'ಸಿನಿಮಾ ರಿಲೀಸ್ ಮಾಡಿ' ಎಂದು ದೊಡ್ಡ ನಿರ್ಮಾಪಕರಿಗೆ ರವಿಚಂದ್ರನ್ ಆಗ್ರಹ

ಯಾವಾಗ ರಿಲೀಸ್ ಮಾಡಬೇಕು ಅಂದ್ಕೊಂಡಿದ್ದೀರಾ?

''ಕೊರೊನಾ ಭಯದಿಂದ ದೊಡ್ಡ ಚಿತ್ರಗಳು ಥಿಯೇಟರ್‌ಗೆ ಬರ್ತಿಲ್ಲ. ಯಾವಾಗ ರಿಲೀಸ್ ಮಾಡಬೇಕು ಅಂದುಕೊಂಡಿದ್ದೀರಾ. ಈ ಕೊರೊನಾ ಹೋಗಲ್ಲ. ಒಂದು ಸಮಯದಲ್ಲಿ ಕೊರೊನಾ ಬಂತು, ಹೋಯ್ತು. ಈಗ ಇದು ವ್ಯಾಪಾರ ಆಗಿದೆ ಅಷ್ಟೇ. ದೊಡ್ಡ ಚಿತ್ರಗಳು ಧೈರ್ಯ ಮಾಡಬೇಕು. ಬಿಡುಗಡೆ ಮಾಡಿ ಚಿತ್ರಗಳು. ಜನರ ಬರ್ತಾರೆ'' ಎಂದು ರವಿಚಂದ್ರನ್ ಆಗ್ರಹಿಸಿದ್ದಾರೆ.

ಥಿಯೇಟರ್ ಹೆಚ್ಚಾಗುತ್ತೆ

''ಕೊರೊನಾ ಹೋಗುವರೆಗೂ ಕಾಯ್ತೀರಾ ಅಂದ್ರೆ ಅದು ಹೋಗಲ್ಲ. ಸರಿ ಶೇಕಡಾ 50 ರಷ್ಟು ಚಿಂತೆನಾ, ರಿಲೀಸ್ ಮಾಡಿ, 50 ರಷ್ಟು ಜನ ಬಂದ್ರೆ ನಷ್ಟ ಆಗಲ್ಲ, ಚಿತ್ರಮಂದಿರ ತುಂಬತ್ತೆ. ಒಂದು ಥಿಯೇಟರ್‌ನಲ್ಲಿ ಬರ್ತಿದ್ದ ಸಿನಿಮಾ ಎರಡು ಥಿಯೇಟರ್‌ ಆಗುತ್ತೆ'' ಎಂದು ಆಶ್ವಾಸನೆ ನೀಡಿದ್ದಾರೆ.

ನಿರ್ಮಾಪಕರು ನುಗ್ಗಬೇಕು

''ಕೊರೊನಾ ಯಾವಾಗ ಹೋಗುತ್ತೆ ಅಂತ ಯೋಚನೆ ಮಾಡುತ್ತಾ ಕೂತರೆ ಆಗಲ್ಲ, ನಿರ್ಮಾಪಕರು, ನಟರು ನುಗ್ಗಬೇಕು. ಪೊಲೀಸರು ದಂಡ ಹಾಕ್ತಾರೆ ಅನ್ನೋದು ಬಿಟ್ಟರೆ ಯಾರಿಗೂ ಕೊರೊನಾ ಭಯ ಇಲ್ಲ. ಖಂಡಿತಾ ಜನ ಥಿಯೇಟರ್‌ಗೆ ಬಂದೇ ಬರ್ತಾರೆ. ಧೈರ್ಯ ಮಾಡಿ'' ಎಂದು ರವಿಚಂದ್ರನ್ ಧೈರ್ಯ ತುಂಬಿದರು.

Recommended Video

ದಶಕಗಳು ಕಳೆದ್ರು ಇಂದಿಗೂ ರಾಜಣ್ಣನೆ ನಂಬರ್ ಒನ್ | Dr Rajkumar | Filmibeat Kannada

ದೊಡ್ಡ ಚಿತ್ರಗಳು ಅಂತ ಯಾವುದಿದೆ?

ರವಿಚಂದ್ರನ್ ಹೇಳುವಂತೆ ಸ್ಟಾರ್ ನಟರ ಚಿತ್ರಗಳು ಹಾಗು ದೊಡ್ಡ ನಿರ್ಮಾಪಕರ ಚಿತ್ರಗಳು ಅಂತ ನೋಡಿದ್ರೆ, ದರ್ಶನ್ ರಾಬರ್ಟ್, ಸುದೀಪ್ ಕೋಟಿಗೊಬ್ಬ 3, ಪುನೀತ್ ಯುವರತ್ನ, ದುನಿಯಾ ವಿಜಯ್ ಸಲಗ ಎಲ್ಲ ಕೆಲಸ ಮುಗಿಸಿ ರಿಲೀಸ್‌ಗೆ ಸಜ್ಜಾಗಿದೆ.