ರಕ್ಷಿತಾ ಪ್ರೇಮ್ ಬಗ್ಗೆ ರವಿಚಂದ್ರನ್ ಅಭಿಮಾನಿಗಳು ಕೆಂಡಾಮಂಡಲ.!

ಪತ್ರದಲ್ಲಿ ಇರುವುದೇನು.?

''#ರವಿಚಂದ್ರನ್ ರವರಿಗೆ ಶ್ರೀಮಂತಿಕೆ, ತಂದೆ ವೀರಾಸ್ವಾಮಿ ಜೊತೆಗೆ ಸರಸ್ವತಿ ಪುತ್ರರಾದ ನಾದಬ್ರಹ್ಮ ಹಂಸಲೇಖರಿದ್ದರು. ಹಳೆಯ 'ಪ್ರೇಮಲೋಕ' ಸಿನಿಮಾ ಇತ್ತೀಚಿನ 'ಟಗರು' ಸಿನಿಮಾದಲ್ಲೂ ಕಥೆ ಇರಲಿಲ್ಲ. ಜನ ನೋಡಲಿಲ್ವಾ, 25 ವಾರ ಓಡಲಿಲ್ಲವಾ. ಕಥೆಯಿಲ್ಲದೆ ಓಡಿರೋ ನೂರಾರು ಸಿನಿಮಾ ಉದಾಹರಣೆ ಇಲ್ವಾ'' ಎಂದು ರಕ್ಷಿತಾ ಪ್ರೇಮ್ ಫೇಸ್ ಬುಕ್ ಅಕೌಂಟ್ ನಿಂದ ಪೋಸ್ಟ್ ಆಗಿರುವ ಪತ್ರದಲ್ಲಿ ಉಲ್ಲೇಖಿಸಲಾಗಿದೆ.

'ದಿ ವಿಲನ್' ಬಗ್ಗೆ ಉರ್ಕೊಂಡು ಗೇಲಿ ಮಾಡಿದವರಿಗೆ ರಕ್ಷಿತಾ ಪ್ರೇಮ್ ಬಹಿರಂಗ ಪತ್ರ.!

ಗರಂ ಆದ ವಿ.ರವಿಚಂದ್ರನ್ ಫ್ಯಾನ್ಸ್

''ಪ್ರೇಮಲೋಕದ ಸಿನಿಮಾ ಬಗ್ಗೆ ಮಾತನಾಡಲು ಯೋಗ್ಯತೆ ಇರಬೇಕು. ಕನ್ನಡ ಚಿತ್ರರಂಗದ ದಿಕ್ಕನ್ನು ಬದಲಿಸಿದ ಸಿನಿಮಾ ಪ್ರೇಮಲೋಕ. ಪ್ರೇಮಲೋಕ ಸಿನಿಮಾದ ಕಥೆ ಅರ್ಥವಾಗದಿದ್ದರೆ ಮತ್ತೊಮ್ಮೆ ನೋಡಿ ತಿಳಿದುಕೊಳ್ಳಿ. ಆದರೆ ಪ್ರೇಮಲೋಕದಲ್ಲಿ ಕಥೆ ಇಲ್ಲವೆಂದು ಹೇಳಬೇಡಿ. ಒಂದು ವರ್ಷ ಹೂಡಿದ ದಾಖಲೆ ಹಾಗೂ ಭಾರತೀಯ ಚಿತ್ರರಂಗ ಕನ್ನಡದ ಸಿನಿಮಾಗಳ ಕಡೆ ತಿರುಗಿ ನೋಡುವಂತೆ ಮಾಡಿದ ಸಿನಿಮಾ ಅದು ನಮ್ಮ ಪ್ರೇಮಲೋಕ'' ಎಂದು ವಿ.ರವಿಚಂದ್ರನ್ ಫ್ಯಾನ್ಸ್ ಫೇಸ್ ಬುಕ್ ನಲ್ಲಿ ರಕ್ಷಿತಾ ಪ್ರೇಮ್ ಗೆ ತಿರುಗೇಟು ಕೊಟ್ಟಿದ್ದಾರೆ.

'ದಿ ವಿಲನ್' ವಿಮರ್ಶೆ: ರಾಮನಾಗಿ ಪ್ರೀತಿಸು, ರಾವಣನಾಗಿ ಯೋಚಿಸು!

ಯಾವುದನ್ನೂ ಹೋಲಿಸಬೇಡಿ.!

''ಚಿತ್ರರಂಗದಲ್ಲಿ ಟ್ರೆಂಡ್ ಸೆಟ್ ಮಾಡುವ ಚಿತ್ರಗಳು ತೀರಾ ಅಪರೂಪ. ರವಿ ಸರ್ ಚಿತ್ರರಂಗದ ಶೋ ಮ್ಯಾನ್. ಪ್ರೇಮಲೋಕದಂತಹ ಬ್ಲಾಕ್ ಬಸ್ಟರ್ ಚಿತ್ರವನ್ನ ಅವರು ಕೊಟ್ಟಿದ್ದಾರೆ. ಈ ಚಿತ್ರವನ್ನ ಬೇರೆ ಯಾವ ಚಿತ್ರಕ್ಕೂ ಹೋಲಿಸಬೇಡಿ'' ಎಂದಿದ್ದಾರೆ ರವಿಚಂದ್ರನ್ ಫ್ಯಾನ್ಸ್

ಓಹ್... ಆ ಪತ್ರ ಬರೆದವರು ರಕ್ಷಿತಾ ಪ್ರೇಮ್ ಅಲ್ವಂತೆ.!

ಈ ತರಹ ಪ್ರಚಾರ ಬೇಡ.!

''ಸಿನಿಮಾ ಪ್ರಚಾರಕ್ಕೆ ಇನ್ನೊಬ್ಬರ ಚಿತ್ರದ ಬಗ್ಗೆ ಮಾತನಾಡುವುದು ತಪ್ಪು. ನಿಮ್ಮ ನಿಮ್ಮ ಸಿನಿಮಾಗಳ ಬಗ್ಗೆ ಮಾತ್ರ ಗಮನ ಸೆಳೆಯುವ ಕೆಲಸ ಮಾಡಿ'' ಎಂದು ರಕ್ಷಿತಾ ಪ್ರೇಮ್ ಗೆ ರವಿಚಂದ್ರನ್ ಫ್ಯಾನ್ಸ್ ಸಲಹೆ ಕೊಟ್ಟಿದ್ದಾರೆ.