ಮತ್ತೆ ಹಳೆ ಸ್ಟೈಲ್ ನಲ್ಲಿ ಬಂದ ರಿಯಲ್ ಸ್ಟಾರ್

ಈ ಪ್ರೀತಿ ಪ್ರೇಮ ಎಲ್ಲ ಪುಸ್ತಕದ ಬದನೆಕಾಯಿ ಎನ್ನುತ್ತಿದ್ದ ಉಪೇಂದ್ರ ಈಗ ಮತ್ತೆ ಲವ್'ನಲ್ಲಿ ಬಿದ್ದಿದ್ದಾರ? ಈ ಪ್ರೆಶ್ನೆ ಈಗ ಯಾಕೆ ಹುಟ್ಟುತ್ತಿರುವುದಕ್ಕೆ ಕಾರಣ ಉಪೇಂದ್ರ ಅಭಿನಯದ ಮುಂದಿನ ಸಿನಿಮಾ 'ಐ ಲವ್ ಯು'.

ಆರ್ ಚಂದ್ರು ನಿರ್ದೇಶನದ ನಟ ಉಪೇಂದ್ರ ಅಭಿನಯದ 'ಐ ಲವ್ ಯು' ಸಿನಿಮಾ' ಆರಂಭದಿಂದಲು ಸಾಕಷ್ಟು ಸದ್ದು ಮಾಡುತಿದೆ. ಈ ಚಿತ್ರದ ಟೀಸರ್ ನಿನ್ನೆ ಬಿಡುಗಡೆಯಾಗಿದ್ದು, ಚಿತ್ರದ ಬಗ್ಗೆ ಕುತೂಹಲ ಹೆಚ್ಚಿಸಿದೆ. ಟೀಸರ್ ನಲ್ಲಿ 'ಐ ಲವ್ ಯೂ' ಅರ್ಥವನ್ನು ಹೇಳಿದ್ದಾರೆ.

ಈ ಚಿತ್ರದ ಟೀಸರ್ 'ಎ' ಮತ್ತು 'ಉಪೇಂದ್ರ' ಚಿತ್ರವನ್ನು ನೆನಪಿಸುವಂತೆ ಇದ್ದು, ಉಪ್ಪಿ ಅಭಿಮಾನಿಗಳಿಗೆ ಸಾಕಷ್ಟು ಖುಷಿ ನೀಡಿದೆ. ಈಗಾಗಲೇ ಚಿತ್ರದ ಟೀಸರ್ ಅನ್ನು ಒಂದು ಲಕ್ಷಕ್ಕೂ ಹೆಚ್ಚು ಜನ ವೀಕ್ಷಿಸಿದ್ದು, ಉತ್ತಮ ಪ್ರತಿಕ್ರಿಯೆ ನೀಡಿದ್ದಾರೆ.

ಅಂದಹಾಗೆ, ಈ ಚಿತ್ರದ ನಾಯಕಿಯಾಗಿ ರಚಿತಾ ರಾಮ್ ಅಭಿನಯಿಸುತ್ತಿದ್ದು, ಮೊದಲ ಬಾರಿಗೆ ಉಪ್ಪಿ ಜೊತೆ ತೆರೆ ಹಂಚಿಕೊಂಡಿದ್ದಾರೆ.