ಶುರುವಾಯ್ತು 'ದಿ ವಿಲನ್' ಟಿಕೆಟ್ ಬುಕ್ಕಿಂಗ್ : ಒಂದು ಟಿಕೆಟ್ ರೇಟ್ ಎಷ್ಟು?

ಇಂದಿನಿಂದ ಬುಕ್ಕಿಂಗ್

ಅಕ್ಟೋಬರ್ 18 ರಂದು 'ದಿ ವಿಲನ್' ಸಿನಿಮಾ ಬಿಡುಗಡೆಯಾಗುತ್ತಿದೆ. ಇಂದಿನಿಂದ ಚಿತ್ರದ ಟಿಕೆಟ್ ಬುಕ್ಕಿಂಗ್ ಶುರುವಾಗಿದೆ. ಸದ್ಯಕ್ಕೆ ಬೆಂಗಳೂರಿನ ಆರೇಳು ಚಿತ್ರಮಂದಿರಗಳಲ್ಲಿ ಮುಂಗಡ ಟಿಕೆಟ್ ನೀಡಲು ಪ್ರಾರಂಭ ಮಾಡಲಾಗಿದೆ.

ಟಿಕೆಟ್ ಬೆಲೆ ಎಷ್ಟು?

ಸಾಮಾನ್ಯವಾಗಿ ಈ ರೀತಿಯ ಬಿಗ್ ಬಜೆಟ್ ಸಿನಿಮಾಗಳು ರಿಲೀಸ್ ಆಗುವಾಗ ಟಿಕೆಟ್ ಬೆಲೆ ಎಷ್ಟು ಎಂಬ ಕುತೂಹಲ ಎಲ್ಲರಿಗೂ ಇರುತ್ತದೆ. 'ದಿ ವಿಲನ್' ಟಿಕೆಟ್ ಗೆ ಕೂಡ ಸಿಕ್ಕಾಪಟ್ಟೆ ಟಿಮ್ಯಾಂಡ್ ಇದ್ದು, ಒಂದು ಟಿಕೆಟ್ ಬೆಲೆ 400 ರೂಪಾಯಿ, 300 ರೂಪಾಯಿ ಆಗಿದೆ.

ಸಂತೋಷ್ ಚಿತ್ರಮಂದಿರದಲ್ಲಿ ಇಲ್ಲ

'ದಿ ವಿಲನ್' ಗಾಂಧಿನಗರದ ಮೂರು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗುತ್ತದೆ ಎಂದು ಹೇಳಲಾಗಿತ್ತು. ಈ ಪೈಕಿ ಸಂತೋಷ್ ಚಿತ್ರಮಂದಿರದ ಕೂಡ ಒಂದಾಗಿತ್ತು. ಆದರೆ, ಈಗ ಸಂತೋಷ್ ಚಿತ್ರಮಂದಿರದಲ್ಲಿ 'ದಿ ಟೆರರಿಸ್ಟ್' ಸಿನಿಮಾ ರಿಲೀಸ್ ಆಗುತ್ತಿದೆ. ನರ್ತಕಿ ಥಿಯೇಟರ್ ನಲ್ಲಿ 'ದಿ ವಿಲನ್' ಬರೋದು ಪಕ್ಕಾ ಆಗಿದೆ.

ಸಾವಿರ ಸ್ಕ್ರೀನ್ ಗಳಲ್ಲಿ ವಿಲನ್?

ಈ ಸಿನಿಮಾ ಸಿಕ್ಕಾಪಟ್ಟೆ ಕ್ರೇಜ್ ಹುಟ್ಟುಹಾಕಿದ್ದು, ಸಾವಿರ ಸ್ಕ್ರೀನ್ ಗಳಲ್ಲಿ ಬಿಡುಗಡೆ ಮಾಡುವುದಾಗಿ ಪ್ರೇಮ್ ತಿಳಿಸಿದ್ದರು. ಆದರೆ, ಸದ್ಯಕ್ಕೆ ಈ ಬಗ್ಗೆ ಖಚಿತ ಮಾಹಿತಿ ಇಲ್ಲ. ಆದರೂ, ಸಿನಿಮಾ ದೊಡ್ಡ ಮಟ್ಟದಲ್ಲಿ ರಿಲೀಸ್ ಆಗುವುದು ಗ್ಯಾರೆಂಟಿ.

'ಮಜಾ ಟಾಕೀಸ್' ನಲ್ಲಿ ಪ್ರೇಮ್

ಸಿನಿಮಾದ ಪ್ರಚಾರ ಕಾರ್ಯ ಭರ್ಜರಿಯಾಗಿ ನಡೆಯುತ್ತಿದೆ. ನಿರ್ದೇಶಕ ಪ್ರೇಮ್ ಹಾಗೂ ಅರ್ಜುನ್ ಜನ್ಯ 'ಮಜಾ ಟಾಕೀಸ್' ಕಾರ್ಯಕ್ರಮಕ್ಕೆ ಹೋಗಿದ್ದು, ಆ ಸಂಚಿಕೆ ಈ ವಾರ ಪ್ರಸಾರ ಆಗುತ್ತಿದೆ. 'ಮಜಾ ಟಾಕೀಸ್' ನ ಕುರಿ ಪ್ರತಾಪ್ ಕೂಡ ಚಿತ್ರದಲ್ಲಿ ನಟಿಸಿದ್ದಾರೆ.