ಧಾರಾವಾಹಿಗಳ ಚಿತ್ರೀಕರಣ ಮತ್ತೆ ಬಂದ್: ಆದರೆ ಆತಂಕ ಬೇಡ

ಒಂದು ವಾರ ಲಾಕ್‌ಡೌನ್ ಘೋಷಣೆ ಆಗಿದೆ

ಸರ್ಕಾರ ಹಾಗೂ ಕೆಲವು ಜಿಲ್ಲೆಗಳ ಜಿಲ್ಲಾಧಿಕಾರಿಗಳು ಕೊರೊನಾ ಸೋಂಕು ತಡೆಗಟ್ಟಲು ಒಂದು ವಾರಗಳ ಲಾಕ್‌ಡೌನ್ ವಿಧಿಸಿರುವ ಕಾರಣ ಅವಶ್ಯಕ ವಸ್ತುಗಳ ಮಾರಾಟ ಹೊರತಾಗಿ ಇನ್ನಾವುದೇ ಕಾರ್ಯ ಮಾಡುವಂತಿಲ್ಲ. ಹಾಗಾಗಿ ಚಿತ್ರೀಕರಣ ಸಹ ಬಂದ್ ಆಗಲಿದೆ.

ಜೊತೆ-ಜೊತೆಯಲಿ ಧಾರಾವಾಹಿ ಚಿತ್ರೀಕರಣ ಇಲ್ಲ

ಕನ್ನಡ ಪಿಲ್ಮೀಬೀಟ್ ಜೊತೆಗೆ ಮಾತನಾಡಿದ ಜೊತೆ-ಜೊತೆಯಲಿ ಧಾರಾವಾಹಿಯ ನಾಯಕ ಅನಿರುದ್, 'ಜೊತೆ-ಜೊತೆಯಲಿ' ಧಾರಾವಾಹಿಯ ಚಿತ್ರೀಕರಣ ಒಂದು ವಾರಗಳ ಕಾಲ್ ಸ್ಥಗಿತಗೊಳಿಸಲಾಗಿದೆ ಎಂದು ಹೇಳಿದ್ದಾರೆ.

ಒಂದು ತಿಂಗಳಿಗಾಗುವಷ್ಟು ಎಪಿಸೋಡ್‌ಗಳಿವೆ!

ಆದರೆ ಜೊತೆ-ಜೊತೆಯಲಿ ಧಾರಾವಾಹಿ ತಂಡದ ಬಳಿ ಮುಂದಿನ ಒಂದು ವಾರಗಳ ಕಾಲ ಪ್ರದರ್ಶನ ಮಾಡುವಷ್ಟು ಚಿತ್ರೀಕರಣ ಮಾಡಿಟ್ಟುಕೊಂಡಿರುವ ಎಪಿಸೋಡ್‌ಗಳು ಇವೆಯಂತೆ. ಪರಿಸ್ಥಿತಿ ಗಂಭೀರವಾಗಿದ್ದ ಕಾರಣ ಮೊದಲೇ ಯೋಜಿಸಿ ಹೆಚ್ಚಿನ ಎಪಿಸೋಡ್‌ಗಳನ್ನು ಚಿತ್ರೀಕರಣ ಮಾಡಿಟ್ಟುಕೊಂಡಿದ್ದೇವೆ ಎಂದರು ಅನಿರುದ್.

ಹಲವು ಧಾರಾವಾಹಿಗಳು ಚಿತ್ರೀಕರಣ ಮಾಡಿಟ್ಟುಕೊಂಡಿವೆ

ಆದರೆ ಎಲ್ಲಾ ಧಾರಾವಾಹಿಗಳ ಬಳಿಯೂ ಹೆಚ್ಚಿನ ಎಪಿಸೋಡ್ ಬ್ಯಾಂಕ್ ಇದೆ ಎನ್ನುವಂತಿಲ್ಲ. ಸಾಮಾನ್ಯವಾಗಿ ಎರಡು-ಮೂರು ಎಪಿಸೋಡ್‌ ಹೆಚ್ಚಿಗೆ ಶೂಟ್ ಮಾಡಿಟ್ಟುಕೊಳ್ಳುತ್ತಾರೆ. ಈ ಬಾರಿ ಲಾಕ್‌ಡೌನ್ ಘೋಷಣೆ ಮಾಡುವ ಮೂರು ದಿನ ಮುನ್ನ ಎಚ್ಚರಿಕೆ ಕೊಟ್ಟಿದ್ದರಿಂದ ಬಹುತೇಕ ಧಾರಾವಾಹಿ ತಂಡಗಳು ಹೆಚ್ಚಿನ ಎಪಿಸೋಡ್‌ಗಳನ್ನು ಚಿತ್ರೀಕರಿಸಿಕೊಂಡಿವೆ.