ಮೊದಲ ದಿನ 20 ಕೋಟಿ, 4 ದಿನಕ್ಕೆ ಎಷ್ಟಾಯಿತು ಎಂದು ಬಿಚ್ಚಿಟ್ಟ ನಿರ್ಮಾಪಕ.!

ನಿರ್ಮಾಪಕರ ಷೇರು ಎಷ್ಟಾಗಿದೆ

ಚಿತ್ರದ ನಿರ್ಮಾಪಕ ಸಿ ಆರ್ ಮನೋಹರ್ ಅವರು ಹೇಳಿರುವ ಪ್ರಕಾರ ಮೊದಲ ನಾಲ್ಕು ದಿನಕ್ಕೆ ನಿರ್ಮಾಪಕರ ಶೇರ್ 30 ಕೋಟಿ ಕೈಗೆ ಬಂದಿದೆಯಂತೆ. ಇದು ಬರಿ ನಿರ್ಮಾಪಕನ ಷೇರು ಎಂದು ಹೇಳಿದ್ದು, ಒಟ್ಟಾರೆ ಕಲೆಕ್ಷನ್ ಬಗ್ಗೆ ನಿರೀಕ್ಷೆ ಹೆಚ್ಚಿದೆ ಎಂದು ಖುಷಿ ಹಂಚಿಕೊಂಡರು.

ನೂರು ಕೋಟಿ ರೀಚ್ ಆಗುತ್ತೆ

ಬಹುಶಃ ನಾಲ್ಕು ದಿನದಲ್ಲಿ ಕಲೆಕ್ಷನ್ ಮಾಡಿರುವ ಹಣವನ್ನ ನೋಡಿದ್ರೆ, ಈ ಸಿನಿಮಾ ಮೊದಲ ನೂರು ಕೋಟಿ ಕ್ಲಬ್ ಗೆ ಸೇರುತ್ತೆ ಎಂಬ ನಿರೀಕ್ಷೆ ವ್ಯಕ್ತಪಡಿಸಿದ್ದರು. ಸದ್ಯಕ್ಕೆ 60 ಪರ್ಸೆಂಟ್ ರೀಚ್ ಆಗಿದ್ದೀವಿ. ಉಳಿದ ಮೊತ್ತವನ್ನ ಅತಿ ಶೀಘ್ರದಲ್ಲಿ ಗಳಿಸುತ್ತೆ ಎಂಬ ಭರವಸೆ ಮೂಡಿಸಿದ್ದಾರೆ.

ಹಾಕಿದ ಬಂಡವಾಳ ಬಂದಿದೆ

ಇದು ಸದ್ಯದ ಮಟ್ಟಿಗೆ ಅತಿ ದೊಡ್ಡ ಬಂಡವಾಳದಲ್ಲಿ ನಿರ್ಮಾಣದ ಸಿನಿಮಾ. ನಿರ್ಮಾಪಕರು ಹಾಕಿದ ಬಂಡವಾಳ ನಾಲ್ಕು ದಿನದಲ್ಲೇ ವಾಪಸ್ ಬಂದಿದೆ. ಇನ್ನು ನಿರ್ಮಾಪಕರಿಗೆ ಕೊಟ್ಟಿದ್ದ ಹಣವೂ ನಮ್ಮ ಕೈಗೆ ಬಂದಿದೆ ಎಂದು ವಿತರಕ ಜಾಕ್ ಮಂಜು ತಿಳಿಸಿದ್ದಾರೆ.

ದಾಖಲೆಯ ಚಿತ್ರಮಂದಿರದಲ್ಲಿ ಪ್ರದರ್ಶನ

ಕರ್ನಾಟಕ ರಾಜ್ಯದಲ್ಲಿ ಸುಮಾರು 450ಕ್ಕೂ ಹೆಚ್ಚು ಚಿತ್ರಮಂದಿರದಲ್ಲಿ 'ವಿಲನ್' ಸಿನಿಮಾ ರಿಲೀಸ್ ಆಗಿತ್ತು. ಎಲ್ಲಾ ಕಡೆಯೂ 5-6-7 ಶೋಗಳು ಪ್ರದರ್ಶನವಾಗುತ್ತಿದೆ. ಇನ್ನು ರಾಜ್ಯದ ಹೊರಗಡೆಯೂ ಅತಿ ಹೆಚ್ಚು ಗಳಿಕೆ ಬಂದಿದೆ ಎಂದು ನಿರ್ಮಾಪಕರು ತಿಳಿಸಿದ್ದಾರೆ.