ಮುಖಪುಟ

ಸಿನಿ ಸಮಾಚಾರ

ಬ್ಯಾಂಕ್ ಗಳ ಮುಂದೆ ರಶ್ಶೋ ರಶ್ಶು... ಥಿಯೇಟರ್ ಮಾತ್ರ ಖಾಲಿ ಖಾಲಿ.. ಇದು ಭಾರತದ ಮೂಲೆ ಮೂಲೆಯಲ್ಲೂ ನಿನ್ನೆಯಿಂದ ಕಂಡುಬರುತ್ತಿರುವ ಚಿತ್ರಣ.

ದಿಢೀರ್ ಅಂತ 500, 1000 ಮುಖ ಬೆಲೆಯ ನೋಟ್ ಗಳನ್ನು ಬ್ಯಾನ್ ಮಾಡಿರುವುದರಿಂದ, ಎಲ್ಲರೂ ನೋಟುಗಳನ್ನು ಬದಲಿಸಿಕೊಳ್ಳುವ ಆತುರದಲ್ಲಿದ್ದಾರೆ. ಕೆಲವರಿಗಂತೂ ಇದೇ ದೊಡ್ಡ ಟೆನ್ಷನ್ ಆಗ್ಬಿಟ್ಟಿದೆ. ಸಹಜವಾಗಿ ಎಲ್ಲಾ ಬ್ಯಾಂಕ್ ಗಳ ಮುಂದೆ ಕ್ಯೂ ಕಿಲೋಮೀಟರ್ ಗಟ್ಟಲೆ ಇದೆ. ಹೀಗಿರುವಾಗ, ಸಿನಿಮಾ ನೋಡುವ ಮೂಡ್ ನಲ್ಲಿ ಯಾರಿದ್ದಾರೆ ಸ್ವಾಮಿ.? ನೋಡುವ ಇಚ್ಛೆ ಇದ್ದರೂ ಚೇಂಜ್ ಎಲ್ಲಿದೆ.? [ಬೆಂಗಳೂರಿನಲ್ಲಿ ಬೆಳ್ಳಂ ಬೆಳಗ್ಗೆ ಬ್ಯಾಂಕ್ ಮುಂದೆ ಮೈಲುದ್ದ ಕ್ಯೂ]

ಜನಸಾಮಾನ್ಯರ ನಾಡಿಮಿಡಿತ ಹಿಡಿದಿರುವ ಗಾಂಧಿನಗರದ ನಿರ್ಮಾಪಕರು ಈ ವಾರ ಯಾವುದೇ ಚಿತ್ರವನ್ನೂ ಬಿಡುಗಡೆ ಮಾಡಿಲ್ಲ. ಇಂದು (ನವೆಂಬರ್ 11) ಬಿಡುಗಡೆ ಆಗಬೇಕಿದ್ದ 'ಜಾನ್ ಜಾನಿ ಜನಾರ್ಧನ್' ಮತ್ತು 'ರಿಕ್ತ' ಚಿತ್ರಗಳ ರಿಲೀಸ್ ಪೋಸ್ಟ್ ಪೋನ್ ಆಗಿದೆ.

'ಚಿಲ್ಲರೆ ಸಮಸ್ಯೆ' ಎದುರಾಗಿರುವ ಕಾರಣ ಈಗಾಗಲೇ ಬಿಡುಗಡೆ ಆಗಿರುವ ಚಿತ್ರಗಳನ್ನ ವೀಕ್ಷಿಸಲೂ ಪ್ರೇಕ್ಷಕರು ಬರುತ್ತಿಲ್ಲ. ಬಹುತೇಕ ಎಲ್ಲಾ ಥಿಯೇಟರ್ ಗಳೂ ಖಾಲಿ ಹೊಡೆಯುತ್ತಿವೆ.

ಶುಕ್ರವಾರ ಹೌಸ್ ಫುಲ್ ಆಗ್ಬೇಕಿದ್ದ ಥಿಯೇಟರ್ ಗಳಲ್ಲಿ ಕೇಳೋರೇ ಇಲ್ಲ. ಆದ್ರೆ, ಬ್ಯಾಂಕ್ ಗಳು ಮಾತ್ರ ತುಂಬಿ ತುಳುಕುತ್ತಿವೆ.