ಈ ತಮಿಳು ನಟಿಗೆ ಚಾಲೆಂಜಿಂಗ್ ಸ್ಟಾರ್ ಅಂದ್ರೆ ಅಚ್ಚುಮೆಚ್ಚು

ದರ್ಶನ್ ಅಭಿನಯಕ್ಕೆ ಮನಸೋತ ನಟಿ

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಕರ್ನಾಟಕದಲ್ಲಿ ಮಾತ್ರವಲ್ಲದೆ ಹೊರ ರಾಜ್ಯದಲ್ಲೂ ತಮ್ಮ ಅಭಿಮಾನಿಗಳನ್ನ ಹೊಂದಿದ್ದಾರೆ ಎನ್ನುವುದಕ್ಕೆ ಮತ್ತೊಂದು ಉದಾಹರಣೆ ಸಿಕ್ಕಿದೆ. ಕಾಲಿವುಡ್ ನಟಿಯೊಬ್ಬರು ತಮ್ಮ ಸಂದರ್ಶನದಲ್ಲಿ ಕನ್ನಡದ ನಟ ದರ್ಶನ್ ಎಂದರೆ ನನಗೆ ಇಷ್ಟ ಎಂದು ಹೇಳಿಕೊಂಡಿದ್ದಾರೆ.

ವೀರೈಯಾನ್ ನಾಯಕಿಗೆ ದರ್ಶನ್ ಎಂದರೆ ಇಷ್ಟ

ಕಳೆದ ವರ್ಷದ ನವೆಂಬರ್ ನಲ್ಲಿ ತಮಿಳಿನ ವೀರೈಯಾನ್ ಎನ್ನುವ ಸಿನಿಮಾ ತೆರೆಕಂಡಿತ್ತು. ಚಿತ್ರದಲ್ಲಿ ನಾಯಕಿಯಾಗಿ ನಟಿ ಶೈನಿ ಅಭಿನಯಿಸಿದ್ದರು. ಚಿತ್ರ ರಿಲೀಸ್ ಸಮಯದಲ್ಲಿ ನಡೆಸಿರುವ ಸಂದರ್ಶನದಲ್ಲಿ ನಟಿ ಶೈನಿ ನನಗೆ ಕನ್ನಡದ ಸ್ಟಾರ್ ಗಳಲ್ಲಿ ದರ್ಶನ್ ಎಂದರೆ ಇಷ್ಟ ಎಂದಿದ್ದಾರೆ.

ಅಭಿಮಾನಿಗಳಿಗೆ ಸಂತಸದ ಸುದ್ದಿ

ಶೈನಿ ಅವರ ಸಂದರ್ಶನದ ವಿಡಿಯೋ ಸದ್ಯ ವೈರಲ್ ಆಗುತ್ತಿದೆ. ಬೇರೆ ಭಾಷೆಯ ಸಿನಿಮಾಗಳಲ್ಲಿ ಅಭಿನಯ ಮಾಡದಿದ್ದರು ದರ್ಶನ್ ಅವರನ್ನ ಪರ ಭಾಷೆಯ ಕಲಾವಿದರು ಮೆಚ್ಚಿಕೊಂಡಿರುವುದಕ್ಕೆ ಡಿ ಬಾಸ್ ಅಭಿಮಾನಿಗಳು ಸಂತಸ ವ್ಯಕ್ತ ಪಡಿಸಿದ್ದಾರೆ.

ಕನ್ನಡ ಸಿನಿಮಾಗಳಲ್ಲಿ ಮಾತ್ರ ನಟನೆ

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಕನ್ನಡ ಸಿನಿಮಾಗಳಲ್ಲಿ ಮಾತ್ರ ಅಭಿನಯಿಸುವುದಾಗಿ ನಿರ್ಧಾರ ಮಾಡಿದ್ದಾರೆ. ಕನ್ನಡ ಪ್ರೇಕ್ಷಕರಿಂದಲೇ ಹೆಸರು ಮತ್ತು ಕೀರ್ತಿ ಗಳಿಸಿರುವುದರಿಂದ ಇಲ್ಲಿಯ ಜನರಿಗೆ ಮನೋರಂಜನೆ ಕೊಡುವುದು ನಮ್ಮ ಕೆಲಸ ಎಂದು ಬಲವಾಗಿ ನಂಬಿಕೊಂಡಿದ್ದಾರೆ.