ಕನ್ನಡ ಇಂಡಸ್ಟ್ರಿಯಲ್ಲಿ ಮೂವರ ಬಳಿ ದುಬಾರಿ ಲಂಬೋರ್ಗಿನಿ ಕಾರ್ ಇದೆ.!

ಪುನೀತ್ ಬಳಿ ಇರು ಕಾರು ಯಾವುದು

ಈಗ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಖರೀದಿ ಮಾಡಿರುವ ಕಾರು ಲಂಬೋರ್ಗಿನಿ ಉರುಸ್. ಶೋ ರೂಂ ಬೆಲೆ 3 ಕೋಟಿ ಇದೆ. ನೀಲಿ ಬಣ್ಣದ ಕಾರನ್ನ ಅಪ್ಪು ಖರೀದಿಸಿದ್ದು, ಡೋರ್ ಪಕ್ಕಕ್ಕೆ ತೆರೆದುಕೊಳ್ಳುತ್ತೆ. ಈ ಕಾರಿನಲ್ಲಿ ಡೋರ್ ಓಪನ್ ಮಾಡುವುದರಿಂದ ಹಿಡಿದು ಗೇರ್, ವಿಂಡೋ ಎಲ್ಲವೂ ಆಟೋಮೆಟಿಕ್ ನಿಂದ ಕೂಡಿದೆ.

ದರ್ಶನ್ ಬಳಿಯೂ ಲಂಬೋರ್ಗಿನಿ ಇದೆ

ಇದಕ್ಕೂ ಮುಂಚೆ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರ ಕೂಡ ಲಂಬೋರ್ಗಿನಿ ಕಾರು ಖರೀದಿಸಿದ್ದರು. ಬಿಳಿ ಬಣ್ಣದ ಕಾರು ಡಿ ಬಾಸ್ ಬಳಿ ಇದ್ದು, ಇದು ಲ್ಯಾಂಬೋರ್ಗಿನಿ ಅವೆಂಟೆಡರ್ ಮಾಡಲ್ ಆಗಿದೆ. ಈ ಕಾರಿನ ಬೆಲೆ 5 ಕೋಟಿ. ಈ ಕಾರಿನಲ್ಲೂ ಬಹುತೇಕ ಎಲ್ಲ ಆಟೋಮೆಟಿಕ್.

ಸಿಎಂ ಪುತ್ರನ ಬಳಿಯೂ ಇದೆ

ಈ ಲಂಬೋರ್ಗಿನಿ ಕಾರು ಸ್ಯಾಂಡಲ್ ವುಡ್ ಗೆ ಪರಿಚಿಯಿಸಿದ ಖ್ಯಾತಿ ಮುಖ್ಯಮಂತ್ರಿ ಕುಮಾರಸ್ವಾಮಿ ಅವರ ಪುತ್ರ ನಿಖಿಲ್ ಕುಮಾರ್ ಅವರಿಗೆ ಸಲ್ಲುತ್ತೆ. ಯಾಕಂದ್ರೆ, ಲಂಬೋರ್ಗಿನಿ ಮಾಡೆಲ್ ಬಳಸಿದ್ದು ಇವರೇ. ಕೆಂಪು ಬಣ್ಣದ ಲಂಬೋರ್ಗಿನಿ ಅವೆಂಟೆಡರ್ ಕಾರು ನಿಖಿಲ್ ಬಳಿ ಇತ್ತು.

ಇಂಡಸ್ಟ್ರಿಯಲ್ಲಿ ಹೆಚ್ಚುತ್ತಿದೆ ಲಂಬೋರ್ಗಿನಿ

ನಿಖಿಲ್ ಕುಮಾರ್, ದರ್ಶನ್, ಪುನೀತ್ ರಾಜ್ ಕುಮಾರ್ ಈಗ ಲಂಬೋರ್ಗಿನಿಗೆ ಒಡೆಯರಾಗಿದ್ದಾರೆ. ಬಹುಶಃ ಕಾರು ಕ್ರೇಜ್ ಇರುವ ಮತ್ತೆ ಕೆಲವು ಸ್ಟಾರ್ ಗಳು ಈ ಕಾರಿಗೆ ಮರುಳಾಗಿ ಕೊಂಡುಕೊಂಡರು ಅಚ್ಚರಿಯಿಲ್ಲ. ಬಟ್, ಸದ್ಯಕ್ಕೆ ಸ್ಯಾಂಡಲ್ ವುಡ್ ಇಂಡಸ್ಟ್ರಿಯಲ್ಲಿ ಲಂಬೋರ್ಗಿನಿ ಟಾಕ್ ಆಫ್ ದಿ ಟೌನ್ ಆಗಿದೆ.