2022ರಲ್ಲಿ ಅತಿಹೆಚ್ಚು ಟಿಕೆಟ್ ಮಾರಾಟವಾದ 5 ಚಿತ್ರಗಳಿವು; ಸೌತ್ ಸಿನಿಮಾ ಅಬ್ಬರ, ಬಾಲಿವುಡ್ ತತ್ತರ!

ಅತಿಹೆಚ್ಚು ವೀಕ್ಷಿಸಲ್ಪಟ್ಟ ಚಿತ್ರ ಕೆಜಿಎಫ್ ಚಾಪ್ಟರ್ 2

ವಿಶ್ವದಾದ್ಯಂತ 1250 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿ ಈ ವರ್ಷ ಅತಿಹೆಚ್ಚು ಗಳಿಸಿದ ಭಾರತದ ಚಿತ್ರ ಎಂಬ ದಾಖಲೆಯನ್ನು ಬರೆದಿರುವ ಯಶ್ ಹಾಗೂ ಪ್ರಶಾಂತ್ ನೀಲ್ ಕಾಂಬಿನೇಶನ್‌ನ ಕೆಜಿಎಫ್ ಚಾಪ್ಟರ್ 2 ಚಿತ್ರ ಅತಿಹೆಚ್ಚು ಜನರಿಂದ ವೀಕ್ಷಿಸಲ್ಪಟ್ಟ ಚಿತ್ರ ಎಂಬ ದಾಖಲೆಯನ್ನೂ ಸಹ ಬರೆದಿದೆ. ಕೆಜಿಎಫ್ ಚಾಪ್ಟರ್ 2 ಚಿತ್ರವನ್ನು ಭಾರತದಲ್ಲಿ 5.1 ಕೋಟಿ ಜನರು ವೀಕ್ಷಿಸಿದ್ದಾರೆ. ಈ ಮೂಲಕ ಕೆಜಿಎಫ್ ಈ ಪಟ್ಟಿಯಲ್ಲಿ ಅಗ್ರಸ್ಥಾನವನ್ನು ಅಲಂಕರಿಸಿ ದಾಖಲೆ ಬರೆದಿದೆ. ಕನ್ನಡಿಗರು ನಿರ್ಮಿಸಿದ ಚಿತ್ರವೊಂದು ಇಷ್ಟರ ಮಟ್ಟಿಗೆ ಅಬ್ಬರಿಸಿದೆ ಎನ್ನುವುದು ಹೆಮ್ಮೆಯೇ ಸರಿ.

ಟಾಪ್ 5 ಪಟ್ಟಿ

ಈ ವರ್ಷ ಭಾರತದಲ್ಲಿ ಅತಿಹೆಚ್ಚು ಜನರಿಂದ ವೀಕ್ಷಿಸಲ್ಪಟ್ಟ ( ಟಿಕೆಟ್ ಮಾರಾಟ ) ಚಿತ್ರಗಳ ಟಾಪ್ 5 ಪಟ್ಟಿ ಈ ಕೆಳಕಂಡಂತಿದೆ..

1. ಕೆಜಿಎಫ್ ಚಾಪ್ಟರ್ 2 - 5.15 ಕೋಟಿ ಜನರಿಂದ ವೀಕ್ಷಣೆ ( ಟಿಕೆಟ್ ಮಾರಾಟ )

2. ಆರ್ ಆರ್ ಆರ್ - 4.43 ಕೋಟಿ ಜನರಿಂದ ವೀಕ್ಷಣೆ ( ಟಿಕೆಟ್ ಮಾರಾಟ )

3. ಪೊನ್ನಿಯಿನ್ ಸೆಲ್ವನ್ 1 - 2.17 ಕೋಟಿ ಜನರಿಂದ ವೀಕ್ಷಣೆ ( ಟಿಕೆಟ್ ಮಾರಾಟ )

4. ಕಾಂತಾರ - 2.08 ಕೋಟಿ ಜನರಿಂದ ವೀಕ್ಷಣೆ ( ಟಿಕೆಟ್ ಮಾರಾಟ )

5. ವಿಕ್ರಮ್ - 2.02 ಕೋಟಿ ಜನರಿಂದ ವೀಕ್ಷಣೆ ( ಟಿಕೆಟ್ ಮಾರಾಟ )

ಈ ಚಿತ್ರಗಳು ಭಾರತದಲ್ಲಿ ಗಳಿಸಿದ್ದೆಷ್ಟು?

ಭಾರತದಲ್ಲಿ ಅತಿಹೆಚ್ಚು ಜನರಿಂದ ವೀಕ್ಷಿಸಲ್ಪಟ್ಟ ಚಿತ್ರಗಳ ಟಾಪ್ 5 ಪಟ್ಟಿಯಲ್ಲಿ ಸ್ಥಾನ ಗಿಟ್ಟಿಸಿಕೊಂಡಿರುವ ಮೇಲ್ಕಂಡ ಐದು ಚಿತ್ರಗಳು ಭಾರತದಲ್ಲಿ ಎಷ್ಟು ಗಳಿಕೆ ಮಾಡಿವೆ ಎಂಬುದರ ಕುರಿತಾದ ಮಾಹಿತಿ ಈ ಕೆಳಕಂಡಂಗತಿದೆ.

1. ಕೆಜಿಎಫ್ ಚಾಪ್ಟರ್ 2 - 1026 ಕೋಟಿ

2. ಆರ್ ಆರ್ ಆರ್ - 922 ಕೋಟಿ

3. ಕಾಂತಾರ - 359 ಕೋಟಿ

4. ಪೊನ್ನಿಯಿನ್ ಸೆಲ್ವನ್ 1 - 328 ಕೋಟಿ

5. ವಿಕ್ರಮ್ - 300 ಕೋಟಿ