ಅಭಿಮಾನಿಗಳಿಗೆ 'ದಿ ವಿಲನ್' ಚಿತ್ರತಂಡದಿಂದ ಸಿಹಿ ಸುದ್ದಿ

ಇದೇ ವಾರ ಬಿಡುಗಡೆ ಆಗಲಿರುವ ಟೀಸರ್

ಮೋಷನ್ ಪೋಸ್ಟರ್ ಮೂಲಕ ಅಭಿಮಾನಿಗಳ ಕುತೂಹಲ ಕೆರಳಿಸಿದ್ದ ನಿರ್ದೇಶಕ ಪ್ರೇಮ್, ದಿ ವಿಲನ್ ಚಿತ್ರದ ಟೀಸರ್ ಬಿಡುಗಡೆಗೆ ಸಿದ್ದತೆ ಮಾಡಿಕೊಂಡಿದ್ದಾರೆ. ಇದೇ ವಾರಾಂತ್ಯದಲ್ಲಿ ಟೀಸರ್ ರಿಲೀಸ್ ಮಾಡಲಿದ್ದು ನಾಳೆ(ಡಿಸೆಂಬರ್ 6) ಅಧಿಕೃತವಾಗಿ ದಿನಾಂಕ ಅನೌನ್ಸ್ ಮಾಡಲಿದ್ದಾರೆ.

ಅಭಿಮಾನಿಗಳಿಗೆ ಗಿಫ್ಟ್

ಸಿನಿಮಾದ ಆರಂಭದಿಂದಲೂ ಅಭಿಮಾನಿಗಳ ಸಮ್ಮುಖದಲ್ಲೇ ಚಿತ್ರದ ಎಲ್ಲಾ ಸಮಾರಂಭಗಳನ್ನ ಆಯೋಜನೆ ಮಾಡಿದ್ದ ನಿರ್ದೇಶಕ ಪ್ರೇಮ್, ಟೀಸರ್ ಕೂಡ ಅಭಿಮಾನಿಗಳ ಜೊತೆಯಲ್ಲೇ ಬಿಡುಗಡೆ ಮಾಡುವ ಸಾಧ್ಯತೆಗಳು ಹೆಚ್ಚಾಗಿದೆ.

ಎರಡು ಟೀಸರ್ ರಿಲೀಸ್ ಮಾಡಲು ಸಜ್ಜು

ಶಿವರಾಜ್ ಕುಮಾರ್ ಅಭಿನಯದ ಟೀಸರ್ ಹಾಗೂ ಸುದೀಪ್ ಅಭಿನಯದ ಮತ್ತೊಂದು ಟೀಸರ್ ಬಿಡುಗಡೆಗೆ ಸಿದ್ದತೆ ಮಾಡಿಕೊಳ್ಳಲಾಗುತ್ತಿದೆ. ಇಬ್ಬರು ಅಭಿಮಾನಿಗಳಿಗೂ ಬಿಗ್ ಗಿಫ್ಟ್ ಇದಾಗಲಿದೆ.

ಪ್ರೇಮ್ ಟ್ವಿಟ್ಟರ್ ಹ್ಯಾಕ್

ದಿ ವಿಲನ್ ಸಿನಿಮಾದ ಚಿತ್ರೀಕರಣ ಕೊನೆಯ ಹಂತ ತಲುಪಿದೆ. ಇತ್ತೀಚಿಗಷ್ಟೇ ಸಿನಿಮಾತಂಡ ಮೈಸೂರಿನಲ್ಲಿ ಹಾಡಿನ ಚಿತ್ರೀಕರಣ ಮಾಡಿ ಮುಗಿಸಿದೆ. ಸದಾ ಟ್ವಿಟ್ಟರ್ ನಲ್ಲಿ ದಿ ವಿಲನ್ ಸಿನಿಮಾ ಬಗ್ಗೆ ಮಾಹಿತಿ ನೀಡುತ್ತಿದ್ದ ಪ್ರೇಮ್ 15 ದಿನಗಳಿಂದ ಸೈಲೆಂಟ್ ಆಗಿದ್ರು. ಕಾರಣ ಏನಪ್ಪಾ ಅಂದ್ರೆ ಪ್ರೇಮ್ ಅವರ ಟ್ವಿಟ್ಟರ್ ಅಕೌಂಟ್ ನ ಯಾರೋ ಹ್ಯಾಕ್ ಮಾಡಿದ್ದಾರೆ. ಸದ್ಯ ಹೊಸ ಅಕೌಂಟ್ ನಲ್ಲಿ ಪ್ರೇಮ್ ಅಭಿಮಾನಿಗಳಿಗೆ ಅಪ್ಡೇಟ್ ನೀಡುತ್ತಿದ್ದಾರೆ.