Click it and Unblock the Notifications
Don't Miss!
-
HMD ಪಲ್ಸ್ ಸರಣಿ ಅಡಿಯಲ್ಲಿ 3 ಹೊಸ ಸ್ಮಾರ್ಟ್ಫೋನ್ ಲಾಂಚ್! ಫೀಚರ್ಸ್ ಏನಿವೆ? -
Tamannaah Bhatia: ಮಿಲ್ಕಿ ಬ್ಯೂಟಿ ತಮನ್ನಾಗೆ ಮುಂಬೈ ಸೈಬರ್ ಪೊಲೀಸರಿಂದ ಸಮನ್ಸ್.!-ಕಾರಣ ಏನು? -
ವಿಮಾನದಂತಹ ಸೌಲಭ್ಯ ಹೊಂದಿರುವ ವಂದೇ ಭಾರತ್ ಸರಣಿ ರೈಲುಗಳು ಶೀಘ್ರ ಬರಲಿವೆ.. ಆರಾಮದಾಯಕ ಪ್ರಯಾಣ! -
April 25 Gold Rate: ಇಂದಿನ ಚಿನ್ನದ ಬೆಲೆ, ಬೆಂಗಳೂರಿನಲ್ಲಿ ದರ ಎಷ್ಟಿದೆ ತಿಳಿಯಿರಿ -
ಬೆಳ್ಳುಳ್ಳಿ ಕಬಾಬ್ ಅಂದುಕೊಂಡ್ರಾ? ಇದು ಚಿಕನ್ ರುಚಿಯ ಹೂವಿನ ಫ್ರೈ..! -
2009ರ ಐಪಿಎಲ್ ಫೈನಲ್ನಲ್ಲಿ ಆರ್ಸಿಬಿ ಸೋಲಲು ಕಾರಣ ತಿಳಿಸಿದ ಅನಿಲ್ ಕುಂಬ್ಳೆ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಆಗಸ್ಟ್ 1 ರಿಂದ ಚಿತ್ರಮಂದಿರಗಳು ಓಪನ್: ದಟ್ಟ ಸಾಧ್ಯತೆ
ಕೊರೊನಾ ಜೊತೆಗೆ ಜೀವಿಸುವುದು ಕಲಿಯಬೇಕಿದೆ ಎಂದು ಸರ್ಕಾರವೇ ಹೇಳುತ್ತಿದೆ. ಹಾಗಾಗಿ ಕೊರೊನಾ ಉಚ್ರಾಯದಲ್ಲಿದ್ದರೂ ಲಾಕ್‌ಡೌನ್ ಗೆ ಕೈಹಾಕುತ್ತಿಲ್ಲ ಸರ್ಕಾರಗಳು, ಬದಲಿಗೆ ಹಂತಹಂತವಾಗಿ ಅನ್ಲಾಕ್ ಮಾಡಲಾಗುತ್ತಿದೆ.
Recommended Video
ಕೊರೊನಾ ದಿಂದಾಗಿ ಭಾರಿ ದೊಡ್ಡ ಪೆಟ್ಟು ತಿಂದಿದ್ದು ಚಿತ್ರೋದ್ಯಮ. ಚಿತ್ರೀಕರಣ, ಚಿತ್ರಮಂದಿರಗಳು ದೇಶದಾದ್ಯಂತ ಅಧಿಕೃತ ಲಾಕ್‌ಡೌನ್ ಘೋಷಣೆಗೆ ಮುನ್ನವೇ ಸ್ಥಗಿತಗೊಳಿಸಲಾಗಿತ್ತು.
ಬಹುತೇಕ ಉದ್ಯಮಗಳು ನಿಯಮಗಳನ್ವಯ ಪುನರ್‌ಪ್ರಾರಂಭವಾಗಿದೆಯಾದರೂ ಚಿತ್ರಮಂದಿರಗಳು ಮಾತ್ರ ಇನ್ನೂ ತೆರೆಯಲಾಗಿರಲಿಲ್ಲ. ಚಿತ್ರಮಂದಿರಗಳ ಮಾಲೀಕರು ಬಹುದೊಡ್ಡ ಆರ್ಥಿಕ ಪೆಟ್ಟು ತಿಂದಿದ್ದರು, ಆದರೆ ಈಗ ಭರವಸೆಯ ಬೆಳಕೊಂದು ಕಾಣಿಸಿಕೊಂಡಿದ್ದು, ಚಿತ್ರಮಂದಿರಗಳು ತೆರೆಯುವ ಮುನ್ಸೂಚನೆ ದೊರೆತಿದೆ.
ಆಗಸ್ಟ್ 1 ರಿಂದ ಚಿತ್ರಮಂದಿರಗಳು ಓಪನ್!
ನಂಬಲರ್ಹವಾದ ಮೂಲಗಳ ಪ್ರಕಾರ ಅನ್ಲಾಕ್ 3.0 ಭಾಗವಾಗಿ ಆಗಸ್ಟ್ 1 ರಿಂದ ಚಿತ್ರಮಂದಿರಗಳು ತೆರೆಯಲು ಅನುಮತಿ ನೀಡಲಾಗುತ್ತದೆಯಂತೆ. ಆದರೆ ಕೆಲವು ನಿಯಮಗಳನ್ನು ಸಹ ವಿಧಿಸಲಾಗುತ್ತದೆಯಂತೆ. ಆಗಸ್ಟ್ 1 ರಿಂದಲೇ ಚಿತ್ರಮಂದಿರ ತೆರೆಯಲು ಅನುಮತಿ ನೀಡಲಾಗುತ್ತದೆಯೇ? ಅಥವಾ ಎಂದಿನಿಂದ ಚಿತ್ರಮಂದಿರ ತೆರೆಯಬಹುದು ಎಂಬ ಮಾಹಿತಿಯನ್ನು ಆಗಸ್ಟ್ 1 ರಿಂದ ನೀಡಲಾಗುತ್ತದೆಯೇ ಎಂಬ ಬಗ್ಗೆ ತುಸು ಅಸ್ಪಷ್ಟತೆ ಇದೆ.
ಜಿಮ್ ಮತ್ತು ಚಿತ್ರಮಂದಿರ ತೆರೆಯಲು ಉತ್ಸುಕವಾಗಿದೆ ಸರ್ಕಾರ
ಕೇಂದ್ರ ಸರ್ಕಾರವು ಚಿತ್ರಮಂದಿರಗಳು, ಜಿಮ್ ಅನ್ನು ತೆರೆಯಲು ಅನುಮತಿ ನೀಡಲು ಉತ್ಸುಕವಾಗಿದೆ. ಆದರೆ ಕಠಿಣವಾದ ನಿಯಮಗಳನ್ನು ವಿಧಿಸಲಾಗುತ್ತದೆಯಂತೆ. ಆದರೆ ಮೆಟ್ರೋ ಸಂಚಾರ ಮತ್ತು ಶಾಲೆಗಳನ್ನು ತೆರೆಯಲು ಅನುಮತಿ ನೀಡಲಾಗುವುದಿಲ್ಲ ಎನ್ನಲಾಗಿದೆ.
ಜುಲೈ 24 ರಂದು ನಡೆದಿದ್ದ ಸಭೆಯಲ್ಲಿ ಶಿಫಾರಸ್ಸು
ಜುಲೈ 24 ರಂದು ಸಿಐಐ ಮಾಧ್ಯಮ ಸಮಿತಿಯೊಂದಿಗೆ ನಡೆದ ಸಿನಿಮಾ ಉದ್ಯಮ ಮಾತುಕತೆಯಲ್ಲಿ ಐಬಿ ಸಚಿವಾಲಯದ ಕಾರ್ಯದರ್ಶಿ ಅಮಿತ್ ಖರೆ, ದೇಶದಾದ್ಯಂತ ಸಿನಿಮಾ ಹಾಲ್‌ಗಳನ್ನು ಮತ್ತೆ ತೆರೆಯಲು ಆಗಸ್ಟ್ 1ರಿಂದ ಅನುಮತಿ ನೀಡಬಹುದು. ಅಥವಾ ಕಡೇಪಕ್ಷ ಆಗಸ್ಟ್ 31ರ ವೇಳೆಗಾದರೂ ಅವಕಾಶ ಕೊಡಬಹುದು ಎಂದು ಶಿಫಾರಸು ಮಾಡಿರುವುದಾಗಿ ಹೇಳಿದ್ದರು.
ಸಾಲಿನ ನಡುವೆ ಅಂತರ
ಮೊದಲ ಸಾಲಿನಲ್ಲಿ ಒಂದರ ನಂತರ ಒಂದು ಸೀಟ್‌ನಲ್ಲಿ ಕುಳಿತುಕೊಳ್ಳಲು ಹಾಗೂ ಅದರ ನಂತರದ ಸಾಲನ್ನು ಖಾಲಿ ಬಿಡುವ ಮೂಲಕ ಸಿನಿಮಾ ಪ್ರದರ್ಶನಕ್ಕೆ ಅವಕಾಶ ನೀಡಬಹುದು. ದೇಶದಾದ್ಯಂತ ಇದೇ ಕ್ರಮವನ್ನು ಅನುಸರಿಸಬಹುದು ಎಂದು ಮಾಹಿತಿ ಮತ್ತು ಪ್ರಸಾರ ಸಚಿವಾಲಯ ಗೃಹ ಇಲಾಖೆಗೆ ನೀಡಿದ ಶಿಫಾರಸ್ಸಿನಲ್ಲಿ ಹೇಳಿದೆ.
