ಪ್ರಜಾಕೀಯ, ಪ್ರಜಾಕಾರಣ, ಪ್ರಜಾನೀತಿ ಅಂಶದಲ್ಲಿ ಉಪೇಂದ್ರ ಹೊಸ ಪಕ್ಷ

ಕಾರ್ಮಿಕರು ಬೇಕು

''ನಮಗೆ ಜನ ಸೇವಕರು ಬೇಡ, ಜನ ನಾಯಕರು ಬೇಡ, ನಮಗೆ ಕಾರ್ಮಿಕರು ಬೇಕು. ಅದಕ್ಕೆ ನಾನು ಖಾಕಿ ಬಟ್ಟೆ ಹಾಕಿಕೊಂಡು ಬಂದಿದ್ದೇನೆ. ಜನರ ತೆರಿಗೆ ದುಡ್ಡು ಪಾರದರ್ಶಕವಾಗಿ ಬಳಕೆ ಆಗಬೇಕು ಅಂತ ಈ ವೇದಿಕೆ ಮಾಡಿದ್ದೇವೆ.'' - ಉಪೇಂದ್ರ, ನಟ, ನಿರ್ದೇಶಕ.

1 ರೂಪಾಯಿ ಹಾಕೊಲ್ಲ.. 1 ರೂಪಾಯಿ ತಗೆಯೋಲ್ಲ

''ದುಡ್ಡು ಇಲ್ಲದೆ ಒಂದು ಪಕ್ಷ ಮಾಡುತ್ತಿದ್ದೇವೆ. ಇಲ್ಲಿ ಜಾತಿ, ಧರ್ಮ ಯಾವುದು ಇರುವುದಿಲ್ಲ. ನನಗೆ ಗೆಲುವು ಸೋಲು ಮುಖ್ಯ ಅಲ್ಲ.. ಎಲ್ಲರೂ ಬನ್ನಿ ಕೈ ಜೋಡಿಸಿ.'' - ಉಪೇಂದ್ರ, ನಟ, ನಿರ್ದೇಶಕ.

ಒಂದು ವೇದಿಕೆ ಶುರು ಮಾಡಿದ್ದೇವೆ

''ಸದ್ಯ ಒಂದು ವೇದಿಕೆ ಶುರು ಮಾಡಿದ್ದೇವೆ. ನಂತರ ಈ ಪಕ್ಷಕ್ಕೆ ಒಂದು ಹೆಸರು ಮತ್ತು ಚಿಹ್ನೆಯನ್ನು ಚುನಾವಣಾ ಆಯೋಗದಿಂದ ಪಡೆದುಕೊಳ್ಳುತ್ತೇವೆ. ಜೊತೆಗೆ ಮುಂದಿನ ಚುನಾವಣೆಯಲ್ಲಿ ಸ್ಪರ್ಧೆ ಮಾಡುತ್ತೇನೆ.'' - ಉಪೇಂದ್ರ, ನಟ, ನಿರ್ದೇಶಕ.

ನಿಮ್ಮ ಐಡಿಯಾ ಕಳಿಸಿ

''ನಾನು ಖಾಕಿ ಹಾಕಿದ್ದೇನೆ. ನನ್ನ ಜೊತೆ ಬರುವವರು ಖಾಕಿ ಹಾಕಿಕೊಂಡು ಬನ್ನಿ. ನಿಮ್ಮ ಐಡಿಯಾಗಳನ್ನು [email protected], [email protected] ಮತ್ತು [email protected] ಮೇಲ್ ಐಡಿಗೆ ಕಳುಹಿಸಿ.'' - ಉಪೇಂದ್ರ, ನಟ, ನಿರ್ದೇಶಕ.

ಆತ್ಮವಿಶ್ವಾಸ ಇದೆ

''ಒಳ್ಳೆಯದು ಆಗುತ್ತದೆ ಎನ್ನುವ ಆತ್ಮವಿಶ್ವಾಸದಿಂದ ಶುರು ಮಾಡಿದ್ದೇನೆ. ಎಲ್ಲರ ಜೊತೆ ಚರ್ಚೆ ಮಾಡಿ ಪಕ್ಷಕ್ಕೆ ಹೆಸರು ಚಿಹ್ನೆ ಇಡುತ್ತೇವೆ. ಎಲ್ಲರೂ ಬನ್ನಿ ಕೈ ಜೋಡಿಸಿ.'' - ಉಪೇಂದ್ರ, ನಟ, ನಿರ್ದೇಶಕ.