ಕಬಾಲಿ, ರೋಬೋ ದಾಖಲೆ ಬ್ರೇಕ್ ಮಾಡುವತ್ತಾ ಕೆಜಿಎಫ್ ಹೆಜ್ಜೆ.!

ಹಿಂದಿ ಡಬ್ ಸಿನಿಮಾಗಳಲ್ಲಿ ಕೆಜಿಎಫ್ 7ನೇ ಸ್ಥಾನ.!

ಹಿಂದಿಯಲ್ಲಿ ಡಬ್ ಆಗಿರುವ ಬೇರೆ ಭಾಷೆಯ ಚಿತ್ರಗಳ ಕಲೆಕ್ಷನ್ ಪಟ್ಟಿಯಲ್ಲಿ ಕೆಜಿಎಫ್ ಸಿನಿಮಾ ಏಳನೇ ಸ್ಥಾನ ಪಡೆದುಕೊಂಡಿದೆ. ಮೊದಲ ಸ್ಥಾನದಲ್ಲಿ ಬಾಹುಬಲಿ 2 (511ಕೋಟಿ), ಎರಡನೇ ಸ್ಥಾನದಲ್ಲಿ 2.0 (188 ಕೋಟಿ ನಾಟ್ ಔಟ್), ಮೂರನೇ ಸ್ಥಾನದಲ್ಲಿ ಬಾಹುಬಲಿ 1 (112 ಕೋಟಿ) ಗಳಿಸಿ ಟಾಪ್ ಮೂರರಲ್ಲಿದೆ. 12.1 ಕೋಟಿ ಗಳಿಸಿರುವ ಕೆಜಿಎಫ್ ಏಳನೇ ಸ್ಥಾನದಲ್ಲಿದೆ.

'ಕಬಾಲಿ' ದಾಖಲೆ ಬ್ರೇಕ್ ಮಾಡಬಹುದು

ಟಾಪ್ ಹತ್ತರ ಪಟ್ಟಿಯಲ್ಲಿ ರಜನಿಕಾಂತ್ ಅಭಿನಯದ ಕಬಾಲಿ (24 ಕೋಟಿ) ಸಿನಿಮಾ ನಾಲ್ಕನೇ ಸ್ಥಾನದಲ್ಲಿದೆ. ರಜನಿಯ ಇನ್ನೊಂದು ಸಿನಿಮಾ ಎಂಥಿರನ್ (22 ಕೋಟಿ) ಗಳಿಸಿ ಐದನೇ ಸ್ಥಾನದಲ್ಲಿದೆ. ಆರನೇ ಸ್ಥಾನದಲ್ಲಿ ಕಮಲ್ ಹಾಸನ್ ಅಭಿನಯದ ವಿಶ್ವರೂಪಂ (13.1ಕೋಟಿ) ಇದೆ. ಹಾಗ್ನೋಡಿದ್ರೆ, ಕೆಜಿಎಫ್ ಸಿನಿಮಾ ವಿಶ್ವರೂಪಂ ಚಿತ್ರವನ್ನ ಹಿಂದಿಕ್ಕುವುದು ಬಹುತೇಕ ಖಚಿತ. ಆದ್ರೆ, ತಲೈವಾ ಚಿತ್ರಗಳ ಹಿಂದಿಕ್ಕಲು ಟ್ರೈ ಮಾಡಬಹುದು.

24.1 ಕೋಟಿ ಗಳಿಸಬೇಕಿದೆ ಕೆಜಿಎಫ್

ರಜನಿಕಾಂತ್ ಚಿತ್ರಗಳ ದಾಖಲೆ ಮುರಿಯಬೇಕಾದರೇ, ಕೆಜಿಎಫ್ 24.1ಕೋಟಿ ಗಳಿಸಬೇಕಿದೆ. ಸದ್ಯದ ಯಶಸ್ಸು ನೋಡ್ತಿದ್ರೆ ಬಹುಶಃ ಗಳಿಸಬಹುದು ಎಂಬ ನಿರೀಕ್ಷೆ ಇದೆ. ಆದ್ರೆ, ಎರಡನೇ ವಾರಾಂತ್ಯಕ್ಕೆ ಕೆಜಿಎಫ್ ಕಲೆಕ್ಷನ್ ಹೇಗಿರುತ್ತೆ ಎಂಬುದರ ಮೇಲೆ ಇದು ನಿರ್ಣಯವಾಗಲಿದೆ.

ಕಮಲ್ ಹಾಸನ್ ಚಿತ್ರ ಮೀರಿಸಿದ ಕೆಜಿಎಫ್

ಕಮಲ್ ಹಾಸನ್ ನಟನೆಯ ಇಂಡಿಯನ್ ಸಿನಿಮಾ 12 ಕೋಟಿ ಗಳಿಸಿತ್ತು. ಈ ದಾಖಲೆಯನ್ನ ಕೆಜಿಎಫ್ ಬ್ರೇಕ್ ಮಾಡಿದೆ. ಇದಕ್ಕೂ ಮುಂಚೆ ಶಂಕರ್ ನಿರ್ದೇಶನದ ಐ ಸಿನಿಮಾ 11.5 ಕೋಟಿ ಕಲೆಕ್ಷನ್ ಮಾಡಿತ್ತು. ಆ ಚಿತ್ರವನ್ನ ಕೆಜಿಎಫ್ ಹಿಂದಿಕ್ಕಿದೆ. ಕೊನೆಯದಾಗಿ ರಾಮ್ ಗೋಪಾಲ್ ವರ್ಮಾ ನಿರ್ದೇಶನದ 'ಬಾಂಬೆ' ಸಿನಿಮಾ 10 ಕೋಟಿ ಗಳಿಸಿ ಕೊನೆಯ ಸ್ಥಾನದಲ್ಲಿದೆ.