»   » 'ಸೂಪರ್ ಸ್ಟಾರ್'ಗಳ ನೆಚ್ಚಿನ 'ಅಭಿನೇತ್ರಿ' ಕೃಷ್ಣಕುಮಾರಿ ನಿಧನ

'ಸೂಪರ್ ಸ್ಟಾರ್'ಗಳ ನೆಚ್ಚಿನ 'ಅಭಿನೇತ್ರಿ' ಕೃಷ್ಣಕುಮಾರಿ ನಿಧನ

Posted By:
Subscribe to Filmibeat Kannada
For Quick Alerts
ALLOW NOTIFICATIONS
For Daily Alerts

    ತೆಲುಗು ಚಿತ್ರರಂಗದ ಅಭಿನೇತ್ರಿ ನಟಿ ಕೃಷ್ಣಕುಮಾರಿ (83) ಇನ್ನು ನೆನಪು ಮಾತ್ರ. ಮೂಳೆ ಕ್ಯಾನ್ಸರಿನಿಂದ ಬಳಲುತ್ತಿದ್ದ ಅವರು ಇತ್ತೀಚೆಗೆ ಚೇತರಿಕೆ ಕಂಡಿದ್ದರು. ಆದರೆ, ವಯೋ ಸಹಜ ಅನಾರೋಗ್ಯದಿಂದ ನಿಸ್ತೇಜರಾಗಿ ಬುಧವಾರ ಬೆಳಗ್ಗೆ ತಮ್ಮ ಮಗಳ ಮನೆಯಲ್ಲಿ ಕೊನೆಯುಸಿರೆಳೆದಿದ್ದಾರೆ.

    60 ರಿಂದ 80ರ ದಶಕದ ಖ್ಯಾತ ನಟಿಯಾಗಿದ್ದ ಕೃಷ್ಣಕುಮಾರಿ ಹೆಚ್ಚು ಗುರುತಿಸಿಕೊಂಡಿದ್ದು ತೆಲುಗು ಭಾಷೆಯಲ್ಲಿ. ತೆಲುಗಿನಲ್ಲಿ ಸುಮಾರು 110ಕ್ಕೂ ಅಧಿಕ ಚಿತ್ರಗಳಲ್ಲಿ ನಟಿಸಿರುವ ಕೃಷ್ಣಕುಮಾರಿ ತಮಿಳು, ಕನ್ನಡ ಹಾಗೂ ಮಲಯಾಳಂ ಭಾಷೆಯಲ್ಲೂ ಮಿಂಚಿದ್ದರು. ಈ ಮೂಲಕ ಚರ್ತುಭಾಷಾ ತಾರೆಯಾಗಿ ಯಶಸ್ಸು ಕಂಡಿದ್ದರು.

    ಕ್ಯಾನ್ಸರಿನಿಂದ ಚೇತರಿಸಿಕೊಂಡಿದ್ದ ನಟಿ ಕೃಷ್ಣಕುಮಾರಿ ಇನ್ನಿಲ್ಲ

    ಕೃಷ್ಣಕುಮಾರಿ ಆಗಿನ ಕಾಲದ ಸ್ಟಾರ್ ನಾಯಕಿ. ದಕ್ಷಿಣ ಭಾರತದ ಬಹುತೇಕ ಎಲ್ಲ ಸೂಪರ್ ಸ್ಟಾರ್ ನಟರಿಗೆ ನೆಚ್ಚಿನ ನಾಯಕಿಯಾಗಿದ್ದರು. ಎನ್.ಟಿ. ರಾಮ ರಾವ್, ಅಕ್ಕಿನೀನಿ ನಾಗೇಶ್ವರ ರಾವ್, ಕೃಷ್ಣಂ ರಾಜು, ಡಾ ರಾಜ್ ಕುಮಾರ್, ಶಿವಾಜಿ ಗಣೇಶನ್, ಜಗ್ಗಯ್ಯ ಸೇರಿದಂತೆ ಹಲವರ ಜೊತೆ ನಟಿಸಿದ್ದರು. ಹಾಗಿದ್ರೆ, ಕೃಷ್ಣ ಕುಮಾರಿ ಕನ್ನಡದಲ್ಲಿ ಅಭಿನಯಿಸಿದ ಚಿತ್ರಗಳು ಯಾವುದು? ಅವರ ಸಿನಿ ಪಯಣ ಹೇಗಿತ್ತು ಎಂಬುದನ್ನ ತಿಳಿಯಲು ಮುಂದೆ ಓದಿ.....

    ತೆಲುಗು ಚಿತ್ರದ ಮೂಲಕ ಸಿನಿಮಾ ಪ್ರವೇಶ

    1951ರಲ್ಲಿ ತೆರೆಕಂಡ 'ನವ್ವುತೆ ನವರತ್ನಾಲು' ಚಿತ್ರದ ಮೂಲಕ ಕೃಷ್ಣಕುಮಾರಿ ಸಿನಿಮಾರಂಗ ಪ್ರವೇಶ ಮಾಡಿದರು. ತೆಲುಗು ಚಿತ್ರದಲ್ಲಿ ಚೊಚ್ಚಲ ಭಾರಿಗೆ ಬಣ್ಣ ಹಚ್ಚಿದ್ದ ನಟಿ ನಂತರ ತಮಿಳು, ಕನ್ನಡ ಹಾಗೂ ಮಲಯಾಳಂ ಚಲನಚಿತ್ರಗಳಲ್ಲಿ ನಟಿಸಿದರು.

    110ಕ್ಕೂ ಅಧಿಕ ತೆಲುಗು ಸಿನಿಮಾ

    'ಪಾತಳ ಬೈರವಿ', 'ಪ್ರಿಯುರಾಲು', 'ಪಿಚ್ಚಿ ಪುಲ್ಲಯ್ಯ', 'ಬಂಗಾರು ಪಾಪ', 'ವಿನಾಯಕ ಚೌತಿ', 'ವೀರ ಕಂಕಣಂ', 'ದೀಪಾವಳಿ', 'ಭಾರ್ಯ ಬರ್ತಲು', 'ಕುಲ ಗೋತ್ರಾಲು' ಸೇರಿದಂತೆ 110ಕ್ಕೂ ಅಧಿಕ ತೆಲುಗು ಸಿನಿಮಾದಲ್ಲಿ ಕೃಷ್ಣ ಕುಮಾರಿ ನಟಿಸಿ ತೆಲುಗು ಪ್ರೇಕ್ಷಕ್ಷರ ಮನಗೆದ್ದಿದ್ದರು.

    ಡಾ ರಾಜ್ ಜೊತೆ ಹೆಚ್ಚು ಸಿನಿಮಾ

    ಕನ್ನಡದಲ್ಲೂ ಹಲವು ಚಿತ್ರಗಳಲ್ಲಿ ನಟಿಸಿದ್ದ ಕೃಷ್ಣ ಕುಮಾರಿ, ಡಾ ರಾಜ್ ಕುಮಾರ್ ಗೆ ಹೆಚ್ಚು ಸಿನಿಮಾಗಳಲ್ಲಿ ನಾಯಕಿಯಾಗಿದ್ದರು. 'ಭಕ್ತ ಕನಕದಾಸ', 'ಆಶಾಸುಂದರಿ', 'ದಶಾವಾತಾರ', 'ಶ್ರೀಶೈಲ ಮಹಾತ್ಮೆ', 'ಭಕ್ತ ಕಬೀರ', 'ಸ್ವರ್ಣ ಗೌರಿ', 'ಚಂದ್ರ ಕುಮಾರ', 'ಸತಿ ಸಾವಿತ್ರಿ' ಸೇರಿದಂತೆ ಹಲವು ಕನ್ನಡ ಸಿನಿಮಾಗಳಲ್ಲಿ ನಟಿಸಿದ್ದರು.

    ಸಾಹುಕಾರ್ ಜಾನಕಿ ಸಹೋದರಿ

    1933 ರ ಮಾರ್ಚ್ 6 ರಂದು ಪಶ್ಚಿಮ ಬಂಗಾಳದ ನೈಹಾತಿಯಲ್ಲಿ ಬ್ರಾಹ್ಮಣ ಕುಟುಂಬದಲ್ಲಿ ಜನಿಸಿದ ಟಿ ಕೃಷ್ಣ ಕುಮಾರಿ ಅವರ ತಂದೆ ವೆಂಕೋಜಿ ರಾವ್, ತಾಯಿ ಸಚಿ ದೇವಿ. ಇವರ ಸಹೋದರಿ ಸಾಹುಕಾರ್ ಜಾನಕಿ ಕೂಡಾ ಬಹುಭಾಷಾ ನಟಿಯಾಗಿ ಮಿಂಚಿದರು. ಇಂಡಿಯನ್ ಎಕ್ಸ್ ಪ್ರೆಸ್ ನ ಮಾಜಿ ಸಂಪಾದಕ ಮತ್ತು ಪತ್ರಿಕೋದ್ಯಮಿ ಅಜಯ್ ಮೋಹನ್ ಖೈತಾನ್ ರನ್ನು ಕೃಷ್ಣ ಕುಮಾರಿ ಮದುವೆಯಾಗಿದ್ದರು. ಪುತ್ರಿ ದೀಪಿಕಾ, ಅಳಿಯ ವಿಕ್ರಮ್, ಮೊಮ್ಮಗ ಪವನ್ ಜತೆ ಬೆಂಗಳೂರಿನಲ್ಲಿ ಕೃಷ್ಣಕುಮಾರಿ ಅವರು ಬಹುಕಾಲದಿಂದ ನೆಲೆಸಿದ್ದರು.

    English summary
    Veteran Actress Krishna Kumari Passed Away. T Krishna Kumari, who happens to be one of the leading stars in the 60s and 70s of Telugu cinema. was diagnosed with bone marrow cancer she took chemotherapy at the Apollo Hospital, Bengaluru and recovered. Her co-stars include legends N.T.Rama Rao, Akkineni Nageswara Rao, Krishnam Raju, Dr. Rajkumar, Sivaji Ganesan.

    Kannada Photos

    Go to : More Photos

    ಮನರಂಜನಾ ಜಗತ್ತಿನ ಎಲ್ಲ ತಾಜಾ ರೋಚಕ ಸುದ್ದಿಗಳನ್ನು ಪಡೆಯಿರಿ - Filmibeat Kannada

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more