ಸೇಲ್ಸ್ ಮ್ಯಾನ್ ಆಗಿದ್ದ ವಿಜಯ್ ಸೇತುಪತಿ ಸ್ಟಾರ್ ಆಗಿಬಿಟ್ರು!

ಚಿತ್ರರಂಗಕ್ಕೆ ಬಂದಿದ್ದು ಹಣ ಸಂಪಾದನೆಗಾಗಿ

ಬಿ ಕಾಮ್ ಮುಗಿಸಿದ್ದ ವಿಜಯ್ ಸೇತುಪತಿ ಹಣಗಳಿಸಲು ಸಿನಿಮಾರಂಗಕ್ಕೆ ಬಂದರು. ಬಡತನದಲ್ಲಿ ಬೆಳೆದ ಅವರಿಗೆ ದುಡ್ಡು ಮಾಡುವ ಗುರಿ ಅಷ್ಟೇ ಇತ್ತು. ಚಿತ್ರರಂಗಕ್ಕೆ ಬಂದರೆ ಹೆಚ್ಚು ಹಣ ಗಳಿಸಬಹುದು ಎಂದು ತಿಳಿದುಕೊಂಡಿದ್ದರಂತೆ. ಆದರೆ, ನಂತರ ಅದು ತಪ್ಪು ಎನ್ನುವ ಅರಿವಾಯಿತಂತೆ.

ಬೇರೆ ಬೇರೆ ಕೆಲಸಗಳು

ಡಿಗ್ರಿ ಬಳಿಕ ವಿಜಯ್ ಸೇತುಪತಿ ಸೇಲ್ಸ್ ಮನ್ ಆಗಿ ಕೆಲಸ ಮಾಡುತ್ತಿರು. ಬಳಿಕ ಸ್ನೇಹಿತರ ಜೊತೆ ಸೇರಿ ಬ್ಯುಸಿನೆಸ್ ಶುರು ಮಾಡಿದರು. ಬ್ಯುಸಿನೆಸ್ ಮಾಡುವ ಸಮಯದಲ್ಲಿ ಸ್ನೇಹಿತರ ನಡುವೆ ಭಿನ್ನಾಭಿಪ್ರಾಯ ಬಂದು ಅದನ್ನು ಅಲ್ಲಿಗೆ ನಿಲ್ಲಿಸಿದಂತೆ. ಅನೇಕ ಸಣ್ಣ ಪುಟ್ಟ ಕೆಲಸಗಳ ನಂತರ ಶುರು ಆಗಿದ್ದೇ ಸಿನಿಮಾ.

ಸಣ್ಣ ಸೀನ್ ಮಾಡುವಾಗಲು ಭಯ

ಹಿಂದೆಯೇ ಕೇಳಿದ ಹಾಗೆ ವಿಜಯ್ ಸೇತುಪತಿ ಸಿನಿಮಾಗೆ ಬಂದಿದ್ದು, ಹಣದ ಅವಶ್ಯಕತೆ ಇದ್ದ ಕಾರಣ. ಅವರಿಗೆ ಚಿತ್ರರಂಗದಲ್ಲಿ ಯಾರೂ ಗೊತ್ತಿರುವುವರು ಇರಲಿಲ್ಲ. ಬ್ಯಾಗ್ರಾಂಡ್ ಇಲ್ಲದ ಬೆಳೆವಣಿಗೆ ಅವರದ್ದು. ಹೀಗೆ ಇರುವಾಗ ಮೊದ ಮೊದಲು ಸಣ್ಣ ಪುಟ್ಟ ಪಾತ್ರ ಮಾಡಲು ಶುರು ಮಾಡಿದರು. ಧಾರಾವಾಹಿಗಳಲ್ಲಿಯೂ ಬಣ್ಣ ಹಚ್ಚಿದರು. ಒಮ್ಮೆ ಒಂದು ಸೀನ್ ಮಾಡುವಾಗ ತುಂಬ ಭಯ ಪಟ್ಟರಂತೆ. ಕ್ಯಾಮರಾ ಮುಂದೆ ಹೆದರುತ್ತಿದ್ದರಂತೆ.

ಸಿನಿಮಾ ಬಗ್ಗೆ ಪ್ರೀತಿ

ಸಾಲ ಮಾಡಿಕೊಂಡು, ದುಡ್ಡಿನ ಅಗತ್ಯ ಇರುವ ಕಾರಣ ಸಿನಿಮಾದಲ್ಲಿ ನಟಿಸಲು ಶುರು ಮಾಡಿದ ವಿಜಯ್ ಸೇತುಪತಿ ಬರು ಬರುತ್ತ ಸಿನಿಮಾವನ್ನು ಪ್ರೀತಿಸಲು ಶುರು ಮಾಡಿದರು. ಸಿನಿಮಾ ಹಾಗೂ ನಟನೆಯ ಮಹತ್ವ ತಿಳಿದುಕೊಂಡರು. ತಮ್ಮ ನಟನೆ ಕಡೆಗೆ ಗಮನ ಕೊಟ್ಟು ಹಂತ ಹಂತವಾಗಿ ಬೆಳೆದರು.

25 ಸಿನಿಮಾಗಳಲ್ಲಿ ನಟನೆ

2010ರಲ್ಲಿ ಮೊದಲ ಬಾರಿಗೆ ಲೀಡ್ ರೋಲ್ ನಲ್ಲಿ ಕಾಣಿಸಿಕೊಂಡ ವಿಜಯ್ ಸೇತುಪತಿ ಈವರೆಗೆ 25 ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಸಾಲು ಸಾಲು ಕಷ್ಟಗಳ ನಂತರ ಒಬ್ಬ ನಟನಾಗಿ ನಿಂತಿದ್ದಾರೆ. ಒಳ್ಳೆ ಒಳ್ಳೆಯ ಪಾತ್ರಗಳಲ್ಲಿ ನಟಿಸುತ್ತಿದ್ದಾರೆ. ಎಲ್ಲದಕ್ಕಿಂತ ಹೆಚ್ಚಾಗಿ ಭಾಷೆಯ ಬೇದ ಇಲ್ಲದೆ ಜನ ಅವರನ್ನು ಪ್ರೀತಿಸುತ್ತಿದ್ದಾರೆ.