ಈ ಸಿನಿಮಾ ನೋಡಿದವರಿಗೆ 'ಬೈಕ್' ಗೆಲ್ಲುವ ಅವಕಾಶ.!

'ವೈರ' ಸಿನಿಮಾ ನೋಡಿದ 50 ಜನ ಅದೃಷ್ಟವಂತ ಪ್ರೇಕ್ಷಕರಿಗೆ ಮೋಟರ್ ಬೈಕ್ ಗಿಫ್ಟ್ ಆಗಿ ನೀಡಲಾಗುವುದು. ಚಿತ್ರಮಂದಿರಕ್ಕೆ ಬಂದು 'ವೈರ' ವೀಕ್ಷಿಸಬೇಕು. ಲಕ್ಕಿ ಡಿಪ್ ಮೂಲಕ ರಾಜ್ಯದಲ್ಲಿ ಒಟ್ಟು 50 ಜನರನ್ನು ಆಯ್ಕೆ ಮಾಡಲಾಗುವುದು.

ಯುವಕರಿಗೆ ಮೋಟರ್ ಬೈಕ್ ನೀಡಲು ನಿರ್ಧರಿಸಿರುವ ಚಿತ್ರತಂಡ ಹೆಣ್ಣು ಮಕ್ಕಳಿಗೆ ಸಹಕಾರಿಯಾಗುವಂತೆ ಸ್ಕೂಟಿ ನೀಡಲಿದ್ದಾರಂತೆ.

ಪ್ರತಿ ಜಿಲ್ಲೆಗೆ ಒಂದು ಮತ್ತು ಬೆಂಗಳೂರಿನ ಹಲವು ಕಡೆ ಸೇರಿ ಒಟ್ಟು 50 ಬೈಕ್ ನೀಡಲಾಗುವುದು. ಸಿನಿಮಾ ನೋಡಿದ ನಂತರ ಟಿಕೆಟ್ ಹಿಂದೆ ಅವರ ಫೋನ್ ನಂಬರ್ ಬರೆದು ಹಿಂತಿರುಗಿಸಬೇಕು. ಲಕ್ಕಿ ಡಿಪ್ ಮೂಲಕ ಕೆಲವರನ್ನ ಆಯ್ಕೆ ಮಾಡಿ, ಸಿನಿಮಾ ಬಗ್ಗೆ ಸಿಂಪಲ್ ಪ್ರಶ್ನೆಗಳನ್ನ ಅವರಿಗೆ ಕೇಳಲಾಗುವುದು. ಸರಿಯಾಗಿ ಉತ್ತರ ನೀಡಿದವರಿಗೆ ಬೈಕ್ ವಿತರಿಸಲಾಗುವುದಂತೆ.

ಸದ್ಯ, ಚಿತ್ರೀಕರಣ ಪೂರ್ತಿ ಮುಗಿಸಿರುವ ಚಿತ್ರತಂಡ ಸೆಪ್ಟಂಬರ್ ಎರಡನೇ ವಾರ ಬೆಳ್ಳಿತೆರೆಗೆ ಬರುವ ತಯಾರಿಯಲ್ಲಿದೆ.

ನವರಸನ್ ಈ ಚಿತ್ರದಲ್ಲಿ ನಾಯಕನಾಗಿ ನಟಿಸಿದ್ದು, ಸ್ವತಃ ಅವರೇ ನಿರ್ದೇಶನ ಮಾಡಿದ್ದಾರೆ. ಚಿತ್ರದ ಬಹುಪಾಲು ಚಿತ್ರೀಕರಣ ಮಡಿಕೇರಿಯಲ್ಲಿ ನಡೆದಿದ್ದು, ಕೆಲವು ಭಾಗಗಳನ್ನು ಬೆಂಗಳೂರಿನಲ್ಲಿ ಚಿತ್ರೀಕರಿಸಲಾಗಿದೆ. ರವಿ ಬಸ್ರೂರ್ ಅವರು ಈ ಚಿತ್ರದ ಸಂಗೀತ ನಿರ್ದೇಶಕ. ಪ್ರಿಯಾಂಕಾ ನಾಯಕಿ ಆಗಿದ್ದಾರೆ.