Don't Miss!
- Technology Airtel & Noise: ಇನ್ಮುಂದೆ ಏರ್ಟೆಲ್ ಪೇಮೆಂಟ್ ಬ್ಯಾಂಕ್ ಸ್ಮಾರ್ಟ್ವಾಚ್ನದ್ದೇ ಹವಾ! ಟ್ಯಾಪ್-ಟು-ಪೇ ಫೀಚರ್ಸ್..
- Finance ಬಾಬಾ ರಾಮ್ದೇವ್ಗೆ ಖುದ್ದು ಹಾಜರಾಗುವಂತೆ ಖಡಕ್ ಸೂಚನೆ ನೀಡಿದ ಸುಪ್ರೀಂ ಕೋರ್ಟ್
- News Bengaluru Peripheral Ring Road: 73 ಕಿಲೋ ಮೀಟರ್ ಯೋಜನೆಗೆ ಬಿಡ್ ಮಾಡಿದ್ದು ಕೇವಲ ಒಂದೇ ಕಂಪನಿ .!-ವೆಚ್ಚ ಎಷ್ಟು?
- Lifestyle ಈರುಳ್ಳಿ ಹಾಕದೆ 3 ಪದಾರ್ಥ ಹಾಕಿ 5 ನಿಮಿಷದಲ್ಲಿ ಚಟ್ನಿ ಮಾಡಬಹುದು.! ಇಲ್ಲಿದೆ ರೆಸಿಪಿ
- Automobiles ಭರ್ಜರಿ ಮೈಲೇಜ್, ಬಹುಬೇಡಿಕೆಯ ಮಾರುತಿ ಕಾರಿನ ಮೇಲೆ ಭರ್ಜರಿ ಡಿಸ್ಕೌಂಟ್
- Sports ಜೆರ್ಸಿ ನಂ.18, ವಿರಾಟ್ ಕೊಹ್ಲಿ ಜೊತೆಗಿನ ಹೋಲಿಕೆ ಬಗ್ಗೆ ಸ್ಮೃತಿ ಮಂಧಾನ ಹೇಳಿದ್ದೇನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ವೈರಲ್ ಪೋಸ್ಟರ್ ಬಗ್ಗೆ ಕೊನೆಗೂ ಮೌನಮುರಿದ ಉಪೇಂದ್ರ
ಉಪೇಂದ್ರ ಡೈರೆಕ್ಷನ್ ಸಿನಿಮಾದ ಹೆಸರು ಮತ್ತು ಫಸ್ಟ್ ಲುಕ್ ಎನ್ನಲಾದ ಪೋಸ್ಟರ್ವೊಂದು ಸೋರಿಕೆಯಾಗಿದ್ದು, ಎರಡು ದಿನಗಳಿಂದ ಸಾಮಾಜಿಕ ಜಾಲತಾಣದಲ್ಲಿ ಸಂಚಲನ ಸೃಷ್ಟಿಸುತ್ತಿದೆ. ಡೈರೆಕ್ಷನ್ ಚಿತ್ರದ ಬಗ್ಗೆ ಉಪೇಂದ್ರ ಅವರಿಂದ ಅಧಿಕೃತ ಪ್ರಕಟಣೆ ಆಗಿಲ್ಲ. ಆದರೂ ಈ ಪೋಸ್ಟರ್ ಹಾಗೂ ಶೀರ್ಷಿಕೆ ನಿಜ ಇರಬಹುದು ಎಂದು ಉಪ್ಪಿ ಅಭಿಮಾನಿಗಳು ಸಂಭ್ರಮಿಸುತ್ತಿದ್ದಾರೆ.
ಪಂಗನಾಮದ ಚಿಹ್ನೆ ಉಪೇಂದ್ರ ನಿರ್ದೇಶನದ ಚಿತ್ರಕ್ಕೆ ಟೈಟಲ್ ಎನ್ನುವ ವಿಚಾರ ಟ್ರೆಂಡ್ ಸೃಷ್ಟಿಸಿದೆ. ಈ ಹಿಂದೆ ಉಪ್ಪಿ ಮಾಡಿದ್ದ ಚಿತ್ರಗಳ ಸಾಲಿಗೆ ಈ ಚಿತ್ರ ಸೇರಲಿದೆ ಎಂದು ಖುಷಿ ವ್ಯಕ್ತಪಡಿಸಿದ್ದಾರೆ.
ಹುಟ್ಟುಹಬ್ಬಕ್ಕೆ ಬ್ರೇಕ್ ಹಾಕಿದ ಉಪೇಂದ್ರ: ಡೈರೆಕ್ಷನ್ ಚಿತ್ರದ ಬಗ್ಗೆ ಬಾಯ್ಬಿಟ್ಟಿಲ್ಲ
ಟೈಟಲ್ ಬಗ್ಗೆ ನಾನಾ ಅರ್ಥಗಳನ್ನು ಕಲ್ಪಿಸಿಕೊಂಡ ಅಭಿಮಾನಿಗಳು ಅನೇಕ ರೀತಿಯಲ್ಲಿ ಅರ್ಥೈಸುತ್ತಿದ್ದಾರೆ. ನಮಗೆ ಹಳೆಯ ಉಪೇಂದ್ರ ಬೇಕು ಎಂದು ಆಗ್ರಹಿಸುತ್ತಿದ್ದಾರೆ. ಈ ಪೋಸ್ಟರ್ ನಿಜಾನ ಅಥವಾ ಈ ಟೈಟಲ್ ನಿಜಾನ ಎನ್ನುವ ಬಗ್ಗೆ ಪ್ರತಿಕ್ರಿಯಿಸದ ಉಪೇಂದ್ರ, ವೈರಲ್ ಆಗಿರುವ ಪೋಸ್ಟರ್ಗಳನ್ನು ಹಂಚಿಕೊಂಡು ಟ್ವೀಟ್ ಮಾಡಿದ್ದಾರೆ. ''ಜನ-ಅಸಮಾನ್ಯ'' ಎಂದು ಉಪ್ಪಿ ಟ್ವೀಟ್ ಮಾಡಿ ಪಾಸಿಟಿವ್ ಆಗಿ ಸ್ಪಂದಿಸಿದ್ದಾರೆ.
ಉಪೇಂದ್ರ ಅವರ ಈ ಪೋಸ್ಟ್ಗೆ ಅಭಿಮಾನಿಗಳು ಪ್ರತಿಕ್ರಿಯಿಸಿದ್ದು, ಕೆಲವು ಆಯ್ದಾ ಕಾಮೆಂಟ್ಗಳು ಇಲ್ಲಿದೆ...
''I - ನಾನು - ಕೆಂಪು ಬಣ್ಣ
U - ನೀನು - ಬಿಳಿ ಬಣ್ಣ
ನಿನ್ನೊಳಗೆ ಇರುವ ನಾನು ನಾನು ಎಂಬ ಅಹಂಭಾವ.
ನಾನು ಎಂಬ ಅಕ್ಷರ ಕೆಂಪು ಬಣ್ಣ ಇರುವ ಕಾರಣ, ಅದು ನಿನ್ನೊಳಗೆ ಕುದಿಯುತ್ತಿದೆ.
ಕೊನೆಗೆ ನಾನು ನಾನು ಎನ್ನುವುದು ಬಿಡು. ಅದು ನಾವು ಆಗಬೇಕು.
ಒಗಟ್ಟಿನಲ್ಲಿ ಬಲವಿದೆ'' ಎಂದು ಒಬ್ಬ ವ್ಯಕ್ತಿ ಕಾಮೆಂಟ್ ಮಾಡಿದ್ದಾರೆ.
''ನಾನು ಎಂಬುದೂ ಸುಳ್ಳು.
ನೀನು ಎಂಬುದೂ ಸುಳ್ಳು.
U&I ಭಾವಗಳು ಆತ್ಮದಲ್ಲಿ ಕರಗಬೇಕು.
ಅದೇ ಜಗತ್ತಿನ ಪರಮಸತ್ಯ.'' ಎಂದು ಮತ್ತೊಬ್ಬ ವ್ಯಕ್ತಿ ಟ್ವೀಟ್ ಮಾಡಿದ್ದಾರೆ.
ಉಪೇಂದ್ರ ಡೈರೆಕ್ಷನ್ ಸಿನಿಮಾ ಶೀರ್ಷಿಕೆ ಲೀಕ್: ರಚಿತಾ ರಾಮ್ ಟ್ರೋಲ್
''ನೀವು ಕೇವಲ ಬುದ್ಧಿವಂತರು ಅಂತ ನಿಮ್ಮ ಅಭಿಮಾನಿ ಆಗಿಲ್ಲ ಸರ್ ನಾನು.
ನೀವು ಉತ್ತಮ ಇಚ್ಛಾಶಕ್ತಿಯುಳ್ಳ ವ್ಯಕ್ತಿ ಅಂತ ನಾನು ನಿಮ್ಮನ್ನು ಇಷ್ಟಪಡ್ತೇನೆ.
ನಿಮ್ಮಲ್ಲಿರುವ ಪ್ರಜಾಕೀಯ ಇಚ್ಛಾಶಕ್ತಿಯೇ ಇದಕ್ಕೆ ಸಾಕ್ಷಿ.
ಇಚ್ಛಾಶಕ್ತಿಯಿಂದ ಅದ್ಭುತ ಕಾರ್ಯಗಳನ್ನು ಸಾಧಿಸಬಹುದು
ನೀವು ಸಾಧಿಸುತ್ತೀರಿ.
ಆ ನಂಬಿಕೆ ನಿಮ್ಮ ಅಭಿಮಾನಿಗಳಲ್ಲಿ ಬಲವಾಗಿದೆ'' ಎಂದು ಅಭಿಮಾನಿಯೊಬ್ಬ ಟ್ವೀಟ್ ಮಾಡಿದ್ದಾರೆ.
''ಸಿನಿಮಾ ಮಾಡ್ತೀರಾ ಇಲ್ವ ಹೇಳಿ ಸರ್
ಇಲ್ಲಿ ಕನ್ಫ್ಯೂಸ್ ಮಾಡಿ ತಲೆಗ ಹುಳ ಬಿಡ್ಬೇಡಿ'' ಎಂದು ಅಭಿಮಾನಿಯೊಬ್ಬ ಪ್ರಶ್ನಿಸಿದ್ದಾರೆ.
''I ಅನ್ನುವನ ಮನದಲ್ಲಿ U ಎನ್ನವನಿದ್ದಾಗ I ನ ಹ್ರದಯದಲ್ಲಿ U ನ ಮೇಲೆ ಹುಟ್ಟಿದ ಪ್ರೀತಿಯೆ I ಗೆ ಬೇಕಾದ ಪ್ರೀತಿ ಅನ್ನುವ ಸಂಶಯ U ಮತ್ತು I ಇಬ್ಬರಿಗೂ ಇಲ್ಲ ಅಲ್ವೇ'' ಎಂದು ಅಭಿಮಾನಿಯೊಬ್ಬ ವಿಶ್ಲೇಷಿಸಿದ್ದಾರೆ.
ಉಪೇಂದ್ರ ಹುಟ್ಟುಹಬ್ಬಕ್ಕೆ 'ಕಬ್ಜ' ಸರ್ಪ್ರೈಸ್
ಉಪೇಂದ್ರ ಹುಟ್ಟುಹಬ್ಬದ ಪ್ರಯುಕ್ತ ಕಬ್ಜ ಚಿತ್ರತಂಡ ವಿಶೇಷವಾದ ಟೀಸರ್ ರಿಲೀಸ್ ಮಾಡಲಿದೆ. ಕಬ್ಜ ಅಂಡರ್ವರ್ಲ್ಡ್ ಆಧರಿಸಿ ತಯಾರಾಗುತ್ತಿರುವ ಚಿತ್ರ. ರೆಟ್ರೋ ಶೈಲಿಯಲ್ಲಿ ಮೇಕಿಂಗ್ ಆಗುತ್ತಿರುವ ಚಿತ್ರ. ಉಪೇಂದ್ರ ನಾಯಕನಟನಾಗಿರುವ ಕಬ್ಜ ಚಿತ್ರದಲ್ಲಿ ಕಿಚ್ಚ ಸುದೀಪ್ 'ಭಾರ್ಗವ್ ಬಕ್ಷಿ' ಎಂಬ ಡಾನ್ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಈ ಚಿತ್ರಕ್ಕೆ ನಾಯಕಿ ಯಾರು ಎನ್ನುವುದು ಇದುವರೆಗೂ ಬಹಿರಂಗವಾಗಿಲ್ಲ. ಆದರೆ ದಕ್ಷಿಣ ಭಾರತದ ಖ್ಯಾತ ನಟಿಯೊಬ್ಬರು ಹೀರೋಯಿನ್ ಆಗಿ ನಟಿಸುವುದು ಮಾತ್ರ ಪಕ್ಕಾ. ಕೊರೊನಾದಿಂದ ವಿರಾಮ ತೆಗೆದುಕೊಂಡಿದ್ದ ಕಬ್ಜ ಸೆಪ್ಟೆಂಬರ್ 20ರಿಂದ ಶೂಟಿಂಗ್ ಶುರು ಮಾಡಲಿದೆ. 21ನೇ ತಾರೀಕಿನಿಂದ ಉಪೇಂದ್ರ ಪಾಲ್ಗೊಳ್ಳಲಿದ್ದಾರೆ.