿತ್ರದ ಹಾಡುಗಳು ಕೂಡ ಅದೇ ತಿಂಗಳು ರಿಲೀಸ್ ಆಗಲಿದೆ ಎನ್ನುವುದು ಖುಷಿಯ ವಿಚಾರ.

ಜೂನ್ ಕೊನೆಯವಾರದಲ್ಲಿ ಸಿನಿಮಾ ಹಾಡುಗಳು ಬಿಡುಗಡೆ ಆಗಲಿದ್ದು ಪ್ರೇಮ್ ಸಿನಿಮಾದ ಹಾಡುಗಳು ಎಂದಾಗ ವೀಕ್ಷಕರಲ್ಲಿ ಸ್ಪಲ್ಪ ಹೆಚ್ಚೇ ನಿರೀಕ್ಷೆಗಳು ಹುಟ್ಟುಕೊಂಡಿವೆ. ಸಾಕಷ್ಟು ದಿನಗಳಿಂದ ಕಾದಿದ್ದ ಸಮಯ ಈಗ ಕೂಡಿ ಬಂದಿರುವುದರಿಂದ ಅಭಿಮಾನಿಗಳಿಗೆ ಈ ಸುದ್ದಿ ಖುಷಿ ತಂದಿದೆ.