Don't Miss!
- News ಉಕ್ರೇನ್ ವಿರುದ್ಧ ರಷ್ಯಾ ಗಂಭೀರ ಆರೋಪ!
- Lifestyle ಯೇಸುವನ್ನು ಶಿಲುಬೆಗೆ ಹಾಕಿದ ದಿನವನ್ನು ಗುಡ್ ಪ್ರೈಡೇ ಎಂದು ಹೇಳುವುದೇಕೆ?
- Sports RR vs DC: ಅವೇಶ್ ಖಾನ್, ರಿಯಾನ್ ಪರಾಗ್ ಶೈನ್; ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ರಾಜಸ್ಥಾನ್ ರಾಯಲ್ಸ್ ವಿನ್
- Automobiles ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕನ್ನಡದ 'ವರಲಕ್ಷ್ಮಿ'ಗೆ ರಜನಿ ಚಿತ್ರದಲ್ಲಿ ನಾಯಕಿಯಾಗುವ ವರ ಸಿಕ್ಕಿದೆ.!
'ಕಾಲಾ' ಚಿತ್ರದ ನಂತರ ಸೂಪರ್ ಸ್ಟಾರ್ ರಜನಿಕಾಂತ್ ಅಭಿನಯಿಸಲಿರುವ ಹೊಸ ಸಿನಿಮಾ ಘೋಷಣೆಯಾಗಿದೆ. ಯುವ ನಿರ್ದೇಶಕ ಕಾರ್ತಿಕ್ ಸುಬ್ಬರಾಜು ತಲೈವಾ ಅವರ ಹೊಸ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳಲಿದ್ದಾರೆ.
ಈ ಚಿತ್ರಕ್ಕೆ ನಾಯಕಿ ಯಾರಾಗಬಹುದು ಎಂಬ ಕುತೂಹಲ ಅಭಿಮಾನಿಗಳನ್ನ ಕಾಡುತ್ತಿತ್ತು. ಇದೀಗ, ರಜನಿ ಜೊತೆಯಲ್ಲಿ ತೆರೆಹಂಚಿಕೊಳ್ಳುವ ಅವಕಾಶ ಇಬ್ಬರು ಯುವನಟಿಯರಿಗೆ ಸಿಕ್ಕಿದೆ.
ಅದರಲ್ಲಿ ಒಬ್ಬರು ಕನ್ನಡ ಸಿನಿಮಾದಲ್ಲಿ ನಟಿಸಿದ್ದ ಯುವ ನಟಿ. ಈಕೆಗೆ ಇದು ಮೊದಲ ತಮಿಳು ಸಿನಿಮಾ ಹಾಗೂ ಸೂಪರ್ ಸ್ಟಾರ್ ಜೊತೆಯಲ್ಲೂ ಮೊದಲ ಚಿತ್ರವಾಗಲಿದೆ. ಹಾಗಿದ್ರೆ, ರಜನಿಕಾಂತ್ ಜೊತೆಯಲ್ಲಿ ನಟಿಸಿರುವ ಆ 'ವರಲಕ್ಷ್ಮಿ' ಯಾರು.? ಮುಂದೆ ಓದಿ....
ಕನ್ನಡದ 'ವರಲಕ್ಷ್ಮಿ'ಗೆ ಬಿಗ್ ಪ್ರಾಜೆಕ್ಟ್
2016ರಲ್ಲಿ ತೆರೆಕಂಡಿದ್ದ 'ನಾನು ಮತ್ತು ವರಲಕ್ಷ್ಮಿ' ಚಿತ್ರದ ಮೂಲಕ ಸ್ಯಾಂಡಲ್ ವುಡ್ ಗೆ ಪ್ರವೇಶ ಮಾಡಿದ್ದ ಮಾಳವಿಕಾ ಮೋಹನನ್ ಈಗ ಸೂಪರ್ ಸ್ಟಾರ್ ಚಿತ್ರಕ್ಕೆ ನಾಯಕಿಯಾಗಿ ಆಯ್ಕೆಯಾಗಿದ್ದಾರಂತೆ. ಇದು ತಮಿಳಿನಲ್ಲಿ ಮಾಳವಿಕಾ ಮೋಹನನ್ ಅಭಿನಯಿಸುತ್ತಿರುವ ಚೊಚ್ಚಲ ಸಿನಿಮಾವಾಗಲಿದೆ.
ಮಲಯಾಳಂ ಬೆಡಗಿ
ಮಾಳವಿಕಾ ಮೋಹನನ್ ಮೂಲತಃ ಮಲಯಾಳಂ ನಟಿ. ಇದುವರೆಗೂ ಮೂರು ಮಲಯಾಳಂ ಚಿತ್ರ ಮಾಡಿರುವ ಮಾಳವಿಕಾ ಕನ್ನಡದಲ್ಲಿ ಒಂದು ಸಿನಿಮಾ ಮಾಡಿದ್ದಾರೆ. ಈಗ ರಜನಿ ಚಿತ್ರದ ಮೂಲಕ ಕಾಲಿವುಡ್ ಗೂ ಎಂಟ್ರಿ ಕೊಡ್ತಿದ್ದಾರೆ. ತೆಲುಗಿನಲ್ಲಿ ಸಿನಿಮಾ ಮಾಡಿಲ್ಲ. ಹಿಂದಿಯಲ್ಲೂ ಒಂದು ಸಿನಿಮಾ ಮಾಡಿದ್ದಾರೆ.
ಇನ್ನೊಬ್ಬ ನಾಯಕಿ ತ್ರಿಷಾ
ಅಂದ್ಹಾಗೆ, ರಜನಿಕಾಂತ್ ಚಿತ್ರದಲ್ಲಿ ಇಬ್ಬರು ನಟಿಯರು. ಒಬ್ಬರು ಮಾಳವಿಕಾ ಮೋಹನನ್. ಇನ್ನೊಬ್ಬರು ಬಹುಭಾಷಾ ನಟಿ ತ್ರಿಷಾ. ತ್ರಿಷಾಗೆ ಇದು ತಲೈವಾ ಜೊತೆಯಲ್ಲಿ ಮೊಟ್ಟ ಮೊದಲ ಸಿನಿಮಾ. ರಜನಿಕಾಂತ್ ಜೊತೆಯಲ್ಲಿ ಅಭಿನಯಿಸಬೇಕಿತ್ತು ಎಂಬುದು ತ್ರಿಷಾ ಅವರ ಕನಸಾಗಿತ್ತು. ಇದು ಈಗ ಈಡೇರಿದೆ.
ದೊಡ್ಡ ತಾರಬಳಗ ಹೊಂದಿದೆ
ರಜನಿಕಾಂತ್ ಜೊತೆಯಲ್ಲಿ ತಮಿಳು ನಟ ವಿಜಯ್ ಸೇತುಪತಿ, ಸಿಮ್ರಾನ್, ಬಾಬಿ ಸಿಂಹ, ಸನತ್ ರೆಡ್ಡಿ ಮತ್ತು ಮೇಘ ಆಕಾಶ ಮುಖ್ಯ ಭೂಮಿಕೆಯಲ್ಲಿ ನಟಿಸುತ್ತಿದ್ದಾರೆ. ಬಾಲಿವುಡ್ ಸ್ಟಾರ್ ನವಾಜ್ಜುದ್ದೀನ್ ಸಿದ್ಧಿಕಿ ಕೂಡ ಚಿತ್ರದ ವಿಶೇಷ ಪಾತ್ರವೊಂದರಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.