ಚಿತ್ರಗಳು: ದಾಂಪತ್ಯ ಜೀವನಕ್ಕೆ ಕಾಲಿಟ್ಟ 'ಅಗ್ನಿ ಸಾಕ್ಷಿ' ನಟ ವಿಜಯ್ ಸೂರ್ಯ

ವಿಜಯ್ ಸೂರ್ಯ-ಚೈತ್ರಾ ಮದುವೆ

ಕುಟುಂಬಸ್ಥರು, ಬಂಧು-ಮಿತ್ರರು ಹಾಗೂ ಕಿರುತೆರೆ ಕಲಾವಿದರ ಸಮ್ಮುಖದಲ್ಲಿ ಇಂದು ನಟ ವಿಜಯ್ ಸೂರ್ಯ-ಚೈತ್ರಾ ಮದುವೆ ಶಾಸ್ತ್ರೋಕ್ತವಾಗಿ ನೆರವೇರಿತು. ಹೊಸ ಜೀವನಕ್ಕೆ ಕಾಲಿಟ್ಟ ಈ ಜೋಡಿಗೆ ಶುಭಾಶಯಗಳ ಮಹಾಪೂರವೇ ಹರಿದು ಬರುತ್ತಿದೆ.

ಯಾರೀ ಚೈತ್ರಾ.?

ನಟ ವಿಜಯ್ ಸೂರ್ಯ ಕುಟುಂಬಕ್ಕೆ ಚೈತ್ರಾ ದೂರದ ಸಂಬಂಧಿ. ಸಾಫ್ಟ್ ವೇರ್ ಎಂಜಿನಿಯರ್ ಆಗಿರುವ ಚೈತ್ರಾ ಮತ್ತು ವಿಜಯ್ ಸೂರ್ಯ ಫ್ಯಾಮಿಲಿ ನಡುವೆ 9 ವರ್ಷಗಳಿಂದ ಪರಿಚಯ ಇದೆ. ಈ ಒಂಬತ್ತು ವರ್ಷಗಳಲ್ಲಿ ಚೈತ್ರಾ ರವರನ್ನು ವಿಜಯ್ ಸೂರ್ಯ ಭೇಟಿ ಮಾಡಿರುವುದು ಕೇವಲ ಎರಡು ಬಾರಿ.

ಅಮ್ಮನ ಮೆಚ್ಚುಗೆಯಂತೆ ಮದುವೆ

ಹಾಗ್ನೋಡಿದ್ರೆ, ಚೈತ್ರಾ ಅವರನ್ನು ಮೆಚ್ಚಿ ಮದುವೆ ಫಿಕ್ಸ್ ಮಾಡಿದ್ದು ವಿಜಯ್ ಸೂರ್ಯ ತಾಯಿ. ಜಾತಕ ಕೂಡಿ ಬಂದ ಕಾರಣ ಅಮ್ಮನ ಇಚ್ಛೆಗೆ ತಕ್ಕ ಹಾಗೆ ಚೈತ್ರಾ ಕೊರಳಿಗೆ ವಿಜಯ್ ಸೂರ್ಯ ತಾಳಿ ಕಟ್ಟಿದ್ದಾರೆ.

ಸಮಸ್ಯೆ ಬರಲ್ಲ.!

ಚೈತ್ರಾ ಅವರಿಗಿನ್ನೂ 23 ವರ್ಷ ವಯಸ್ಸು. ಆದರೂ ಪ್ರಬುದ್ಧವಾಗಿ ಚೈತ್ರಾ ಯೋಚಿಸುವುದರಿಂದ ತಮ್ಮ ವೃತ್ತಿಗೆ ತೊಡಕು ಉಂಟಾಗಲ್ಲ, ಗಾಸಿಪ್ ಗಳಿಂದ ತಮ್ಮ ಫ್ಯಾಮಿಲಿಗೆ ಯಾವುದೇ ಸಮಸ್ಯೆ ಆಗಲ್ಲ ಅಂತಾರೆ ವಿಜಯ್ ಸೂರ್ಯ.