ಕ್ರಿಸ್‌ಮಸ್ ದಿನದಂದು ಭಾರತದಲ್ಲಿ ಅತಿಹೆಚ್ಚು ಗಳಿಸಿದ 5 ಚಿತ್ರಗಳು; 'ವೇದ' ಚಿತ್ರಕ್ಕೆ ಎಷ್ಟನೇ ಸ್ಥಾನ?

ಕ್ರಿಸ್‌ಮಸ್ ದಿನದ ಗಳಿಕೆಯಲ್ಲಿ ಅವತಾರ್ ಟಾಪ್

ಇನ್ನು ಮೇಲ್ಕಂಡ ಚಿತ್ರಗಳು ಈ ವಾರ ಬಿಡುಗಡೆಯಾಗಿದ್ದರೂ ಸಹ ಕ್ರಿಸ್‌ಮಸ್ ದಿನದಂದು ( ಡಿಸೆಂಬರ್ 25 ) ಭಾರತದಲ್ಲಿ ಅತಿಹೆಚ್ಚು ಗಳಿಕೆ ಮಾಡಿದ ಚಿತ್ರ ಎಂಬ ಹೆಗ್ಗಳಿಕೆಯನ್ನು ಅವತಾರ್ ದ ವೇ ಆಫ್ ವಾಟರ್ ತನ್ನದಾಗಿಸಿಕೊಂಡಿದೆ. ಹೌದು, ಕ್ರಿಸ್‌ಮಸ್ ಹಾಗೂ ಭಾನುವಾರದ ಬಿಡುವಿನಲ್ಲಿದ್ದ ಸಿನಿ ರಸಿಕರು ಡಿಸೆಂಬರ್ 25ರಂದು ಚಿತ್ರಮಂದಿರಗಳತ್ತ ಹೆಜ್ಜೆ ಹಾಕಿದ್ದು, ಹೆಚ್ಚು ಹಣವನ್ನು ಅವತಾರ್ ತೆಕ್ಕೆಗೆ ಹಾಕಿದ್ದಾರೆ. ಈ ದಿನದಂದು ಭಾರತದಲ್ಲಿ 36.25 ಕೋಟಿ ರೂಪಾಯಿ ಗ್ರಾಸ್ ಕಲೆಕ್ಷನ್ ಅನ್ನು ಮಾಡಿದೆ ಅವತಾರ್ ದ ವೇ ಆಫ್ ವಾಟರ್ ಚಿತ್ರ.

ವೇದ ಐದನೇ ಸ್ಥಾನದಲ್ಲಿ

ಇನ್ನು ಕ್ರಿಸ್‌ಮಸ್ ವಿಶೇಷ ದಿನದಂದು ಭಾರತದಲ್ಲಿ ಅತಿಹೆಚ್ಚು ಗಳಿಕೆ ಮಾಡಿದ ಚಿತ್ರಗಳ ಪೈಕಿ ಶಿವ ರಾಜ್‌ಕುಮಾರ್ ಹಾಗೂ ಎ ಹರ್ಷ ಕಾಂಬಿನೇಶನ್‌ನ ವೇದ ಚಿತ್ರ ಐದನೇ ಸ್ಥಾನದಲ್ಲಿದೆ. ತನ್ನ ಮೂರನೇ ದಿನ 1.90 ಕೋಟಿ ರೂಪಾಯಿಗಳನ್ನು ಗಳಿಸಿದೆ ವೇದ ಚಿತ್ರ. ಇನ್ನು ವೇದ ಚಿತ್ರದ ಕತೆಗೆ ಕನ್ನಡ ಸಿನಿ ರಸಿಕರು ಫುಲ್ ಮಾರ್ಕ್ಸ್ ನೀಡಿದ್ದು, ಚಿತ್ರಕ್ಕೆ ಭರ್ಜರಿ ರೆಸ್ಪಾನ್ಸ್ ದೊರೆತಿದೆ. ಚಿತ್ರ ಮೊದಲ ಹಾಗೂ ಎರಡನೇ ದಿನಗಳಿಗಿಂತ ಮೂರನೇ ದಿನ ಹೆಚ್ಚು ಗಳಿಸಿದೆ.

ಅತಿಹೆಚ್ಚು ಗಳಿಸಿದ ಟಾಪ್ 5 ಚಿತ್ರಗಳು

ಕ್ರಿಸ್‌ಮಸ್ 2022ರಂದು ಭಾರತದಲ್ಲಿ ಅತಿಹೆಚ್ಚುಕಲೆಕ್ಷನ್ ಮಾಡಿದ ಚಿತ್ರಗಳ ಟಾಪ್ 5 ಪಟ್ಟಿ ಈ ಕೆಳಕಂಡಂತಿದೆ..

1. ಅವತಾರ್ ದ ವೇ ಆಫ್ ವಾಟರ್: 36.25 ಕೋಟಿ ಗ್ರಾಸ್ ಕಲೆಕ್ಷನ್

2. ಸರ್ಕಸ್ : 8.93 ಕೋಟಿ ಗ್ರಾಸ್ ಕಲೆಕ್ಷನ್

3. ಧಮಾಕಾ : 6.89 ಕೋಟಿ ಗ್ರಾಸ್ ಕಲೆಕ್ಷನ್

4. ದೃಶ್ಯಂ : 2.03 ಕೋಟಿ ಗ್ರಾಸ್ ಕಲೆಕ್ಷನ್

5. ವೇದ : 1.90 ಕೋಟಿ ಗ್ರಾಸ್ ಕಲೆಕ್ಷನ್