'ಟಾಲಿವುಡ್ ಟ್ರೋಲ್'ಗಳ ವಿರುದ್ಧ ತೊಡೆ ತಟ್ಟಿ ನಿಂತ ಫಿಲ್ಮಿಬೀಟ್ ಕನ್ನಡ ಓದುಗರು

ತೆಲುಗು ಸಿನಿ'ಭಕ್ತ'ರು ಫೇಸ್ ಬುಕ್ ನಲ್ಲಿ ಮಾಡಿರುವ ಟ್ರೋಲ್ ಗಳನ್ನೆಲ್ಲ ನೋಡಿದ್ಮೇಲೆ, ''ಇವೆಲ್ಲ ಓದಿಯೂ ರಕ್ತ ಕುದಿಯದವನು ಕನ್ನಡಿಗನೇ ಅಲ್ಲ. ಇನ್ನು ಮುಂದೆ ನಯಾ ಪೈಸೆನೂ ಬೇರೆ ಭಾಷೆ ಸಿನಿಮಾ ನೋಡಲು ಹಾಕಲ್ಲ. ಕರ್ನಾಟಕದ ಮೇಲೆ ಆಣೆ'' ಅಂತ ಒನ್ಇಂಡಿಯಾ/ಫಿಲ್ಮಿಬೀಟ್ ಕನ್ನಡ ಓದುಗರೊಬ್ಬರು ಕಾಮೆಂಟ್ ಮಾಡಿದ್ದಾರೆ.

''ಕನ್ನಡಿಗರ ಹೋರಾಟ ಏನಿದ್ದರೂ ಕನ್ನಡ ವಿರೋಧಿಗಳ ವಿರುದ್ಧವೇ ಹೊರತು ಯಾವ ಭಾಷೆ ಅಥವಾ ಸಿನಿಮಾದ ವಿರುದ್ಧ ಅಲ್ಲ. ಇದು ತೆಲುಗಿನ ಬುದ್ಧಿಜೀವಿಗಳಿಗೆ ಅರ್ಥವಾಗುತ್ತಿಲ್ಲ'' ಎಂಬುದು ಮಹೇಶ್ ಎಂಬುವರ ಅಭಿಪ್ರಾಯ.

''ಕನ್ನಡಿಗರು ಪದೇ ಪದೇ ಘಾಸಿಗೊಳಗಾಗುತ್ತಲೇ ಇದ್ದಾರೆ. ನಮ್ಮ ಸಹನೆಯನ್ನೇ ದೌರ್ಬಲ್ಯವೆಂದು ಅಪಾರ್ಥ ಮಾಡಿಕೊಂಡಿರುವ ಅನ್ಯಭಾಷಿಕರಿಗೆ ನಾವು ಒಗ್ಗಟ್ಟಾಗುವ ಮೂಲಕ ತಿರುಗೇಟು ನೀಡಬೇಕಿದೆ'' ಎಂದು ಕುಮಾರ್ ಕಾಮೆಂಟ್ ಮಾಡಿದ್ದಾರೆ.

''ಟ್ರೋಲ್ ಮಾಡುತ್ತಿರುವ ತೆಲುಗಿನವರು ಮೊದಲು 'ಬಾಹುಬಲಿ' ಯಾರು..? 'ಬಾಹುಬಲಿ' ಯಾವ ಚಿತ್ರದ ಕಥೆ..? ಅಂತ ತಿಳಿದುಕೊಳ್ಳಲಿ'' ಎಂದು ಕೆಲವರು ಬಾಣ ಬಿಟ್ಟಿದ್ದಾರೆ.

'ದೊಡ್ಡ ನಿರ್ಮಾಪಕರು ಎಂದು ಕರೆಯಿಸಿಕೊಳ್ಳುವವರು ತೆಲುಗು ಚಿತ್ರಗಳನ್ನ ವಿತರಣೆ ಮಾಡುತ್ತಾರೆ. ಈಗಲಾದರೂ ಅಂತಹ ವಿತರಕರು ಬುದ್ಧಿ ಕಲಿಯಬೇಕು'' ಅಂತಾರೆ ಸ್ವಾಭಿಮಾನಿ ಕನ್ನಡಿಗ ಮುರಳಿ.

''ಬಾಹುಬಲಿ' ಚಿತ್ರ ಬಿಡುಗಡೆ ಆಗಲು ಬಿಡಬಾರದು. ಪರಭಾಷಾ ಚಿತ್ರಗಳನ್ನ ಕರ್ನಾಟಕದಲ್ಲಿ ಬ್ಯಾನ್ ಮಾಡಬೇಕು'' ಎನ್ನುವ ಕಾಮೆಂಟ್ ಗಳೇ ಹೆಚ್ಚು.

''ನಮಗೂ ಟ್ರೋಲ್ ಮಾಡೋದು ಗೊತ್ತಿದೆ. ಆದ್ರೆ, ಎಲ್ಲ ಭಾಷೆಯ ಜನರನ್ನ ನಾವು ಗೌರವಿಸುತ್ತೇವೆ'' ಅಂತ ವಿಕಾಸ್ ನಲ್ಲೂರ್ ಎಂಬುವರು 'ಟ್ರೋಲ್ ಟಾಲಿವುಡ್'ಗೆ ನೇರವಾಗಿ ತಿರುಗೇಟು ನೀಡಿದ್ದಾರೆ.

''ಈ ಸಲ 'ಬಾಹುಬಲಿ' ಬ್ಯಾನ್ ಆದ್ರೇನೇ ಉಳಿದವರಿಗೆ ಬುದ್ಧಿ ಬರೋದು. ಏನೇ ಆಗಲಿ ರಿಲೀಸ್ ಆಗೋಕೆ ಬಿಡಬಾರ್ದು'' ಎಂಬುದು ಕೆಲವರ ಅಭಿಪ್ರಾಯ.

''ಬಾಹುಬಲಿ' ಡೈರೆಕ್ಟರ್ ರಾಜಮೌಳಿ ಕರ್ನಾಟಕದಲ್ಲಿ ಹುಟ್ಟಿ ಬೆಳೆದವರು'' ಎಂದು ಕನ್ನಡಿಗರು ತೆಲುಗಿನವರಿಗೆ ನೆನಪಿಸಿದ್ದಾರೆ.

ಟಾಲಿವುಡ್ ಮಂದಿಯ ಟ್ರೋಲ್ ವಿರುದ್ಧ ತೊಡೆ ತಟ್ಟಿ ನಿಂತು ಕನ್ನಡಿಗರು ಮಾಡಿರುವ ಕಾಮೆಂಟ್ ಗಳು ಒಂದೆರಡಲ್ಲ.