ಬಿಡುಗಡೆ ಮುನ್ನವೇ ಚಿತ್ರಮಂದಿರದಲ್ಲಿ 'ದಿ ವಿಲನ್' ಕ್ರೇಜ್

ಕುತೂಹಲ ಮೂಡಿಸುತ್ತಿರುವ ಸಿನಿಮಾ

'ದಿ ವಿಲನ್' ಕಿಚ್ಚ ಸುದೀಪ್ ಹಾಗೂ ಶಿವರಾಜ್ ಕುಮಾರ್ ಅಭಿನಯದ ಸಿನಿಮಾ. ಆರಂಭದಿಂದಲೂ ಕುತೂಹಲವನ್ನು ಹುಟ್ಟುಹಾಕಿರುವ 'ದಿ ವಿಲನ್' ಚಿತ್ರದ ಬಗ್ಗೆ ನಿರೀಕ್ಷೆ ಹೆಚ್ಚಾಗಿದೆ. ಬಿಡುಗಡೆ ದಿನಾಂಕ ನಿಗದಿ ಆಗುವ ಮುನ್ನವೇ ಥಿಯೇಟರ್ ಬಳಿ ಪೋಸ್ಟರ್, ಬ್ಯಾನರ್ ರಾರಾಜಿಸುತ್ತಿವೆ.

ಬಿಡುಗಡೆ ನಿಗದಿ ಮುನ್ನವೇ ಶೋ ಬಗ್ಗೆ ಮಾಹಿತಿ

ಮಾಹಿತಿಗಳ ಪ್ರಕಾರ 'ದಿ ವಿಲನ್' ಸಿನಿಮಾ ಗೌರಿ-ಗಣೇಶ ಹಬ್ಬಕ್ಕೆ ಬಿಡುಗಡೆ ಆಗುವ ಸಾಧ್ಯತೆಗಳು ಹೆಚ್ಚಾಗಿವೆ. ಈ ಬಗ್ಗೆ ಚಿತ್ರತಂಡ ಚಿತ್ರ ರಿಲೀಸ್ ಬಗ್ಗೆ ಎಲ್ಲಿಯೂ ಮಾತನಾಡಿಲ್ಲ. ಆದರೆ ರಾಜ್ಯದ ಅನೇಕ ಥಿಯೇಟರ್ ಗಳಲ್ಲಿ ಸಿನಿಮಾ ಪೋಸ್ಟರ್ ಗಳನ್ನು ಹಾಕಿ ಪ್ರದರ್ಶನದ ಬಗ್ಗೆ ಮಾಹಿತಿಯನ್ನು ನೀಡಿದ್ದಾರೆ.

ಸುದೀಪ್-ಶಿವರಾಜ್ ಕುಮಾರ್ ಅಭಿನಯ

'ದಿ ವಿಲನ್' ಸಿನಿಮಾ ಬಗ್ಗೆ ಇಷ್ಟೆಲ್ಲಾ ಕ್ರೇಜ್ ಹುಟ್ಟಿಕೊಳ್ಳಲು ಸಾಕಷ್ಟು ಕಾರಣಗಳಿವೆ. ಸುದೀಪ್ ಮತ್ತು ಶಿವರಾಜ್ ಕುಮಾರ್ ಇದೇ ಮೊದಲ ಬಾರಿಗೆ ಒಟ್ಟಿಗೆ ಅಭಿನಯ ಮಾಡುತ್ತಿದ್ದು, ಇಬ್ಬರು ಸ್ಟಾರ್ ಗಳನ್ನು ಒಟ್ಟಿಗೆ ತೆರೆ ಮೇಲೆ ನೋಡಲು ಅಭಿಮಾನಿಗಳು ಕಾತುರರಾಗಿದ್ದಾರೆ.

ಗೌರಿ-ಗಣೇಶ ಹಬ್ಬಕ್ಕೆ ರಿಲೀಸ್

ಸದ್ಯ 'ದಿ ವಿಲನ್' ಸಿನಿಮಾ ಸೆನ್ಸಾರ್ ಮಂಡಳಿ ಮುಂದಿದ್ದು ಈ ವಾರದಲ್ಲಿಯೇ ಸೆನ್ಸಾರ್ ಪ್ರಮಾಣ ಪತ್ರವನ್ನು ನಿರೀಕ್ಷೆ ಮಾಡುತ್ತಿದೆ ಚಿತ್ರತಂಡ. ಎಲ್ಲವೂ ಅಂದುಕೊಂಡಂತೆ ಆದರೆ 'ದಿ ವಿಲನ್' ಚಿತ್ರವನ್ನು ಗೌರಿ-ಗಣೇಶ ಹಬ್ಬಕ್ಕೆ ನಿರೀಕ್ಷೆ ಮಾಡಬಹುದಾಗಿದೆ.