ಪದೇ ಪದೇ ಆಗುವ ಈ ಅನ್ಯಾಯಕ್ಕೆ ಕೊನೆ ಯಾವಾಗ?

| Published: Friday, August 30, 2019, 16:55 [IST]

ಈ ಸಮಸ್ಯೆ ಬೇರೆ ಯಾವ ರಾಜ್ಯದಲ್ಲೂ ಇಲ್ಲ. ನಮ್ಮಲ್ಲಿ ಮಾತ್ರ ಈ ಸಮಸ್ಯೆ ಪದೇ ಪದೇ ಎದುರಾಗುತ್ತೆ. ಪ್ರತಿ ಬಾರಿಯೂ ಪರಭಾಷೆಯಲ್ಲೊಂದು ದೊಡ್ಡ ಸಿನಿಮಾ ಬಂದ್ರೆ ಕರ್ನಾಟಕದಲ್ಲಿ ಕನ್ನಡ ಚಿತ್ರಗಳು ಸಂಕಷ್ಟಕ್ಕೆ ಸಿಲುಕಿಕೊಳ್ಳುತ್ತೆ.

ಸಾಮಾನ್ಯವಾಗಿ ಸ್ಯಾಂಡಲ್ ವುಡ್ ನಲ್ಲಿ ಸ್ಟಾರ್ ನಟರ ಚಿತ್ರಗಳು ಬಂದಾಗ, ಹೊಸಬರು ಸಿನಿಮಾಗಳ ಬಿಡುಗಡೆ ಹಿಂದಕ್ಕೆ ಮುಂದಕ್ಕೆ ಹೋಗುತ್ತೆ. ಹೋಗುವುದರಲ್ಲೂ ಒಂದು ಲೆಕ್ಕಾಚಾರ ಇದೆ. ಆದರೆ ಪರಭಾಷೆಯ ಚಿತ್ರ ಬಂದಾಗಲೂ ಇದೇ ಟ್ರೆಂಡ್ ಅನುಕರಣೆ ಮಾಡಬೇಕು ಅಂದ್ರೆ ಹೇಗೆ?

Sahoo Review: ಹೊಗಳಿಕೆಗಿಂತ ತೆಗಳಿಕೆಯೇ ಹೆಚ್ಚು Sahoo Review: ಹೊಗಳಿಕೆಗಿಂತ ತೆಗಳಿಕೆಯೇ ಹೆಚ್ಚು

'ನನ್ನ ಪ್ರಕಾರ' ಕಿಕ್ ಔಟ್

ಕಳೆದ ಶುಕ್ರವಾರ ತೆರೆಕಂಡ 'ನನ್ನ ಪ್ರಕಾರ' ಸಿನಿಮಾಗೆ ಉತ್ತಮ ಪ್ರತಿಕ್ರಿಯೆ ಸಿಕ್ಕಿತ್ತು. ಸಿನಿಮಾ ಚೆನ್ನಾಗಿದೆ ಅಂದಾಗ ಸಹಜವಾಗಿ ಚಿತ್ರಮಂದಿರಗಳ ಸಂಖ್ಯೆ ಹೆಚ್ಚಾಗುತ್ತೆ. ಆದರೆ ಸಾಹೋ ಬಂದ ಪರಿಣಾಮ ನನ್ನ ಪ್ರಕಾರ ಪ್ರದರ್ಶನವಾಗುತ್ತಿದ್ದ ಬಹುತೇಕ ಚಿತ್ರಮಂದಿರಗಳಿಂದ ಕಿಕ್ ಔಟ್ ಆಗಿದೆ.

ಮೂರು ಚಿತ್ರಮಂದಿರದಲ್ಲಿ 'ನನ್ನ ಪ್ರಕಾರ'

ಆಗಸ್ಟ್ 30 ರಂದು ಬುಕ್ ಮೈ ಶೋನಲ್ಲಿ ಚೆಕ್ ಮಾಡಿ ನೋಡಿದ್ರೆ ಕೇವಲ ಮೂರು ಚಿತ್ರಮಂದಿರದಲ್ಲಿ ಮಾತ್ರ ನನ್ನ ಪ್ರಕಾರ ಪ್ರದರ್ಶನ ಕಾಣ್ತಿದೆ. ಸಿನಿಪೋಲಿಸ್ ನಲ್ಲಿ ಒಂದು ಶೋ, ಒರೆಯಾನ್ ಮಾಲ್ ನಲ್ಲಿ ಒಂದು ಶೋ ಮತ್ತು ಮೆಜೆಸ್ಟಿಕ್ ಮುಖ್ಯಚಿತ್ರಮಂದಿರದಲ್ಲಿ ನಾಲ್ಕು ಶೋ ನಡೆಯುತ್ತಿದೆ.

Saaho Twitter Review: ಪ್ರಭಾಸ್ ಇಷ್ಟ, ಸಾಹೋ ನೋಡೋಕೆ ಕಷ್ಟ Saaho Twitter Review: ಪ್ರಭಾಸ್ ಇಷ್ಟ, ಸಾಹೋ ನೋಡೋಕೆ ಕಷ್ಟ

ಕುರುಕ್ಷೇತ್ರಕ್ಕೂ ಸಮಸ್ಯೆ

ಹಾಗ್ನೋಡಿದ್ರೆ ದರ್ಶನ್ ಅಭಿನಯದ ಕುರುಕ್ಷೇತ್ರ ಚಿತ್ರಕ್ಕೂ ಇದರಿಂದ ಸಮಸ್ಯೆ ಆಗಿದೆ. ಸಾಹೋ ಆಗಮನದ ಕಾರಣಕ್ಕಾಗಿ ಕುರುಕ್ಷೇತ್ರ ಪ್ರದರ್ಶನವಾಗುತ್ತಿದ್ದ ಹಲವು ಚಿತ್ರಮಂದಿರಗಳು ಡಿ ಬಾಸ್ ಚಿತ್ರಕ್ಕೆ ಕೋಕ್ ಕೊಟ್ಟು ಸಾಹೋ ಪ್ರದರ್ಶಿಸಿದೆ.

ಇದು ಬಗೆಹರಿಯದ ಸಮಸ್ಯೆ

ಈ ಹಿಂದೆ ಬಾಹುಬಲಿ ಬಂದಾಗಲೂ ಇಂತಹ ಸಮಸ್ಯೆ ಎದುರಾಗಿತ್ತು. ಕಬಾಲಿ ಬಂದಾಗಲೂ ಆಗಿತ್ತು. ಕಾಲ ಚಿತ್ರ ಬಂದಾಗಲೂ ಇಂತಹದ್ದೇ ಸಮಸ್ಯೆ ಈಗ ಸಾಹೋ ಚಿತ್ರ ಬಂದಾಗಲೇ ಮತ್ತದೇ ಸಮಸ್ಯೆ. ಮುಂದಿನ ದಿನಗಳಲ್ಲು ಇಂತಹ ಸಂಕಷ್ಟ ಎದುರಾಗುತ್ತೆ. ಆಗಲೂ, ಕನ್ನಡ ಇಂಡಸ್ಟ್ರಿ ಸುಮ್ಮನೆ ಕೂತಿರುತ್ತೆ.