Don't Miss!
- Technology Earbuds: 2000 ರೂ. ಒಳಗೆ ಲಭ್ಯ ಇರುವ ಅತ್ಯುತ್ತಮ ಇಯರ್ಬಡ್ಸ್! ಸಖತ್ ಫೀಚರ್ಸ್...
- Finance mukesh ambaniಗೆ 67 ವರ್ಷ, ಅವರು ಹೊಂದಿರುವ ದುಬಾರಿ ವಸ್ತುಗಳು ಏನೇನು ಗೊತ್ತಾ?
- News Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಎರಡು ಸಲ ವಿವಾದ ಸೃಷ್ಟಿಸಿದ್ದ 'ಸೂಪರ್ ಸ್ಟಾರ್' ಟೈಟಲ್ ಬಗ್ಗೆ ಉಪೇಂದ್ರ ಹೇಳಿದ್ದೇನು?
ಕನ್ನಡ ಸಿನಿಮಾ ಇಂಡಸ್ಟ್ರಿಯಲ್ಲಿ ಉಪೇಂದ್ರ ಅವರನ್ನು ರಿಯಲ್ ಸ್ಟಾರ್, ಸೂಪರ್ ಸ್ಟಾರ್ ಎಂದು ಕರೆಯುತ್ತಾರೆ. 'ಸೂಪರ್ ಸ್ಟಾರ್' ಹೆಸರಿನಲ್ಲಿ ಉಪ್ಪಿ ಸಿನಿಮಾ ಸಹ ಮಾಡಿದ್ದಾರೆ. ಹಾಗಾಗಿ, ಸೂಪರ್ ಸ್ಟಾರ್ ಎನ್ನುವ ಟೈಟಲ್ ಉಪೇಂದ್ರ ಅವರು ಬಿಟ್ಟರೆ ಬೇರೆ ಯಾರೂ ಬಳಸುವಂತಿಲ್ಲ ಎಂದು ಅವರ ಅಭಿಮಾನಿಗಳು ಪ್ರತಿಭಟಿಸಿದ್ದರು.
Recommended Video
ಇದೀಗ, ಉಪೇಂದ್ರ ಅವರ ಸಹೋದರನ ಮಗ ನಿರಂಜನ್ ಸುಧೀಂದ್ರ ತಮ್ಮ ಚೊಚ್ಚಲ ಚಿತ್ರಕ್ಕೆ ಸೂಪರ್ ಸ್ಟಾರ್ ಎಂದು ಟೈಟಲ್ ಇಟ್ಟುಕೊಂಡಿದ್ದಾರೆ. ಸ್ವತಃ ಉಪ್ಪಿ ಅವರೇ ಈ ಟೈಟಲ್ ಬಗ್ಗೆ ಸಂತಸ ವ್ಯಕ್ತಪಡಿಸಿದ್ದಾರೆ. ಈ ವೇಳೆ ಸೂಪರ್ ಸ್ಟಾರ್ ಟೈಟಲ್ ವಿಚಾರಕ್ಕೆ ಸಂಬಂಧಿಸಿದಂತೆ ಆಗಿದ್ದ ವಿವಾದಗಳ ಬಗ್ಗೆ ಸಹ ಉಪ್ಪಿ ಮಾತನಾಡಿದ್ದಾರೆ. ಅಷ್ಟಕ್ಕೂ, ಸೂಪರ್ ಸ್ಟಾರ್ ಟೈಟಲ್ ವಿವಾದ ಏನಾಗಿತ್ತು? ಮುಂದೆ ಓದಿ....
ಜೆಕೆ 'ಸೂಪರ್ ಸ್ಟಾರ್' ಆದ್ರು: ಉಪೇಂದ್ರ ಅಭಿಮಾನಿಗಳು ರೊಚ್ಚಿಗೆದ್ರು.!
ದುನಿಯಾ ವಿಜಯ್ 'ಸೂಪರ್ ಸ್ಟಾರ್'
ಈ ಹಿಂದೆ ಮಾಸ್ತಿಗುಡಿ ಚಿತ್ರ ಮಾಡುತ್ತಿದ್ದ ವೇಳೆ ದುನಿಯಾ ವಿಜಯ್ ಅವರಿಗೆ ಸ್ಯಾಂಡಲ್ ವುಡ್ ಸೂಪರ್ ಸ್ಟಾರ್ ಎಂದು ಬಿರುದು ನೀಡಲಾಗಿತ್ತು. ಆದರೆ, ವಿಜಿ ಅವರಿಗೆ ಸೂಪರ್ ಸ್ಟಾರ್ ಎಂದು ಬಿರುದು ನೀಡಿದ್ದಕ್ಕೆ ಉಪೇಂದ್ರ ಅಭಿಮಾನಿಗಳು ವಿರೋಧ ವ್ಯಕ್ತಪಡಿಸಿದ್ದರು. ಕನ್ನಡ ಚಿತ್ರರಂಗದಲ್ಲಿ ಈಗಾಗಲೇ ಒಬ್ಬರು ಸೂಪರ್ ಸ್ಟಾರ್ ಇದ್ದಾರೆ. ಮತ್ತೊಬ್ಬ ನಟನಿಗೆ ಈ ಟೈಟಲ್ ನೀಡುವುದು ಸೂಕ್ತವಲ್ಲ ಎಂದು ಖಂಡಿಸಿದ್ದರು. ಬಳಿಕ, ವಿಜಯ್ ಹೆಸರಿನ ಹಿಂದೆ ನೀಡಲಾಗಿದ್ದ ಬಿರುದನ್ನು ಚಿತ್ರತಂಡ ತೆಗೆದು ಹಾಕಿದರು.
ಜೆಕೆ ಚಿತ್ರದಲ್ಲೂ ಸೂಪರ್ ಸ್ಟಾರ್
ಕಾರ್ತಿಕ್ ಜಯರಾಂ ಅಭಿನಯದ ಮೇ ಫಸ್ಟ್ ಚಿತ್ರದ ವೇಳೆ ಜೆಕೆ ಅವರಿಗೆ ಸೂಪರ್ ಸ್ಟಾರ್ ಎಂದು ಬಿರುದು ನೀಡಲಾಗಿತ್ತು. ಆ ಸಂದರ್ಭದಲ್ಲಿ ಉಪೇಂದ್ರ ಅವರ ಅಭಿಮಾನಿಗಳು ಖಂಡಿಸಿದರು. ಸೂಪರ್ ಸ್ಟಾರ್ ಟೈಟಲ್ ಯಾರಿಗೂ ನೀಡಬಾರದು. ಅದು ಉಪೇಂದ್ರ ಅವರಿಗೆ ಮಾತ್ರ ಸ್ವಂತ ಎಂದು ಪ್ರತಿಭಟಿಸಿದ್ದರು. ಈ ವಿಚಾರದಲ್ಲಿ ಜೆಕೆ ಸಹ ಸ್ಪಷ್ಟನೆ ನೀಡಿದ್ದರು.
ಅದೇ ಟೈಟಲ್ನಲ್ಲಿ ಸಿನಿಮಾ ಘೋಷಣೆ
ಹೀಗೆ, ಎರಡು ಬಾರಿ ವಿವಾದಕ್ಕೆ ಗುರಿಯಾಗಿದ್ದ ಸೂಪರ್ ಸ್ಟಾರ್ ಟೈಟಲ್, ಈಗ ಸಿನಿಮಾ ಆಗ್ತಿದೆ. ಉಪೇಂದ್ರ ಅವರ ಸಹೋದರನ ಮಗ ನಿರಂಜನ್ ಸುಧೀಂದ್ರ ಸ್ಯಾಂಡಲ್ ವುಡ್ ಪ್ರವೇಶ ಮಾಡ್ತಿದ್ದು, ತಮ್ಮ ಮೊದಲ ಚಿತ್ರಕ್ಕೆ ಸೂಪರ್ ಸ್ಟಾರ್ ಎಂದು ಶೀರ್ಷಿಕೆ ಇಟ್ಟಿದ್ದಾರೆ.
'ಸೂಪರ್ ಸ್ಟಾರ್' ಯಾರ ಟೈಟಲ್ಲೂ ಅಲ್ಲ
ಟೈಟಲ್ ಬಗ್ಗೆ ಮಾತನಾಡಿದ ಉಪೇಂದ್ರ ಅವರು ''ಸೂಪರ್ ಸ್ಟಾರ್ ಎನ್ನುವುದು ಯಾರದ್ದು ಅಲ್ಲ, ಸೂಪರ್ ಸ್ಟಾರ್ ಗಳು ಬರ್ತಾ ಇರ್ತಾರೆ, ಹೋಗ್ತಾ ಇರ್ತಾರೆ. ಅದು ಶಾಶ್ವತವಲ್ಲ. ಆದರೆ, ಅಭಿಮಾನಿಗಳು 'ಸರ್ ಈ ವಿಷಯಕ್ಕೆ ನೀವು ಬರಬೇಡಿ' ಅಂತಾರೆ. ಹೇಳಿದ್ರೆ ಅವರಿಗೆ ನೋವಾಗತ್ತೆ, ಹೇಳದೆ ಹೋದರೆ ಇನ್ನೊಬ್ಬರಿಗೆ ನೋವಾಗುತ್ತೆ. ಅದಕ್ಕೆ ಬಿಟ್ಟು ಬಿಟ್ಟಿದ್ದೀನಿ' ಎಂದು ಹೇಳಿ ಸಮರ್ಥಿಸಿಕೊಂಡರು.