'ಹೋಮ್ ಮಿನಿಸ್ಟರ್' ಟೈಟಲ್ ನಲ್ಲಿ ರಿಯಲ್ ಸ್ಟಾರ್ ಉಪೇಂದ್ರ ಹೊಸ ಸಿನಿಮಾ!

ಸರಳವಾಗಿ ಮುಹೂರ್ತ

ಉಪೇಂದ್ರ ಅವರ ಹೊಸ ಸಿನಿಮಾ 'ಹೋಮ್ ಮಿನಿಸ್ಟರ್' ಚಿತ್ರದ ಪೂಜೆ ಇಂದು ಬೆಂಗಳೂರಿನ ಆರ್ ಆರ್ ನಗರದ ಸುಬ್ರಮಣ್ಯ ಸ್ವಾಮಿ ದೇವಾಲಯದಲ್ಲಿ ಸರಳವಾಗಿ ನಡೆಯಿತು. ಕಾರ್ಯಕ್ರಮದಲ್ಲಿ ಉಪೇಂದ್ರ, ಪ್ರಿಯಾಂಕ ಉಪೇಂದ್ರ ಮತ್ತು ಚಿತ್ರತಂಡ ಭಾಗಿಯಾಗಿತ್ತು.

ತೆಲುಗು ನಿರ್ದೇಶಕ

ಉಪೇಂದ್ರ ಅವರ ಜೊತೆ 'ನಾಗಾರ್ಜುನ' ಎಂಬ ಸಿನಿಮಾ ಮಾಡುತ್ತಿರುವ ನಿರ್ಮಾಪಕರೇ ಈ ಚಿತ್ರಕ್ಕೂ ಬಂಡವಾಳ ಹಾಕಿದ್ದಾರೆ. ಈ ಚಿತ್ರದ ನಿರ್ದೇಶಕರ ಹೆಸರು ಇನ್ನೂ ಬಹಿರಂಗವಾಗಿಲ್ಲ. ಆದರೆ ನಿರ್ಮಾಪಕ ಮತ್ತು ನಿರ್ದೇಶಕರಿಬ್ಬರು ತೆಲುಗು ಮೂಲದವರಂತೆ.

ರಾಜಕೀಯದ ಕಥೆ ಇಲ್ಲ

'ಹೋಮ್ ಮಿನಿಸ್ಟರ್' ಸಿನಿಮಾದಲ್ಲಿ ರಾಜಕೀಯಕ್ಕೆ ಸಂಬಂಧಿಸಿದ ಕಥೆ ಇರುವುದಿಲ್ಲವಂತೆ. ಗಂಡನಿಗೆ ಹೆಂಡತಿಯೇ ಹೋಮ್ ಮಿನಿಸ್ಟರ್ ಆಗಿರುತ್ತಾರೆ ಎಂಬ ಕಾನ್ಸೆಪ್ಟ್ ಮೇಲೆ ಚಿತ್ರದ ಕಥೆ ಇದೆಯಂತೆ.

ಹೀರೋಯಿನ್ ಆಯ್ಕೆ ಆಗಿಲ್ಲ

ಉಪೇಂದ್ರ ಅವರ ಈ ಸಿನಿಮಾಕ್ಕೆ ಹಿರೋಯಿನ್ ಯಾರು ಎಂಬುದು ಇನ್ನೂ ಅಂತಿಮ ಆಗಿಲ್ಲ.

ಎರಡು ಭಾಷೆಯಲ್ಲಿ ಸಿನಿಮಾ

'ಹೋಮ್ ಮಿನಿಸ್ಟರ್' ಸಿನಿಮಾವನ್ನು ಕನ್ನಡ ಮತ್ತು ತೆಲುಗು ಭಾಷೆಯಲ್ಲಿ ಮಾಡುವ ಆಲೋಚನೆ ಇದೆ ಅಂತ ಹೇಳಲಾಗುತ್ತಿದೆ.