''ಬರಿ ರೀಮೇಕ್ ಮಾಡ್ತೀರಾ ಯಾಕೆ'' ಎಂದಿದ್ದಕ್ಕೆ ಉಪೇಂದ್ರ ಹೇಳಿದ್ದೇನು ಗೊತ್ತಾ.?

ಡಬ್ಬಿಂಗ್ ಓಕೆ, ರೀಮೇಕೆ ಯಾಕೆ ಬೇಡ.?

ರೀಮೇಕ್ ಬಗ್ಗೆ ಉಪೇಂದ್ರ ಭಕ್ತರು ಕೇಳಿದ್ದ ಪ್ರಶ್ನೆಗೆ ಉತ್ತರಿಸಿದ ಉಪೇಂದ್ರ, ಅವರನ್ನ ಮತ್ತೆ ಪ್ರಶ್ನಿಸಿದ್ದಾರೆ. ''ಡಬ್ಬಿಂಗ್ ಬೇಕು ಅಂತಾರೆ, ರೀಮೇಕ್ ಬೇಡ ಅಂತಾರೆ. ಬೇರೆ ಭಾಷೆಯ ಚಿತ್ರಗಳು ಡಬ್ ಆಗಿ ಬರಬಹುದು. ಆದ್ರೆ, ರೀಮೇಕ್ ಆಗಿ ಬರಬಾರದು ಎನ್ನುವುದು ಎಷ್ಟು ಸರಿ.?'' ಎಂದು ಪ್ರಶ್ನಿಸಿದ್ದಾರೆ.

ರೀಮೇಕ್ ಮಾಡೋದು ಸರಿ ಅಂದ್ರಾ ಉಪ್ಪಿ.!

ನಾನು ಕೇಳುವ ಪ್ರಶ್ನೆಯಲ್ಲಿ ಉತ್ತರ ನೀಡುವ ಪ್ರಯತ್ನ ಮಾಡಿದ್ದೀನಿ, ಸರಿಯಾಗಿ ಯೋಚನೆ ಮಾಡಿ ನೋಡಿ ಎಂದು ಸುಳಿವು ನೀಡಿದ್ದ ಉಪೇಂದ್ರ, ರೀಮೇಕ್ ಮಾಡೋದನ್ನ ಸಮರ್ಥಿಸಿಕೊಂಡಿದ್ದಾರೆ ಎನ್ನಬಹುದು. ''ಬೇರೆ ಕಲಾವಿದರು, ಬೇರೆ ನಿರ್ಮಾಪಕರು ಮಾಡಿದ ಚಿತ್ರವನ್ನ ಕನ್ನಡ ಭಾಷೆ ಬಳಸಿ ತರಬಹುದು, ರೀಮೇಕ್ ಮಾಡಿದ್ರೆ ಬೇಡ ಅಂತಾರೆ'' ಎಂದಿರುವುದರ ಅರ್ಥ, ಡಬ್ಬಿಂಗ್ ಗಿಂತ ರೀಮೇಕ್ ಮಾಡುವುದು ಉತ್ತಮ ಎಂಬ ಅರ್ಥ ನೀಡುತ್ತಿರಬಹುದು.

ಡಬ್ಬಿಂಗ್ ಬಗ್ಗೆ ಉಪ್ಪಿ ಅಭಿಪ್ರಾಯ.?

ಇನ್ನು ಕನ್ನಡದಲ್ಲಿ ಡಬ್ಬಿಂಗ್ ಬೇಕಾ ಅಥವಾ ಬೇಡ ಎಂಬ ಪ್ರಶ್ನೆಗೆ ಉತ್ತರಿಸಿದ ಉಪೇಂದ್ರ ಅವರು, 'ಬೇರೆ ಎಲ್ಲ ಭಾಷೆಗಳ ಚಿತ್ರಗಳು ಬರಿ ಡಬ್ಬಿಂಗ್ ಮೂಲಕವೇ ಕರ್ನಾಟಕದಲ್ಲಿ ಬರಬೇಕಾ ಅಥವಾ ಪರಭಾಷೆಯಲ್ಲೂ ತೆರೆಕಂಡು, ಕನ್ನಡದಲ್ಲೂ ಡಬ್ ಆಗಿ ಬರಬೇಕಾ...? ಎಂದು ಪ್ರಶ್ನಿಸಿದ್ದಾರೆ. ಎರಡನೇ ಆಯ್ಕೆ ಗಮನಿಸಿದ್ರೆ, ಪರಭಾಷೆಯಲ್ಲೂ ಬಂದು, ಕನ್ನಡದಲ್ಲೂ ಡಬ್ಬಿಂಗ್ ಆಗಿ ಬಂದ್ರೆ ನಮ್ಮ ಕನ್ನಡ ಸಿನಿಮಾಗೆ ಸಮಸ್ಯೆಯಾಗಲ್ವಾ.? ಎಂದಿದ್ದಾರೆ.

ಡಬ್ಬಿಂಗ್ ವಿರೋಧಿಸಿದ್ರಾ ಉಪ್ಪಿ.?

ಉಪೇಂದ್ರ ಅವರ ಈ ಮಾತುಗಳನ್ನ ಗಮನಿಸಿದ್ರೆ ಡಬ್ಬಿಂಗ್ ಗೆ ಪರೋಕ್ಷವಾಗಿ ವಿರೋಧ ವ್ಯಕ್ತಪಡಿಸಿದ್ದಾರೆ ಎಂಬ ಕುತೂಹಲ ಇಲ್ಲಿ ಕಾಡುತ್ತೆ. ಯಾಕಂದ್ರೆ, ಡಬ್ಬಿಂಗ್ ಮಾಡೋದಾದರೇ, ಪರಭಾಷೆಯಲ್ಲಿ ಸಿನಿಮಾ ಬರಬಾರದು ಎಂಬುದು ಉಪ್ಪಿ ವಾದ. ಪರಬಾಷೆಯಲ್ಲೂ ಸಿನಿಮಾ ಬರುತ್ತೆ ಎನ್ನುವುದಾದರೇ ಡಬ್ಬಿಂಗ್ ಬೇಡ ಬಿಡಿ ಎನ್ನುವುದು ರಿಯಲ್ ಸ್ಟಾರ್ ರಿಯಲ್ ಅಭಿಪ್ರಾಯ ಎನ್ನುವುದನ್ನ ಗಮನಿಸಬೇಕಾಗಿದೆ.