ದರ್ಶನ್ ಸಿನಿಮಾದ ಅಂದ ಹೆಚ್ಚಿಸಲಿದೆ ಬಾಲಿವುಡ್‌ ಸಂಸ್ಥೆ

ರಾಜವೀರ ಮದಕರಿ ನಾಯಕಕ್ಕೆ ವಿಫ್‌ಎಕ್ಸ್‌

'ರಾಜವೀರ ಮದಕರಿ ನಾಯಕ' ಐತಿಹಾಸಿಕ ಸಿನಿಮಾ ಆಗಿರುವ ಕಾರಣ ಸಾಕಷ್ಟು ಯುದ್ಧ ಸನ್ನಿವೇಶಗಳು, ಆಕ್ಷನ್ ದೃಶ್ಯಗಳು ಸಿನಿಮಾದಲ್ಲಿದೆ. ಗ್ರಾಫಿಕ್ಸ್‌ ಬಳಕೆ ಸಹ ಹೆಚ್ಚಿಗೆ ಇದೆ. ಸಿನಿಮಾಕ್ಕೆ ಗುಣಮಟ್ಟದ ವಿಎಫ್ಎಕ್ಸ್‌ ಪರಿಣಾಮ ನೀಡಲು ಬಾಲಿವುಡ್‌ನ ಪ್ರತಿಷ್ಠಿತ ಎನ್‌ವೈ ವಿಎಫ್‌ಎಕ್ಸ್‌ ಸಂಸ್ಥೆಯನ್ನು ಗೊತ್ತು ಮಾಡಿದ್ದಾರೆ ನಿರ್ಮಾಪಕರು.

ಹಲವು ಬಾಲಿವುಡ್ ಸಿನಿಮಾಗಳಿಗೆ ಕೆಲಸ

ಬಾಜಿರಾವ್ ಮಸ್ತಾನಿ, ಪ್ರೇಮ್ ರಥನ್ ಧನ್‌ ಪಾಯೋ, ಫೋರ್ಸ್ 2, ತಮಿಳಿನ ಮರ್ಸೆಲ್‌ ಸಿನಿಮಾಗಳಿಗೆ ವಿಎಫ್‌ಎಕ್ಸ್‌ ನೀಡಿದ್ದ ವಿಎಫ್‌ಎಕ್ಸ್‌ ವಾಲಾ ಸಂಸ್ಥೆಯು ದರ್ಶನ್ ನಟನೆಯ 'ರಾಜವೀರ ಮದಕರಿ ನಾಯಕ' ಸಿನಿಮಾಕ್ಕೆ ವಿಎಫ್‌ಎಕ್ಸ್ ನೀಡಲಿದೆ.

ಅಜಯ್ ದೇವಗನ್ ಒಡೆತನದ ಸಂಸ್ಥೆ

ಈ ಎನ್‌ವೈ ವಿಎಫ್‌ಎಕ್ಸ್ ವಾಲಾ ಸಂಸ್ಥೆಯು ಬಾಲಿವುಡ್‌ನ ಖ್ಯಾತ ನಟ ಅಜಯ್ ದೇವಗನ್ ಅವರದ್ದಾಗಿದೆ. ಹಲವು ಪ್ರಮುಖ ಸಿನಿಮಾಗಳಿಗೆ ವಿಎಫ್‌ಎಕ್ಸ್‌ ನೀಡಿರುವ ಈ ಸಂಸ್ಥೆಗೆ 2016 ರಲ್ಲಿ 'ಶಿವಾಯ' ಸಿನಿಮಾದ ವಿಎಫ್‌ಎಕ್ಸ್‌ ಗಾಗಿ ರಾಷ್ಟ್ರ ಪ್ರಶಸ್ತಿ ಸಹ ದೊರೆತಿದೆ.

Recommended Video

ಬಾಯ್ ಫ್ರೆಂಡ್ ಜೊತೆ ರೋಮ್ಯಾಂಟಿಕ್ ಫೋಟೋ ಹಂಚಿಕೊಂಡ ಗೊಗ್ಲಿ ಬೆಡಗಿ | Filmibeat Kannada

ಸುಮಲತಾ ಸಹ ನಟಿಸುತ್ತಿದ್ದಾರೆ

'ರಾಜವೀರ ಮದಕರಿ ನಾಯಕ' ಸಿನಿಮಾವನ್ನು ಹಿರಿಯ ನಿರ್ದೇಶಕ ರಾಜೇಂದ್ರ ಸಿಂಗ್ ಬಾಬು ನಿರ್ದೇಶಿಸುತ್ತಿದ್ದಾರೆ. ನಿರ್ಮಾಣ ರಾಕ್‌ಲೈನ್ ವೆಂಕಟೇಶ್ ಅವರದ್ದು. ಸಿನಿಮಾದಲ್ಲಿ ಮಂಡ್ಯ ಸಂಸದೆ ಸುಮಲತಾ ಸಹ ನಟಿಸುತ್ತಿದ್ದಾರೆ. ಸಿನಿಮಾದ ನಾಯಕಿ ಇನ್ನೂ ಅಂತಿಮವಾಗಿಲ್ಲ. ಜೊತೆಗೆ ಇನ್ನೂ ಕೆಲವು ನಟರ ಪಾತ್ರಗಳು ಸಹ ಅಂತಿಮವಾಗಬೇಕಿದೆ.